لاتصير وافي لكل الناس يالوافي = اخذ الحذر واعط كل انسان ماجوبه
قليل في هالزمان الصاحب الصافي = بعض الاوادم تجي نيته مقلوبه
العام انا في مكاني كنت متعافي = واليوم انا في طريقٍ ماعرف دروبه
زرعت بالارض واسقيها بمغرافي = بارض الصبخ ماجنى الزراع مطلوبه
وصنعت لي ناس كانت نورها طافي = وعليّ كل الامور اليوم محسوبه
ويالوافي اهديك من نظمي ومن قافي = وتحيةٍ من صميم الراس مصبوبه

حيالله اللي يسكن الشرقيه = تحية الصاحب لاعز اصحابه
ديرتك فوق ونخوتك عبسيه = حرٍ وميكاره بروس اهضابه
الروس مرفوعه والانفس حيه = والسيف دايم مسكته بنصابه
ياسيفي اللي ذاخرك للهيه = لاصار ظرفٍ ماعرفت اسبابه
سعد عليك اقدم القافيه = ابيات شعرٍ مبهمه بكتابه
وكان الرموز الصادقه مخفيه = ماودي اكشفها تصير طلابه
احداث مرت كلها عصريه = والمبتلي عساك ماتبلابه

تعلموا منك الشعوب الاوائل = وعلمك يبي يبقى على مر الاجيال
ياحضرة العقاد شفت الهوايل = وفي تجربتك الخالده تظرب أمثال
ليتك تشوف عقود بعض القبايل = ووقتٍ تغير بين حابل ونبال
وأقرب قريب اليوم ياتيك صايل = واردا البشر في هالزمن صار خيال
ولاعم في هرجي عيال الحمايل = مثل مافيه احثال تلقالك رجال
اشكرك يالعقاد عبر الرسايل = لو حال من بيني ومن بينك اميال

حيالله عويض الشامان طلق اليمين = اللي تكلم عن الموضوع ومتابعة
عندي له الشكر والتقدير في كل حين = واكرر الشكر من وحده الى السابعه

يامرحبا ياسمي ابوي = تحيةٍ لونها وردي
أنت المكرم ومثل اخوي = طيب ولاضنتي تردي