امسح غبار الغيـــاب وذكريات الغياب=ولا عاد يوجد مفارق غير فرقا الممات
ياصاحبي يافضي زيزوم كل الصــعاب=جدانك اهل الفعايل وانت جزل الصفات
ولا هي غريبه على من يتعبون الركاب=المجد ورث" لكم ماهوب ضمن الهبات
قدام لانسى يابن براك قل للـــشباب=وعلم جميع العيون الي سرقها المبـات
القافله ماشــيه لو زاد نبح الكــــلاب=والعنصريه تؤدي دايما" للشـــــتات
والشعر وهبه من الله والقصايد زهاب=والنجم لو غاب من فوق الثريا يبات

ارج السموحه وبا اجار البيـوت العجـاب=نضمـن بدابـه محمـد حـي هالمفـردات
ذكرتنـي يامحمـد حـب جـال العـذاب=قـدام لايلـوح بالعـارض عـدو البنـات
وسترسل الفكر حتى صـار فيـه انسيـاب=وجاريت شاعـر بيوتـه لابـداء مبهمـات
تعيش يالقرم ماهل المطـر مـن سحـاب=صدق خياله ونـاض البـرق بالمرزمـات
وماغنت الورق في ظل ٍ بخشـم الهضـاب=تلعي طرب في ظـلال كهوفهـا العاليـات
صحيح ماقلـت مايبعـد عزيـز الغيـاب=البعد من حـط وسـط الحـد بالمظلمـات
مدحت رجل ٍ ربوعـه بالقـا مـا تهـاب=و هو تبع سيـرة أجـداده بعـزم و ثبـات
و أزكى التحايا يا بن راشد و مسك الخطاب=عسـاك تسلـم وتبقـا بينـا الذكـريـات

عاد القمر في مساره بعد ما قيل غاب=وكن الكواكب تحرا جيته لين يات
ماهي ذنوب وخطايا كان واليوم تاب=أمورصارت نهايه بيدين الشتات
ماء المطر لا وقع بلقاع يملا شواب=ومهما تشوبه تروا منه كل الروات
أخير من ياخذ القربه ويارد سراب=يركض ورا صحصح الريعان يالين مات
ون كان للارض بهجه في قدوم السحاب= لناس فرحه وبهجه بعد لم الشتات
وللآرض لا بد من غيم وعسام وضباب=وحنا مع الكون مانخلا بليا حتات

اقتباس من مشاركة سعد الرشيدي (المشاركة 1830495) امسح غبار الغيـــاب وذكريات الغياب=ولا عاد يوجد مفارق غير فرقا الممات ياصاحبي يافضي زيزوم كل الصــعاب=جدانك اهل الفعايل وانت جزل الصفات ولا هي غريبه على من يتعبون الركاب=المجد ورث" لكم ماهوب ضمن الهبات قدام لانسى يابن براك قل للـــشباب=وعلم جميع العيون الي سرقها المبـات القافله ماشــيه لو زاد نبح الكــــلاب=والعنصريه تؤدي دايما" للشـــــتات والشعر وهبه من الله والقصايد زهاب=والنجم لو غاب من فوق الثريا يبات صح اللسانك الشاعر المبدع والاخ الغالي محمد الراشد .. وكل الشكر للاخ ابو فيصل لطرح هذا الموضوع وليس غريبا عليه فعل الطيب ويستاهل كل شطر مدح بهذه القصيدة الرائعه ..