اقتباس من مشاركة عميان (المشاركة 2908149)

الحمدلله على سلامتك يالامير = والله يكافيك من بقعاء وعثراتها
اليله امباركه والخير فيها بشير = كل المشاعر ترفرف لك براياتها

اقتباس من مشاركة حردان السحلي (المشاركة 2908185)

الحمد اللي على خلقه خبيرٍبصير =سبحان من يعلم النفس وغياتها
الله يجزاك يا عميا ن عنا بخير = والمخطيه خلها والطيبه هاتها

اقتباس من مشاركة عميان (المشاركة 2908202)

علومنا الماضيه فاحت بطيب وعبير = وعلومنا الحاضره نفتح ملفاتها
بيني وبينك ياسحلي كل علم ن خطير = يوم السوالف تجي من غير حزاتها

اقتباس من مشاركة حردان السحلي (المشاركة 2908219)

الباديه كلها والحاضره وش تصير = الي على بندها ولي على شاتها
بيني وبينك كذا يمكن يجوز ويصير = الناس ماتزين الين تزين نياتها

اقتباس من مشاركة عميان (المشاركة 2908225)

انت بدوي ماتعرف الا تشيل الحصير = ماتعرف الناس واللي في ثقافاتها
لاهل النوايا نبي نحطك ياسحلي سفير = عساك بعض البدو تعرف وش لغاتها

اقتباس من مشاركة حردان السحلي (المشاركة 2908232)

انابدويٍ خلقه الله وقدره كبير = يعرف هل لطيب ويقدرعلاقاتها
تصلح لها يا العماوي وانت اخبرك خبير= وصايبه ماتجيك الاعلى اوقاتها

اقتباس من مشاركة عميان (المشاركة 2908243)

الحمدلله مالك جنحان والا تطير = ان كان كل الدول تملك قنواتها
مايلحقك من طرفنا لاقليل وكثير = النفس زود شقها كثر شكاتها

اقتباس من مشاركة حردان السحلي (المشاركة 2908248)

يا سيد العرف اظنك غير والعرف غير = لا تجيبلي حجتن ما تملك اثباتها
انت ارفيق الوفي وانت الغني الفقير= في دولت اصدق وتمثل سفاراتها

اقتباس من مشاركة عميان (المشاركة 2908255)

حنا لقينا مراسيم البدو فوق بير = تشرح للاجيال مايجري على امواتها
يامستشار البدو ماعاد فيها شوير = جملة حروفك تعاكسنا حركاتها

اقتباس من مشاركة حردان السحلي (المشاركة 2908266)

يا ريس الحاضره ما الثور مثل البعير = لاكن خل المطيه تلحق اماتها
عزالله اللي يغش الحي ميت ظمير= عسى المواتر توطاه بكفراتها