العام وقبل العام ضيم الوقت من غيض السنين=اضم جمرة سر غليون الزمن واكنها
ياصاحبي خل الملام الجرح في قلبي دفين =شفيت لي فنجال دله والغدر في بنها
متعديه حد الملامه صاحبي الله يعين=اصبر واذا صبرك نفذ ردد آآهات وغنها
كم عام صبر ايوب قلي وانت سيد العارفين؟=وكم عام صابر واتحمل حرب غيري شنها
بعد النظر جبرني اسكت غصب خذ علمن يقين=بعض السوالف لو تصاغ بحرفنه مامنها
ماسولفوا لك عن صهيل الخيل والحصن الحصين=مالمحوا وحده بوحده عنها ماعنها
ماسولفوا لك عن مقيد سالفة حبلن متين؟=السالفه نقش الخضاب وملحها يزهنها
ياضيقة الخاطر غريب الذات صبر الصابرين=سهر العيون وضيقت المغرب علي من سنها
عجزت اعدل وضع مزري لايسار ولايمين=ولاهو بنا اللي راس ماله دمعته ويدنها
شان الزمان او زان يبقى الحر بالحيد المكين=حتى عيونك شوفته بالقاع مايرضنها
لازلت احاول ياس مالي فيه يالرد الثمين=ياللي تداوي ونتن صاحبك مبطي ونها
ياصاحبي صبرك على شوي والخافي يبين= ماهي بلحية من يخمن يمكن اوكود انها
اليا متى صابر على جور الليالي والسنين=واضم جمرة سر غليون الزمن واكنها