من البارح وانا ضايـق واصـارع لوعـة الاحـزان.=من البارح وانا ساكت على جرح ٍ سكن صدري!!
تعبت وملنـّي كثر التعب مع زفرة الحرمـان..=جيوش البـوح تجبرنـي وانـادي ياامـل عمـري!!
انادي وازعـج الليـل ويثـور بخافقـي بركـان..=صـدى صوتـي يعذبنـي واردد آه لـو يـدري!!
سجنتك ~حلم~ بعيوني جرحني الصمت والكتمان..=وصلت للمرحلـة صعبـة وكنـي عايـش بقبـري
تطيح دموع (ن) بعيني وينزف بالغـلا شريـان ..!!=طفح كيلي وانا صابر ومل الصبـر مـن صبـري!!
تحملت الضياع المر وعشت اسامر كوكـب الخذلان ...=اسامر حرف مشلول وقلم محـروق مـن جمـري!!
احب وما اقدر اواجه عليـل وخايـف وحيـران..=اعزي القلب في جملة اخاف يطيـح انـا قـدري!!
بروق الحب في عينـي تلـوح وخافقـي عطشـان..=هماليلـك علـى غيـري وانـا متوفـي ٍ زهـري!!
اسرني الهم والضيقـة وصـار الـي الالـم عنـوان..=تعبت وضاقت اقلامي وانـا ارتبـك فـي شعـري!!
كبر جرحي وعذبني وانـا فـي ضامـري نيـران..=هدم سيف السكوت الحب وهدّم بالخفـا قصـري!!
رفعت الصوت ((انا احبك)) ولاغيرك هويت انسان..=مشاعر ساكنـه ثـارت سببهـا حبـي العـذري !!
انين. الروح انـا احبـك ولـو قررتـي النسيـان..=احبك لو قسى قلبـك وعزمتـي علـى هجـري!!
همست بخوف وبرهبه طفل يطلب وهـو خجـلان..=اخاف ان خاطري يكسر ومن هو يجبـره كسـري!!
اموت بطيفك العابر واضمـك داخـل الوجـدان..=سراج بدربي الموحش تضـوي الليـل يابـدري!!
خيالك دوم قدامي واشوفـك تسكـن الاعيـان..=اغني لك قصايد حب واكتب لادنـى فجـري!!
واكرر ايه انا احبك وحبـك ساكـن الوجـدان..=عساك تقدر شعوري وتقتـل هـم فـي صـدري!!