|
على طاري الاخطاء الطبيه
ليّ زميل بالعمل عنده الرابط الصليبي في الرجل اليمين متمزق وتم حجز موعد له بالعمليه وعندما دخل غرفة العماليات تم تبنيجه بالكامل ويوم صحصح من البنج وجد ان العمليه في رجله اليسار وجن جنونه فما بالك بهذا الخطاء وضع العمليه بالرجل السليمه وتركت المصابه ... ولكن لم يتركهم فكان برتبة نقيب وفاهم وتم تعويضه بمبلغ مالي وتم تسفير الطقم الطبي وتغيير الطقم الاداري بالمستشفى مع انه فقد شئ لا يتعوض على كلآ مرور وشكرآ لك مع ان الاخوان لم يتركوا لنا الفرصه بالايجابيات والسلبيات من حيث الحلول وشاكر ومقدر لك هذا الطرح |
السلام عليكم ورحمة الله الأخطاء الطبية كثرة بسبب عدم الأمانة والإهمال من قبل المسئولين عند توظيف عديمي الخبرة من أطباء وغيره وانا اتفق مع الاعضاء في ان المسئولية تقع على المسئولين شكرا لك ودمتي بستر وعافيه .. |
من يتحمل مسؤلية الخطاء الطبي؟
يتحمله الطبيب نفسه اذا كان من أهماله ويتحمله المسؤلين اذا كان الخطأ نظرا لعدم تاهيله أو قلة خبرته ولكن المسئوليه تقع على المسئولين في حالة وجود الأخطاء الطبيه ولم يتم محاسبتهم من المسؤل عن محاسبة الأطباء؟ إدارة المتسشفى الى وزير الصحه كلهم مسئولين عن محاسبته هل الجشع المادي قد يسبب الأخطاء؟ قد يكون هو من الأسباب لكثرة الأخطاء الطبيه بنت الاسلام يعطيك العافيه موضوع رائع ومهم تقبلي مروري تحياتي لك |
كل الشكر والا حترام لكي اختي بنت الاسلام على الموضوع الجميل
والشيق الذي كثر في مجتمعاتنا نحن كمواطنين نقدر جهود العاملين في المجال الطبي ونقدر أن الخطأ وارد خصوصاً مع الضغط الموجود عليهم وإرتفاع أعداد المراجعين ليس بإمكاننا محاسبة الطبيب على سوء التشخيص ونحن نعلم عدد المرضى الذين يراجعون المشفى في اليوم الواحد ويبقى الأهم بالنسبة للمريض هو أن يحصل على دور للعلاج مستشفى مثل مستشفى الملك فهد ممكن للحصول على موعد لمقابلة طبيب أن يمتد لأشهر فهل هذا معقول ؟؟؟؟؟؟؟؟؟ والمشكلة الأهم أن العلاج في المستشفيات الأهلية غالي التكليف بما لايقارن في الدول المجاورة وأضف إلى ذلك عدم الثقة بأن أي تحليل أو فحص أو حتى عمابة جراحية ممكن أن تكون ضرورية في ظل إنتشار ظاهرة التكسب من آلم الأخرين فهل هناك خطة تعمل على زيادة عدد المستشفيات الطبية وكوادرها بحيث تصبح المواعيد منطقية تحياتي لك |
بسم الله الرحمن الرحيم
والصلاة على أشرف الأنبياء والمرسلين .. السلام عليكم ورحمة الله وبركاتة اختي بنت الإسلام الله يجزاكنا خير لتطرق لمثل هذا الموضوع .. اللأخطاء الطبيه ..اول خطأ توظيف النساء في هذا المجال .. ثاني خطأ توظيف الشباب من خريجي المعاهد الصحيه الي على حسابهم ليش تطرقت للممرضين لأن الممرضين السعودين 3 ارباعهم جاهل بالي قاعد يسويه ليش لانه خريج اكاديميه على حسابه .. الصحيح مو على حسابه على حساب المرضى ... حصل موقف اني رحت للمستشفى والشافي مولانا الله عز وجل.. سجلت دخول واخذت ورقه وخلصت من عيادة الفرز وحولني على طواريء الرجال بنفس المستشفى .. ودخلت واعطيته الورقه دكتور اعتقد انه سوري قالي شوف لك سرير واجلس عليه .. رحت لسرير على اساس يجي يفحصني وتفجأت الا بممرض جاي ومعاه ابره وجاني وقفل الستاره قلت خير قال الدكتور يقولك خذ ابره فولتارين .. انا قلت طيب انت ماتعلمت انك قبل تعطي ابرة فولتارين لأي مريض .. لازم تسأله هل عندك ربو حساسيه < لأن الفولتارين يسبب جلطه للي عندهم ربو او حساسيه قال مدري الدكتور قال كذا .. مع اني مو محتاج هالأبره ولا عندي ولله