|
كني البارح غريب ٍ سكته سكه طويله سج رجله لاعزم سجة غبا والا بياني وويش أسوي دام قلبي غيره قلوبٍ عليله قد خذاها الحب وان كانه حداها ماحداني وقد سمعت اللي يقول الغايه تبرر وسيله وانجبرت أحيا بمبدا خلها والعمر فاني قلبي أخضر والحمام اللي هدل واسمع هديله فز له قلبي على طاريك وطيوفك وزاني ويش اقول ان كان مالي عن بياض الطرس حيله لاابتديت أسمع صدا الهاجس وهو بين المحاني ولابديت اضما رعود الغيث والبرق ومخيله ولاانجبرت أرقب نجوم الليل وسهيل اليماني ولابديت اذكر خليل ٍ ماتجمل مع خليله لاغزاه الدمع وجروحه بخفاقه ثماني والقصيد اللي تمادا في الورق لو شد حيله والله انه غارق في الحب وعيونك مواني ووالله انه مايضيّع سكته دامك دليله والأكيد اختارك ويرفض معك واحد وثاني ولو يجيله يسترد الحب مره مايجيله يسترد الخافق اللي راح معك ولابكاني ووالله ان الحب صعب ٍ معك اباحصل بديله ولو لقيت الغير بستانه ثمر والقطف داني ماذكرت الا انت ياعطر القصيد وياخميله لو تذكرت الرفيق اللي بلاسبه جفاني الرفيق اللي يصب الحقد لويربط صميله قد عرفته قبل يرميني وياليته رماني راح واقفا يمكن انه لاابتعد يبرد غليله والا انا صوب الفعول الناقصه قلبي ثناني وعادة الدنيا ولوتعطي عطاياها هزيله ولاانتظرت الطيب من شخص ٍ مغفل او اناني كل رجال ٍ بدرب المرجله يطرق شليله والردي يبقى ردي لو عاش ب كبار المباني ودامها ميدان كل ٍ يمتطي صهوات خيله والرجل عينه على المشراف لو وقته طماني وأنت ياللي ماقدرت انساك والخافق مقيله في عيونك لارويت الشوف رمشك مارواني لاتصدق ف الف ليله بين يوم وبين ليله الليالي مايله لو جا بها بعض أتزاني ولو يفوح من الفناجيل الغلا بنه وهيله شرط لاعن لمداه وريحته لو ماسقاني ومن لساني خذ قراح الشعر والا سلسبيله خذ قراح الشعر والا سلسبيله من لساني والا انا دوم الغريب اللي مثل عابر سبيله غير غربة عينك الحورا بقت غربة زماني لاتخليني مادام الوقت صافط لي قليله وأن عطاني ماعطيته وان عطيته ماعطاني يمكن اني مارضيت الأخذ من يد ٍ بخيله ولارضيت اركض ورى المقفي عجل واترك مكاني صابر ٍ وآعرف وقتي زين واشيل الثقيله والصبر ماعاب جوع الذيب والهرش العماني والحياه دروب واللي واطي ٍ درب الفشيله لايلوم النفس ويعّود بعد فوت الأواني وان سقط تمر الرجا مااسد جوعي من نخيله ولاهويت أخضع رجا لو جرت الصوت السواني لي لياضاقت عليّ الأرض سجده وتهْليله والعزا أني مانطقت الزيف ولساني حصاني |
رفع بعيني معدل نسبة ارقامه وجاني معه عن عوض ماراح ثنتيني رغبة حضوره ومصدر شعري الهامه وهذي ثنتين فالدنيا تكفيني سافر معزم يدخلني بدوامه وفالروح عفه واناابغا ارواه بيديني وجلس وانا والغلى والشعر صيامه وهو يتدلل ويجرحني ويكويني |
|
