قبيلة بني رشيد

قبيلة بني رشيد (http://ban3abs.com/aa/index.php)
-   منتدى المحــــــــــــــاوره (http://ban3abs.com/aa/forumdisplay.php?f=13)
-   -   لغز جامد من انتاج اخو فطيما (http://ban3abs.com/aa/showthread.php?t=134949)

أبو غيث 27-10-2013 12:38 PM

بالعكس الله يعطيه العافيه

واللغز ما أحد يقدر يحكم عليه إلا بعد حله!!!!!

ومهما كان مقياس اللغز يجب الإحترام وتقدير إجتهاده.
والموقف من اللغز يؤخذ عن صاحب اللغز سواءً بعدم الفاعليه في اللألغاز القادمه له أو أن يحسب للغزه ألف حساب للعلم أنه يجيد صياغة اللألغاز.


شكراً وجهة نظر فقط

البرمكي 27-10-2013 12:51 PM

إقتباس:

اقتباس من مشاركة أبو غيث (المشاركة 2969013)
بالعكس الله يعطيه العافيه

واللغز ما أحد يقدر يحكم عليه إلا بعد حله!!!!!

ومهما كان مقياس اللغز يجب الإحترام وتقدير إجتهاده.
والموقف من اللغز يؤخذ عن صاحب اللغز سواءً بعدم الفاعليه في اللألغاز القادمه له أو أن يحسب للغزه ألف حساب للعلم أنه يجيد صياغة اللألغاز.


شكراً وجهة نظر فقط


كلامك عسل وكلام رجل عاقل مشكور

وضاح اليمن 27-10-2013 01:18 PM

إقتباس:

اقتباس من مشاركة البرمكي (المشاركة 2968868)

ياويش عذراء شانها عندنا فوق= كلن يحاول ترتفع منزلتها
مير البلا فيها من ايام فاروق= ناسن تقدرها وناس اسفهتها
قامت تحول مير تحويلها عوق= خواتها عن ماتريد امنعتها
على بنات الغيرملبوسها طوق=من اذهب هاذي مواري صفتها
ماهي تباع وتنشري داخل السوق= بنتن شريفه والحساد انكبتها
اعيالها اربع واكبر عيالها فوق= وثلاثتن جرد السنبن اذهبتها
واحد نزح للغرب والثاني شروق= والثالث في مصر عاقبتها


اسمع ياخو فطيما لاتذي الناس تراي رايح اتخلا عنك اذا سويت مشكله انا ماني راعي مشاكل وبني رشيد رواد الشبكه يعرفوني


دق الخفوق وحن عاشق لمعشوق= وعوت لذكرى وحالي برتها
وساق الخيال ورفرف المزن ببروق= وندق رعدها والمحاجر ملتها
على ديارن مدهل الريم ونوق=يوم الطرب رجلي بوقتي مشتها
اديار عبس يهزني يمها الشوق= قبيلتن روس المعالي رقتها
ياخو فطيما كل شجره لها عروق= حتى البرامك عارفين اشجرتها هههههههههه
وسلم وسلملي على راعي الذوق= معزب الضيفان في خاتمتها

مرزووق 27-10-2013 01:29 PM

إقتباس:

اقتباس من مشاركة البرمكي (المشاركة 2969011)
يامرزوق انت وش عرفك لشعر والالغاز خلك بين الحميمه والفرس وترك الشعر والالغاز لهلها

اسمع وانا اخو فطيما انا لي عشر سنين بقلعة المجد والتاريخ وصامخة شعار كبار وفريس ماني عاجز لاحطك على شواربي هههههههههه


يالله ياربي ترزق اليوم مرزوق= بمشوكن مابين سمعه وعينه ههههههه
حيثه معاقبني على ايات منطوق= تقول كني قاتلن والدينه
وانا سلوبي يندرج باحسن الذوق= ولاجبت شين يالنشاما يهينه
عرضت لغز وشوه الغز بفتوق= ويطلب حذف لغزي وهذا يدينه
لغزي مايحذف لو تجي حرب مع روق= يوجد شجاعن للقشر ذاخرينه
ودام المعزب حي ماني بمفهوق= اقدم وهو في صفي الله يعينه هههههههه

ووواااااوووووه

اسمع وفهم يافهيم

يالبرمكي لا تصير لناس معلوق = وتصير تالي وقتكم لي رهينه

ابعد عن اللي عزهم طاق مطبوق = واللي يعاديهم زمانه يهينه

لغزك مثل وجهك تقل وجه مسروق = والا تقل وجه العجوز اللعينه ههههه

احزامك اللي تنتنخيبه عن البوق = خله يرد ديون ناسن تدينه

يااااووه

ناصر خنيفر 27-10-2013 01:39 PM

صحت السنت الجميع اما الغز انا مشغول هذه الايام ولاني يم الالغاز والقصيد لكن مارجوه من الجميع الهدو والردود الطيبه وتمسك بعاداتنا الطيبه وعدم النزول لبعض الالفاض وكل عام وانتم بخير

رويشد 27-10-2013 05:57 PM

إقتباس:

اقتباس من مشاركة وضاح اليمن (المشاركة 2969020)
اسمع ياخو فطيما لاتذي الناس تراي رايح اتخلا عنك اذا سويت مشكله انا ماني راعي مشاكل وبني رشيد رواد الشبكه يعرفوني


دق الخفوق وحن عاشق لمعشوق= وعوت لذكرى وحالي برتها
وساق الخيال ورفرف المزن ببروق= وندق رعدها والمحاجر ملتها
على ديارن مدهل الريم ونوق=يوم الطرب رجلي بوقتي مشتها
اديار عبس يهزني يمها الشوق= قبيلتن روس المعالي رقتها
ياخو فطيما كل شجره لها عروق= حتى البرامك عارفين اشجرتها هههههههههه
وسلم وسلملي على راعي الذوق= معزب الضيفان في خاتمتها




يــــاخـــــو فــطــيـــمـــا كــــــــــل شـــــجـــــره لـــــهـــــا عــــــــــروق
حتى البرامك عارفين اشجرتها هههههههههه
أهب يا أخو مزنه والله ان عروقك بالثرى ومنهو عطاك الحل ههههههههههههه
وانا اطالب العمده بتحسين وضعك وتجنيسك وأنت اللي تستاهل

البرمكي 27-10-2013 07:21 PM

شكرا العمده ومعذور عساك ماتشوف مكروه

البرمكي 27-10-2013 07:27 PM

اخو مزنه مشكور والحل مادري عنه وحتى لو تحلونه ماقوله على المكشوف ولكن اللي اباله شي يرسلي رساله ويقول رمعتي كذا وانا اكتب ان فلان حل الغز بدون ذكر الحل ياخوان الغز متشعب وعميق ويمكن لو نعلنه على المكشوف تصير في سببه حروب لانهايه لها ههههههههههههههه


الساعة الآن +4: 08:40 PM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص