لا تعجل في قرارك ودعواكم تروق = صاحبك يا قايد الشعر حظه ما عطاه
قال يومنك شبابٍ وراسك به طقوق = تلحق المشكل وتحذف على العالم حصاه
ويوم لاحت فى لياليك يالعمده بروق = كل من شافك يقول عجلوا هاتوا عصاه
ما دروا بأنك على العز يا ناصر شفوق = ما يهزك يا جبل صيحة اللي في عماه
ولا تحاسب من جهل فالسوالف والحقوق = العنيد اللي يدفه لساحات الصفاه
كان تبغى حلها من عميلن لك صدوق = ما فقدته بالحياله نرده في حماه
مطرقن في غاربه نوب تحت ونوب فوق = لين يعرف وش بنود الاعانه والزكاه
يلبسون البشت واثيابهم فيها حروق = ما يجمل لبست البشت غير اهل الغناه