بشهد الله الولي ثم اظمه وانتحر = ناصر صويان ردت علومه واستدار
هب يامكثر علومك ليا زان السهر = وان صمل شيطانها مانشوفك بالديار
وابك حنا اهل المعزه رياجيل الفخر = سعد عين اللي نصانا وجينا له طيار
عمدة الحزب المسمى ترا قلبه خضر = شيبه ابيض مير محزمه قصاف العمار
وابو ذيل ليا نطق جاب مكنون الدرر = لاظهر راسه نشوف الحصيني صار فار
وحزبنا قايده عمده محنك معتبر = دايمن منصور هذي حقيقه بعتبار
يشهد السيف المحنا ليا دق النحر = ويشهد النيشان ماخان في وزن العيار
وتشهد الخيل السبوقه وقيعان البحر = وتشهد اللي دونها نحتزم دون اعتذار
وانت ضاعت حسبتك بين ياسين وبدر = قمت تصفق في يدك من يمين ومن يسار
وحزبك انسميه هالحين منبوذ البشر = دايمن مهزوم وان قام يطلع وسط بار
والختم حزبك نبيده ولازم تعتبر = وكان ماكفتك نظرب على راسك بطار

عاش ابو تركي والى الأمام دائما وأبدا ايها القائد المبدع