قال ابو وزره يالرجال الحلاحيل= مثايل ٍ من فكر راسه صنعها
مثايل ٍ مالقطوها الدعابيل= اهل البيوت اللي قليل ٍ سنعها
تنساق مثل اللبن وسط الفناجيل=بديوان شيخ ٍ عادته ماقطعها
بالفجر ولا بالعشاء لتعاليل= ربعه على كيف النشاما جمعها
ونبغا نوضح ماحصل بالتفاصيل= عن رمعتن يخطي بها من رمعها
رحنا من العمده خوي المشاكيل= بموافقه من سيدي مامنعها
خدعه لحزب النصر والحرب تظليل= وجبنا جميع اسرارهم في خدعها
وبكره علاهم يضرسن المحاحيل= ولحيهم كف اليماني شلعها
ملح الثميدي ينهمر كالهماليل= من فوق روس النصر واللي تبعها

غير اسمك عن رسول الله وشانه= حوله وعلن عنه وسط المنابر
حوله للي تربع بالبانه = حوله للخضر سرعه ثم خاضر
عرفكم لشعر صبه باستكانه= الهدو ثم الهدو ياهل العنابر
الرجل قالو لسانه هو حصانه= وانت الك شهرين للقشراء اطامر
ابك حنا مانزلنا في طمانه= لاعتلينا فوق سرج الكل ضامر
لصديق ابنا ليا طاوع ليانه= وللعدو سمن جمع كل المخاطر
وانت ثعلب تعرف الناس انقزانه= مايبين بوجه وافين الاشابر
ماتعرف الا سموم القيزخانه= اختلف من سمها صوة الحناجر
انقلع قدام لاتشوف الاهانه= ويحترق في ضامرك دزق وشنابر
الحذر ثم لحذر والخير عانه= وان رفضت الحرب يقطع كل دابر