السلام عليكم ورحمة الله وبركاته
مساؤ الخير
اسمع اسمع
سلام ردية تمشي على حسب القوانين///////وكل معه عين يبرح خطوته ساعة مشاها
ياللي تخطط على طمس المشايخ والسلاطين///////تبطي ونفسك تبا تتعب ولاتاصل مناها
عبدالباري
يامرحبـا بالمسلـم والـعـدل مـلـي المـوازيـن=واللي يخسر الرجال ايموت حضـه ماشراهـا
تشعب ذلولك ولادري وين تشعبها على وين=لكـان هـون عـلـى نفـسـك ولاتبـيـح خفـاهـا
مسري
الك البقا واخذ مني يافتى كل العناوين//////اللي بناها مهندس بنيها يومه بناها
يشعب ذلوله يحسب ان العرب ماهم بدارين//////يكحل عيونه وهو ياصاحبي سبة عماها
عبدالباري
يامهندس الصوت ابا العنوان يقرأ خطه ايمين=لاتخلـي الشاشـه تضيـق صـدر رجـل ٍ قـراهـا
ياهوه ياللي تسولف وانت بصفوف المصليـن=عـلام نفسـك تسولـف مـن خلاهـا فـي خـلاهـا
مسري
انته علامك ليا قلت الك حاجة قلت بعدين/////ياصاحبي بندقك بالك تثور في خباها
ياصاحبي صاحبك يمشي معك دايم على الدين//////ومعطيك سر القضيه ياعميلي في بداها
عبدالباري
الليـل طـرف ومسرانـا علـى نجـم الكليبيـن=والبير مابـل حلـق الطيـر ابـو دنقـور ماهـا
المزهب اللي خلط راعيه فيه الزين والشين=علـة نحـر يامـسـري مـاحـد ٍ يلـقـى دواهــا
مسري
الله يعز الرجال اللي تعرف الشين والزين//////والله يذل الرجال اللي شحيحه في عطاها
المزهب اللي تقوله ينعرف في حزه اللين////////والا الشدايد لها ياصاحبي رجل حماها
عبدالباري
الظلم خـلا الجزيـره ماتبـات مـن البراكيـن=لكـان مافـيـه نـفـس ألا تـبـا تـأخـذ جـزاهـا
وقت الرخاء كل واحد يذبح اخيار الباعرين=ناس ٍ كرمهـا تفاخـر والعـرب تـزرا علاهـا
مسري
الظلم راعيه يبقى طول عمره بين قوسين//////ينفخ ويطبخ بضل اللي تذريه بذراها
العقل نعمه وتدري لالقيت اللي مجانين//////اللي تبسم ولايوجد ولا سن بجماها
عبدالباري
ايقوله الشارد اللي ماحضر في حرب تشرين=عينـه علـى ساقتـه واليـا لقـى لهمـه كلاهـا
اي والله العقـل نعـمـه ماتحـسـب بالمثامـيـن=ماحـس بالجـمـره ألا واحــد ٍ سبـتـه وطـاهـا
مسري
ماتنفع الحجه اللي ماتثبت بالبراهين///////واللي تعرض لخلق الله يبا يصبح عشاها
اشوفها ولعت ياصاحبي نار ودخاخين////////غطت جميع النجوم اللي تشعشع في سماها
عبدالباري
لاتخلّـص الديـن يارجـال عـن ذمتـك بالـديـن=كـل العـرب عارفينـن طيبهـا وايـضـا رداهــا
الباب ياسع جمل لاضاق صدرك يااحمر العين=ماقلتلـك تدخـل ايدينـك علـى النـاس بحمـاهـا
مسري
الناس تمشي على رجلين ماتمشي على يدين///////وان جبت لي نصف كف والله لتاخذ ملاها
البوم ياصاحبي ماهوب ند للشياهين////////ويدي بداخل حماكم لاقيه والله غداها
عبدالباري
مانشتري سلعة اهل الهند وألا سلعة الصين=ألا على شأن نعرف وش ورا البير واغطاها
لا وخسارة هاجـد الذيـب والصيـد ام قرنيـن=مادونهـا ألا عجـوز ٍ جودهـا تـوم بـعصـاهـا
مسري
جاتك على غاربك ياشعيل لاتنشد من منين////////حملتك فوق الظهر والثانية تاتي وراها
سرحان خصمك وجنب عنه ياابا الحصين///////لاتعترض للذيابه يوم هي تزعج عواها
وسلامة الجميع