وحطت الذكرى على غصن الملامه ولاحت الورقى على ماضي سنيني ماتقلل من غلاك ولامقامه ضيقتن في غيبتك دايم تجيني كل مامر بسما فكري غمامه اقلب ردايه لها وارفع يديني وصرت بعيون الخطأ قبل اتهامه وصار صمتي يجرح صيامه حنيني وان كتبت البوح ياغاية مرامه دايم اخفيه والشوق يحديني وكل ماتجفى شفاي الابتسامه قلت فدوة خاطرك يانور عيني |
|
مريت مستعجل ورحت بسرعه لكن وعد•• لجيك وقتن ثاني خذيت من لذة وصالك جرعه وجريت مجرئ الدم في شرياني حسب مفاهيم الغرام وشرعه وقناعتي في ماسبق وايماني ماجاك قلبي باختيار وقرعه لكن ملكته بالحلا الرباني تهز عودك وانثنئ به فرعه ولاتسقط اثماره وغصنه داني كنه يردد لك وتسمع قرعه صح الله أبدانك وصح لساني ياغيث قلبي ياثراه وزرعه بزورك انكان الآله أحياني |
من يلوم القلب في حبك ترى ماهو شريف
ومن يساوم في غلاتك مامعه عقل (مهبول) والله اني ماعشقت الا بصدق ودون زيف ولاكتبت الا قصيدن يدخل العالم ذهول واتتي اكبر معجزات الشعر دام العز سيف والقصايد تفتخربك والحكي عنك يطول ان بغيت امدحك مدري وش اقول او وش اضيف وان بغيت اوصفك مدري وش اضيف او وش اقول انتي اكبر من قصيدة مدح من قلبن نضيف وانتي اعضم من مشاعر شاعرن وصفه يطول |
لليالي تمنع الرجال عن شوف الحبايب
والحبايب تجبر الرجال في مسرى الليالي قلتها من بعد ماشفت العجايب والغرايب قلتها من شي واقع لامزوح ولا خيالي قلتها من حرتن جوف الصدر مثل اللهايب يوم شفت الوقت يمنعنا نشوف انسان غالي لايجينا ولانجيه وحلمنا بين الهبايب مرتن يرمى يمين ومرتن يرمى شمالي لن بغيت اروحله قلبي من المشوار هايب المسافه شاسعه والحب واصل للهبالي وان تركت الحب واعلنت اني اعن الحب تايب ماقويت اعيش دونه صارت همومي ثقالي ياوجيه الخير من عنده على الفرقا طبايب علموني ياوجيه الخير عن طبن حلالي |
ياوجودي وجد من فارق فهالدنيا اربعه فارق اهل ودار ثم فارق حبيبٍ مع صحيب وياوجودي كل ماشفت الحياه مودعه وجد من راهن حياته في جروحن ماتطيب وياوجودي كل ماشفت الهموم مجمعه وجد من شاف الخيانه من رفيق له فريب |
بوحك أحسّه بقلب ٍ من ورى العوج
وأمدّ له كل شوفي يوم أخيله لقيت ضحكي وحزني فيك ممزوج وخايلت فيك الدروب المستحيله البارحه معك قلبي كنّه الموج يصفق حنايا الضلوع اللي تشيله نقضت جرح الزمان وحبّ عمهوج وبيّحت سدّي وأنا راعي طويله مالي على اللي مضا غايات وسروج أنكفت يوم أنكف اللي غاب خيله من لاشلع ضرسه اللي صار ملجوج ما أرتاح لو شدّ طول العمر حيله يابرق لون الشفق بيّن كما الروج بشفاه بنت ٍ مواريها جميله لو طوّل البوح ذوّب بالحشا ثلوج وحرّك نسيم الهوى غصن الخميله |
