قبيلة بني رشيد - تعال ياخاتم سليمان

قبيلة بني رشيد (http://ban3abs.com/aa/index.php)

- منتدى المحــــــــــــــاوره (http://ban3abs.com/aa/forumdisplay.php?f=13)

- - تعال ياخاتم سليمان (http://ban3abs.com/aa/showthread.php?t=106112)

صح الله السانكم مبدعين
كنت اتمنى اني حضرت الطاروق ولكن كنت بالسفر!
مشكورين جميع

إقتباس:

اقتباس من مشاركة غــ زمانك ــرك (المشاركة 2304861)

صح الله السانكم مبدعين
كنت اتمنى اني حضرت الطاروق ولكن كنت بالسفر!
مشكورين جميع

الحمد لله على السلامه

إقتباس:

اقتباس من مشاركة صياف (المشاركة 2304572)

سلام ياخاتم سلام الغانمين الطيبين = الليلة المعنى على هاك العلوم السابقه

لو مانت صاحب عارف مانديك بين الحاظرين = ولاهو قصور بمن حضر مير الفوارق فارقه

إقتباس:

اقتباس من مشاركة خاتم سليمان (المشاركة 2304626)

الله الله اسمع اسمع

يامرحبا و الأوله من حظ روس الأولين=والأوله ياصاحبي صياف غير اللاحقه

معناك ياصياف في وضع الثنين الهاربين=واحد كفوفه سارقه واحد عيونه غارقه

إقتباس:

اقتباس من مشاركة صياف (المشاركة 2304663)

دام البقابك ياطويل الباع بالقاف الثمين = البارحه خلت الخيال ولا صدق لي بارقه

المشكله بالكنية الي متعتن لناظرين = اثر علوم القوم في تال الزمان مدارقه

إقتباس:

اقتباس من مشاركة خاتم سليمان (المشاركة 2304695)

الله الله

ما يعلم عيوب النصارى غير دين المسلمين=دايم بروق الصيف مثل الكذب ماهي صادقه

ياصاحبي صياف لاتجرح صيام الصايمين=الناس يبغون الستر و أنته رصاصه حارقه

إقتباس:

اقتباس من مشاركة صياف (المشاركة 2304724)

صح اللسانك ياخاتم

الله يعين المومن الي مايمد الى اليمين = واليا قفل باب الجفا مايسمع الى طارقه

الي مايلزم في صيامه غير وقت البردتين = لايقوللي كل السنه وايامها مطابقه

إقتباس:

اقتباس من مشاركة خاتم سليمان (المشاركة 2304781)

الله الله صح الله ابدانك ولسانك اسمع اسمع

الصد ياصيّاف خصله من خصال الصالحين=بالدين والمخلوق يعلم سره اللي خالقه

لا شفت لي ناسٍ تبرّك في قبور الميتين=طرّوا عليّ امشجعة شعّار ماهي خارقه

إقتباس:

اقتباس من مشاركة صياف (المشاركة 2304802)

تنصحني اشيل الكتاب ولا اترك الى صفحتين = هلحين أنا ماشوف ياغير الزمن واسابقه

ياخاتم سليمان مادري مير عينت اليقين = مرت ثلاث اسنين مابه رجم غير اوايقه

صح اللسانك تشرفت بالعب معك وختام الطاروق عندك

إقتباس:

اقتباس من مشاركة خاتم سليمان (المشاركة 2304836)

الله الله

حجّه من العاقل تعادل مية ٍ للجاهلين=وأنا وابو موسى عليهم مثل شمس ِ شارقه

صمت ٍ عزيز أخير من قول ٍ يضرّ الغانمين=لو كنت مثل الريح يلعب بالغصون الوارقه

وصح الله ابدانك وصح لسانك ياصياف تشرفت باللعب معك شاعر ملعبه ومعنى وبيض الله وجهك على هالقاف وتصبح على الف خير

الله الله ... الله الله ... ياااا سلام يا سلااام ... عليكم مبدعين
وصح السنتكم جميع

صدقة يا عسكري القاعده لك ثلاث سنين وانت قوي شعريا

طارررووق مميز بين اساتذه

( لو مانت صاحب عارف ما نديك بين الحاظرين )

صياف مره طلبني فبيتين واخطيت باللحن وستهزى فيني يقول رح للي علمك الشعر قله ماهو على اللحن لكن يا صياف انا هالمره اقولك توك ما وصلت مستوى انك تسمى بصياف يا كاسر البيت على هالشطر والله لو ابرقعها الك خطا املائي ما تنترقع

عساها تكون بمثابة درس لك عشان ما تستهزئ بعيال عمك

إقتباس:

اقتباس من مشاركة مباوعي (المشاركة 2305074)

صدقة يا عسكري القاعده لك ثلاث سنين وانت قوي شعريا

صح انت وش ؟ دراك

إقتباس:

اقتباس من مشاركة الـنـاقـد (المشاركة 2305705)

صح كلامه مره اخطيت او طلبته : وضيع اللحن وش تسمى .. شوف اخرتها شايل علي يبيني اللعب معه مثل لعبه بدون وزن .. عجيب

لو مانت صاحب عرف ماناديك بين الحاضرين : هذه زيادت حرف اللف او نقصانه يقراه الشاعر المتمكن لكن الغشيم يتتع حتى بدون اخطاء

الي يبا صياف يلقاه بالميدان ويترك تصيد الاخطاء الاملائيه وتتبع المواضيع .. وكثرة القيل والقال

............................................

اقول ليت عندنا مثل الخشق 10

صياف وراك مقتبسني مع الناقد حرام لو اتهاوشون اني فلا افرقكم ههههههههههه اعرفك يا صياف واتمنالك التوفيق