الدمعه اللي من الأعماق مسكوبه=دمعة (طفل) لكن اللي هَلّها (شايب)
طاحت من البعد مقرية ومكتوبة=ياشينها لا تمادت والسبب (غايب)

الدمع للأدمي تكفير لذنوبه=جنة (عدن) في دموع المؤمن التايب
لاباس ياللي ماغير الدمع عذروبه=أنا هنا عنك كلفني وأنا (نايب)

اليوم ميلادي اللي مر من دونك=كنت انتظر منك لو كلمه على شاني
وكنت انتظر اي شي تقوله عيونك=لو ماتكلمت تكتبني وتقراني
ماني مصدق اطفي الشمع وجفونك=ماتسرق الليل من صدري ووجداني
ياكبر قلب الغياب ومجمل طعونك=تختال فيني جفا وتزوَد احزاني
اخاف لامرت الساعات من دونك=تجي تدور علي وصعب تلقاني

يامن تقول الحال جاء ،، فيه تغيير=حتى الدول ،، دوله تغير ،، بدوله
أنا أقتنعت (وعفت) بعض المشاوير=اللي لها رجلي من أول عجوله

شرعوها ...وزفوها ..وخلوني=اتجرع جميع الغبن بانوااااعه
واكثر الي قهرني واكبر طعوني=ابتسام العريس بداخل القاعه
جيت اسلم بعد ماخابت ظنوني=مابها شك كل الي بقى ساعه
لون بشته مثل دنياياي بعيوني=وزريها لاهب" بالقلب واصلاعه
رحت اصفق يديني واختلف لوني=واتحرا ..حوال الباب مطــلاعه
ومن سالني علامك قلت: ياعوني=قدرة الله كذا والحب واوجاعه
ادعوا الله يوفقها وخلووني=اتجرع جميع (المر) بانواعــه

داعي الأشواق ناداني الحنين=جيت لك من كل غربات السنين
جيت لك فوق الليالي الساليات=يم فجرك يا شعاع الناظرين

جيت أسابق فرحتي يا منيتي=واطبع أشواقي على نور الجبين
واغسل ايامي بهتانك مطر=والبس من الليل ثوب العاشقين

يا حياتي خذ حياتي وضمها=دفها عن برد صحراء التايهين
وأملها حب وحنان وردها=حاجتي لك كبر دنيا المغرمين

عاند بحسن الإله إللي عطاك=واذبح العذال واللي حاسدين
واترك الوجد وليالي الساهرين=لي انا بكفيك حب العالمين

أرحل وخذ ،، ذكرياتك معك لا تبقى=ساعدني أرجع لنفسي كان لك حيله
علمتك الوصل ،، علمني على الفرقا=محتاج لي قلب يشبه قلبك الليله

ماقلت لك { عطني } من البعد ، تبرير .!={ عذرٍ } على فرقاك ماهو بَ ، مرغوب .!!

{ ابيك } ، لامن غبت تذكرني بَ ، خير .!=وتقول { خاويته } ولا فيه ، عذروب .!!