الليل طرف والبدايه تكاليف=والحيل فاتر والنهايه مسافه

ماتنقطع بسبوع من صيف الى صيف=لاكن مسافه ماعليها حسافه

يمشيبها من يرغب الظلم والزيف=لو يدعى بالمعرفه والثقافه

معروف مايحتاج نبذه وتعريف=دايم علومه من مصادر خرافه

واللى معه يمشون ناسن ملاقيف=الله ولا ناسن تحب اللقافه

مسكين ياوجهه البراءه بعد شيف=طاف الفرح بالحلم والعلم طافه

يندب على حظ القلوب المواليف=ويشكى دجل ناسن تحب السخافه

ياحربي بن بجاد عد المشاريف=ان كان مافيها عليكم كلافه

وتشوف بوش البدو من ريف الى ريف=يبرالها ركبى بطول الزرافه

واسوقها عودن يدور على الكيف=عودن علومه كلبوها طرافه

وان كنت طرقي ن يدوج على السيف=السيف واضح ماتبين جفافه

لو المعزب مايبا شوفة الضيف=سلم العرب يفرض عليه الضيافه


وهذا رد الشاعر الكبير حربي الفريدى


صح الله لسان الرجال العواريف=اللى قصايدهم حديث الصحافه

مابالقصايد يالرشيدى تكاليف=اقبل من الحربي صريح اعترافه

ارسلت لى ولاعدها غير تشريف=وكلن على ماقيل من دون قافه

وانا سمعت اللى تقوله ولااضيف=غير الكلام اللى يفيد الاضافه

يامغلفن باقه من الورد تغليف=مابالزهر غير الشذى واللطافه

ولايضبط الطبخه سوى الطاهى الشيف=اللى يبين بالمذاق احترافه

ومن جرب الدنيا على الواقع يعيف=ولاغير رب الكون يسوى نخافه

والشعر ماهو عشرة ابيات تصفيف=وشاعر بطرق الزول وأخرقيافه

الشعرفايق ماحوته المظاريف=من قبل عصر النفط يبدا اكتشافه

ولاشوف لشعار كادر وتصنيف=فوضي خذا الجمهور معها انحرافه

ممشي المراكب فالبحر دون تجديف=بعرض الخليج اليعربي من ضفافه

ولايوحى الربان صوت القلاليف=وش يسمع الاطرش بليلة زفافه

لاصارت القبله على المحرم جنيف=لابد ماتكمل مناسك طوافه

وان فكه الله من جميع الصواديف=ياصل على متنه بقايا لحافه

وان قاله الله باكر يقول ياحيف=ويقابل الخالق بكل اعترافه