ياقصري الشامخ ../ ويا قصر معمور القلب لك والروح اقلط .. ضيافه واليوم اشوف البحر /.. في سده بحور وفي غيبتك البحر .. أعلن جفافه! مأجور .. ياقلبي من البعد .. / مأجور حبك اساس الروح ماهو إضافه! لكن بعد أيام ../ بشوف لي نور ومن بعدها .. / بدفع رسوم الكلافه |
ياللي شبيه اللوز ../ واحلا من اللوز واعظم من الحكام مع حكم .. بلقيس انا كتبت القلب .. في غيرك .. / اكلوز يعني مثل ليلى .. لمحبوبها / قيس وانا فقير الحظ .. / بيكوز / بيكوز حبك وانا ترجمت حبك .. / بحاسيس لكن عزاي الصبح .. مع صوت فيروز اتذكرك .. والصبح هبت نسانيس وشوفك يعادل فرحت القول ../ بالفوز وغيابك يشابه .. / وجيه المفاليس ام الدلع / والغنج / لا تمد لي .. بوز تعال تفديك .. / الرجال المتاعيس وانتى مابين .. الخوخ / والتين / والموز يعني مامثلك فالبشر.. / فيس تو فيس لكن غيابك طال .. / لا يمكن يجوز يمكن من العذال .. / واسبابها / ابليس |
يا هيه اسمع .. ماعليّه خلافي مير البلا .. في عالم " الطاش طاشي " وانا اشيل الحمل رجل امتعافي واقلط على سمن وسمين ٍ وحاشي والمرجله شوط ٍ و وقت ٍ اضافي يعني مواقف طيب والا بلاشي وفالوقت هذا عايش ٍ كل هافي وانا على وضح النقا .. دفع كاشي |
الحب جنه / لكن الشوق مجنون يعني نحب شويش / ونسامح شويش كذا يصير الحب أحلا من الكون وأحلى من أيام الطفوله ../ مع الطيش |
الاياحظ خذني قد عقلي وافهم الموضوع ابيك تكون صفي لوشهر تكفى على شاني وانا في ذمة اللي تحت ظلّه مالحقني جوع وانا في ذمتي بعض القلوب اللي تحراني حبيبي والله ان الحب نعمه والحيا.. متبوع وانا لولاي احبك ماتكبّدت العنا عاني واذا كانت صعوبة شوفتي لك مثل حب الكوع !! تبي تبقى كثير وصورتك في داخل اعياني حبيبي وكل الله وانت تدري يافريد النوع باني مستحيل احب غيرك واحدٍ ثاني وعن غيرك تطمن دون قلبي لوحة الممنوع!! مسويها لاني مافتحت القلب مجاني انااكبر مستحيل اقولها في صوتي المسموع على غيرك حبيبي / وانت تجري وسط شرياني |
قالوا حبيبك يسمع الشعر قلت أيه يقراه بعيوني قبل تسمعونه لولاه حتى طاري الشعر ما ابيه مير أكتبه من شان خاطر عيونه هو روح شعري وأمنياته وماضيه جذع الشجر وش كان لولا غصونه اكتب لغيره والقصايد تجي فيه كن القصايد حالفه ما تخونه هذاك لا منه زعل قمت أهاديه حتى وهو مخطي تعذرت دونه يمكن لو أنه يلمس الجرح بيديه يستغرب ان اللي لمسها طعونه ابطى وهو غايب وزلت حراويه هوأنا من العام آتحرى مزونه هو مادرى اني في غيابه محاتيه ليته نشد عن حالي اللي يجونه واقلبي اللي توه أفلت عراويه كيف انسرق وضلوع قلبي حصونه عجزت أرده كان ماني براعيه يوم انتثر شوقه وهاضت شجونه يبسن عروقي لكن اللي يعزيه ان اكثر العالم تردد لحونه خافو من الله لا تجيبون طاريه لا صرت أنا موجود لا تذكرونه لو كل غالي جابه الله لغاليه ما شفت لك مخلوق تبكي عيونه |
