الشاعر المبدع زايد ابن عدله في اقوى واشرس محاوراته مع الشاعر نواف زاكي
 

السلام عليكم ورحمة الله وبركاته
طاروق للشاعر المبدع زايد ابن عدله مع الشاعر نواف زاكي ومن رائي الشخصي انهااقوى محاوره لبن عدله وتفوق بها على خصمه بأنواع المقالب والتمريرات رغم قوة ومقدرة ابن زاكي الشعريه ولكن الشاعر كلاعب الكره احيان يبدع وااحيان اخرى يخفق و
اليكم المحاوره
====================================
زايد ابن عدله

مرحبا في محل متعبين الركاب=بأسم شيخً نهار الجد ماهو بسيط
ارحبي ياهجوسي واطرقي كل باب= مرّي اهل المناخ ومرّي اهل المخيط

نواف زاكي

البقا يالمرحب عد وبل السحاب=لاتردّى عزومك من محيط لمحيط
مدّ شوفك ورجلك للقمم لاتهاب=مايفيدك تجي وتعيد نفس الشريط

زايد ان عدله

في نهار اللقا بيديّ شلفا ذياب=الرسن في يدي ويديك منها فريط
يابن زاكي جبال الارض اهي والتراب=كلها فوق سطح الكون عنصر خليط

نواف زاكي

راعي الشلف يلقى السيف راع النصاب=هدّ نفسك مابيك تصير معنا عبيط
انتبه للخطا قدام يوم الحساب=تحسب انك ذكي والامر هذا بسيط

زايد ابن عدله

اربع سنين اجامل لين ضاع الكتاب=مير ابى اركي عليك النار حتى تشيط
لو نعلّم عبيده وش حصل للحباب= كان تسحب خيوط السالفه خيط خيط

نواف زاكي

انت توّك يابن عاتي صغير وشباب=خايف اجرك جرحً بالزمن مايخيط
كان عندك خبر هاته يامال الذهاب= مايراسل عبيده غير وجهً بليط

زايد ابن عدله

ماتنزل مقامي لو يشيب الغراب=مير خلك على هالوضع مالك نغيط
بين ضلعان حائل مثل ضوح السراب=كان هفيت يانواف هفّت مقيط

وافين ما قصرتو

ابو علي 2011
مرورك شرفني
==========
السيف القاطع لاهنت على مرورك العطر
===============================
زراق الاشهب كل شخص له وجهة نظر واعتقد وجهت نظرك خانتك هذه المره

المحاورة . جميلة هاجس المحاورة . فيها مرونة كافية

افضل بيوتها هو البيت رقم 4 بيت مليان واعتقد انه صحيح . عكس مدى الفرق بين الشاعرين من ناحية الثقة والتكانه

البيت رقمم 6 اعتبره هفوة اعاد بيت الجميع يعرفه . ولكن الشاعر نواف قدم له نصيحة

هناك نقطه واحدة مهمه ولابد أنا نحاربها .

هو انك تحارب الشاعر من عدة محاور . قد تجاوز خمسة امور منها مهاجمت قبيلة الخصم على حسابه , وهذ محرم شرعا


اذا اردت كسب المحاورة امامك عدة نقاط احرص عليها .. الاخلاق . الحكمة .الصدق . والثقةو التركيز هذي من الناحية الشخصية

لكن من الناحية الفنية . النقض . اوالفتل . التركيز . واذا كانت البداية عنجك اختر بحرك وقافك


والكفة على حسب ماجا في هذا المحاورة فهي تميل لصالح نواف وبشكل كبير

صياف مرورك وتعليقك نوّر موضوعي
مشكور ياشاعر الخليج

سؤال .. نواف زاكي . هو عويمري . ضروري الاجابه


الي يعرف عنه معلومات . يسدحها لنا هنا

صح الله اللسان الشاعرين

لاهنتم

مدّ شوفك ورجلك للقمم لاتهاب=مايفيدك تجي وتعيد نفس الشريط
هنا الابداع من نواف وهنا الحكمه
===========================

يابن زاكي جبال الارض اهي والتراب=كلها فوق سطح الكون عنصر خليط
بيت عن مليون بيت سواء معناه السطحي او معناه المدفون
==========================================
ماتنزل مقامي لو يشيب الغراب=مير خلك على هالوضع مالك نغيط
بين ضلعان حائل مثل ضوح السراب=كان هفيت يانواف هفّت مقيط
بيتين في غاية الروعه
=======================
صح اللسان الشاعرين وشكرا لك ثاري الجلادي ولاتحرمنا من جديدك

يابن زاكي جبال الارض اهي والتراب=كلها فوق سطح الكون عنصر خليط

الله واكبر يابن عدله كل هالكارثه على ابن زاكي والله انك مبدع لو ان الماركه مسجله باسم عبدالله الاشرم لكن لا يعيبك استخدامها وقت الضروره ههههه
مرره الاشرم على الرياحي رحمه الله والله مانت عاجز عن ابن زاكي لا تمرره عليه
والله انك مبدع وحركاتك تصلح لي الله يصلحك
تقبل تحيات اخوك الونش

رد على موضوع صياف نواف عويمري
ووالده حامدابن زاكي شاعر محاوره قديم مع عيدمربح ومن الشعراء المتميزين بلمعنا ولكن ترك المحاورة لظروف صحية

محاورة جميلة بس انامايت هذا الشطرمن البيت لاان عبيدة والحباب من قبيله معروفه ولالهامجال في محاورتهم
لو نعلّم عبيده وش حصل للحباب
امارايي في نواف فهومن بيئة شعرية ابن على جد