دخيلك لاتروّع يابوتركي دام راسي حي=معك حرٍ نداوي يضهد العدوان مخلابه
نرد الصاع صاعين وعلى العايل نزود شوي=قرومٍ نرفع اسمك فالملاقا وانتعزوابه
وقناص الضواري صايده ومكتفه بيدي=بسوقه لين يبرك في محلك وأنت طلابه
ياعمدتنا عليك بحكم ربي في سروق الحي=ترى حكمك على السارق لابده يردع أصحابه

يا ناصر أخنيفر يا ريف المواليف = يالصارم العادل بحزم وجلاده
غصن الكرم لا هزه الريح فالصيف = هلت عناقيده على غير عاده
وضلع الشجاعه لو تهب العواصيف = ما حركه صفق الهواء واشتداده
تعرف حقوق الجار وتوجب الضيف = فعايلك فالناس ( سكر زياده )
قد السفينه لين ترسى على السيف = ما غيركم نرضى يشيل القياده
تستاهل التقدير من دون تزييف = والختم ختمك وانت شيخ العماده