الحمد لا ربو ولاحساسيه بس استغربت قلت ابي اقدم في شكوى للشئون المرضى.. رحت اشتكي عند مدير شئون المرضى ... قال لا مايصير كيف كذا ياله امش معانا قلت طيب مشو قدامي المدير ومعه واحد.. باب طواريء النساء قبل باب طواري الرجال المهم اول لاوصلو طواري النساء دخلو فيه .. انا كملت لطواري الرجال .. واستنى واستنى .... الدكتور اخذ الورقه من دون مادري وشخبط على كتابته فيها واخذ شنطته بعد ماخلص دوامه.. والاخوان في قسم النساء مدري وش يسوون رجعت لسريري بورقه مشخبطه .. والمدير ماشفته والممرضات بس يحومن بوسط المستشفى بين الممرات. والله يآ اخواني توظيف النساء في هذا المجال خطأ فاادح . والخطأ الكبير جاي من وزارة الصحه هي وانظمتها الفاشله.. |
ههههههههههههههههههههههههههه الفجواني
أول شـي الشافي الله قبل كل شــي ومشكوره اختي على هذا الموضوع المميــز اولأ واقولها بكل شجـآعــه ولو اقدر اوصل للملك قلتها مافيـــــــه طــب عندنا عندنا غشيميــن فاشلين بالدرااســه عندنا ودخل على حسابــه وتعلم بالمعهــد الصحي السباعي وغيرهـآ اما بالنسبــه للاطباء اللي جاييــن من الخارج فهــم حاصلين على شهاده بتقدير مقبول او ضعيف او نحو ذلك فالدوله لا تسمح لدكتور خريج حاصل على تقدير امتياز بالعمل بالخارج لا تفرط بــه انما يرسلون الينا دكاتره اغبياء وبالنسبــه للدكاتره السعودييــن اقسم بالله ماعندك احد مثل الدكتور اللي كان في ايام دراستــه يدرس فدخل عليه ابووه يحسبــه يذاكر فوجده يصيد ذبان وعندما يتوظــف تلقينــه حاط الجل على شوشتــه ويغازل المتدربـآت واكثر شي دمرنا هــو الممرضين لان قبل مده ليست بالكثيره احد الجيران من نفس قبيلتنا توفي والسبب انــه اجرا عمليه الزائده وبعد نجاح العمليــه اتــى اليــه ممرض واعطاه ابره فلتورين وكان يعاني هذا المريض من الربو فتوفي بالحال الله يرحمــه وولد اخي قبل شهرين اتــى دكتور جراحــه ليركــب لـه ابره المخذي ولكنـه نسيهـآ فدخلت الابره الى الوريــد ووصلت الى القلب وارسلوه الى مستشفى التخصصي بالرياض واجروا له عمليه عاجله ونجحــت وكثير من المواقف حصلت واذكر ان احد الاصدقاء معروف بصدقه ذكر لي انه كان في حارتهــم حلاق مصري وفجأه اختفى وبعد ثلاث سنوات بالصدفه دخل هذا الولد الى مستوصف بمنطقه اخرى فوجد هذا الحلاق دكتورا فقال انت فلان فقال لا مش انا فقال الا انت المهم سأل عن اسمــه وطلع هو ورجعله قال اصلي انا كنت بدرس طب طب وثلاث سنين ايــه هيــن احب اجيبــك على اسالتــك من يتحمل مسؤلية الخطاء الطبي؟ محد بيتحمل خطاه بياكلها المريض مافيه مسؤؤليـــه بين المسؤ ليه والألتزام أين الأمانه العلميه بتقديم الخدمة الأفضل للمريض؟ ماعندك امانــه ضاعت الامانــه الحين فيه صيدلي ماصرف علاج لولد عمي ليه يقول وخر عن البنت اللي وراك بغازلها فاشتكاه ونقل هذا الصيدلي نقل تأديبي من المسؤل عن محاسبة الأطباء؟ بعــد الله مح ــد هل الجشع المادي قد يسبب الأخطاء؟ ايــه نعــم يسبب الاخطاء فالكل يطمع بالماده يريدون فقــط الراتب فان اتاهم مريض تؤلمــه رجله اعطوه بنادول ليه طيب ركبتــه مصدعــه ؟ والله يجزاك خيـر اختي على هالموضوع وعلى هذا الاهتمام |
الله يعطيج الف عافيه اختي الفاضله بنت الاسلام ولاعندي اضافه اكثر من
رد الاعضاء وفوو وكفوووووووو بالردود الله يعطيكم العافيه الجميع |
إقتباس:
البعيدالهادي مشاركة طيبه وإضافات جميلة شكراً لتواجدك. |
| الساعة الآن +4: 02:43 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
