ماغير أنا وصمتي على شاطيء اليأس=وحطـام هقواتـي بقايـا متـاعـي
أصارع أفكاري بعيـد عـن النـاس=وأضفي على حطامي مرقع شراعـي
يغتالني صمتـي بحرقـة ووسـواس=يفـج صـدري ويتسيـد نـزاعـي
شفني ضحية رحلـة مالهـا سـاس=وأنا شموخـك يـا مـدور ضياعـي
شفتك بكيت وقلت لك ماتـرى بـاس=رأسك عزيـز ولأنـت للعـز ناعـي
إن حدتـك دنيـاك يفـداك هالـرأس=مثلـي ذراع لـك ومثلـك ذراعــي
قلت إنها ضيقة وصاحبـك حسـاس=ومديت لي شبـرك وجيتـك بباعـي
وطيت لأجل رضاك طـرق ماتنـداس=وتشعبت طرقك علـى رجـل ساعـي
ذاخـرك للشـدات يـا ذخرالإفـلاس=وأنت بشعور الزيف ترسـم خداعـي
بغيت ترويضـي بتقطيـع الأنفـاس=وعزت على نفسي نزاهـة طباعـي
قصيت نفسي والمدى قطع الأرمـاس=وأنقذت مـن غبـة طمانـك رفاعـي
كان الفضول يحدك لجرح الإحسـاس=ماللفضـول ولا لراعـيـه داعــي
هاك الكلام اللي من الـرأس للـرأس=دور شموخـك لا تـدور ضيـاعـي