علميني كيف اذاكر وابدع في نقش الاجابه=علميني كيف اركز واتناساكي ثواني!!!!
كل ما شفت الجذور يصير في صدري كأبه=اتمنى لو اذوب بصمت وارحل عن زماني!!!!
اوجد الحل المقرب درس افكاري تهابه=والنتيجه واضحه والخوف من فاي إحتواني!!!!
أتسكع والسؤال اللي محيرني جوابه=كيف أذاكر والوعد قرب وباقيله ثواني!!!!
والله اني من عرفتك عايش وكلي غرابه=عايش لحالي وأعاني من بغاني مالقاني!!!!
شي بصدري كتمة ساجنه محد درابه=كل خوفي تترك اللي حبك وتختار ثاني!!!!
خايف ظروفي توقف حبنا وتعلن غيابه=وانت تدري ياحبيبي اني بفرقاك فاني!!!!
خايف ظروفك تحدى ويعلن الحب انسحابه=واخسر اللي ضمني بالشوق قلبه واحتواني!!!!
ليه تبعد ياحبيبي والغلا مفتوح بابه=اسكن عروش الخفوق (ولاتنام الا بماني)!!
لك خفوقي ياحبيبي مسكن وكله رحابه=والمشاعر من خفوقي لك يترجمها لساني!!!!
قلبي اللي خصك بحبه ومعلن بك اعجابه=طالبك لاتتركه مادام في هجرك عصاني!!!!
لاتشكك في الهوى وتزيد في قلبي صوابه=وانت تدري ياحبيبي مامعك في القلب ثاني!!!!
ملهمة شاعر غيابك والله المغرم يهابه=صوتك الدافي سفينة ومسمع المغرم مواني!!!!
علميني كيف اذاكر واسعفيني بالاجابه=كيف اذاكر والوعد قرب وانا مازلت اعاني!!!!