سُوالِفْ جِيل يِتبِعْ جِيل يِلاحِقْ هُواهّا جِيل يِعَني تِمُوتْ أنفُوس و هِّي مْا لِقتْ حَاجِهْ هّذاكَ يِطَالبِ و يِكُونْ مْطِلبِهْ قَابِل التأجِيل و ذِاكَ عَزِمْ عَلىّ عِشقً , و دِفعةْ حِجاجِهْ و أنا عَاشِقْ ذَابْ فيِهْ الشُوقْ بِ تالِي الّليِل شِحَبْ وجِهْ الِامْل فِينَي يِاويِن ألقىّ عِلَاجِهْ يِ مُسِعد أنا أعِيِش الحُب بِ قَالبْ , التَمْثِيل يِعَنِي مُعاناةْ حَازِمْ مِن , إنتاجِهْ و إخِراجَهْ |
نخاطب العقول باللغه العقوللللللللل
ولكل واحد منا فهم يتوقف عنده فلا تفكر بتصرفات لماذا ولماذا لكل شخص منا أسبابه وافعاله فلا تحكم على الاخرين بي منظورك الخاص لان الاشكال والصفات واللوان تختلف وكذلك البشر فبحررررررررررررررر الى بعيد الى بعيد النمر1012 |
صبآاااح الخيييرآت .. بعد الغيبااااات ^_^
اشششتقت للمنتدى واشتقتلك حيل يامدونتي العزيزه <<<يوووه ياانآ مغبره حيل هههه صباح الانو ر بنيابه عن الجميع ومنورين غربه الروح ياهلا ومرحبا نورررررررررررر المنتدى بتواجد ماعليج مافيه اغبار يروح مع الايام هههههههههههههه |
|
الصمت والشعورررررررررررر به
وعلامات التفكررررررر وحنين الى الماضي تأدي الى حد الادراك فكن يقضن اذا فكرت وتتأمل بعيدن هناك عند الرفوف القديمه ماذا يوجد بها وسوف تعرف من انا قطعه من تراث هي الماضي ولا يتغيررررر النمر1012 |
ياليتني طيار.. وإلّا مظلي وأسوق لي طيارة.. تسبق الصوت وأطير فيها طاير مسفهلي قلبي على شوفة هذولاك مفلوت دربي أعرفه.. خابره له دلي لا هو طرف لندن ولا هو ببيروت دربي ليا مني قطعته يسلّي أجيه شوقي شايتي خافقي شوت وأنزل ليا قد صاحبي تحت ظلّي من فوق بيت صويحبي بالبراشوت واليا وصلته في سرور وتجلي عن العزيمه سرني نصف بسكوت من كثر ماني في هواها مولي قلبي باياديها مثل زر.. ريموت وان كانها عقب التعب ما تهلّي الله..عساها..السل.والعل.والموت عوذ بالله من شطر البيت اخير هههههههههههههه |
طالبك قلبي بيدك والرجاء لا تقتلينه
طالبك مهما قسيتي لا تزيدي في عذابه شلي قلبي في يدينك وإحذري لا تكسرينه وردي قلبي في مكانه لاجل مايقفد رحابه وإن حصل رحتي لغيري .. شخص يعني تعشقينه صدقيني راح أبارك ... وأتحملها إصابه وأنا بدور بدالك بنت تبقى بي سجينه تزعل الدنيا عشاني لو رأت فيني إكتئابه ومن يقدرني تحبه ومن يعاندني تهينه بنت تسكتها عذوبه ولا بها قطعة غرابه صعب الاقي غيرك إنتي شخص يعجبني حنينه لأنك إنتي كل كوني ولأنك بعيني سحابه خلي مانع حلم عينك وأوعديني تحلمينه وإقبلي مني خفوقي وعطري بيدك ثيابه لأنك أعذب من أسرني بين رمشينه وعينه ولأنك أخر شخص عندي يمكن أتوقع ذهابه |
حلمي بس أضم يدك وأسألك وشهو تبينه وأمسح إدموعك بكفي لا زعلتي من دعابه وأسألك لامن زعلتي ليه يا عمري حزينه وأمسك كفوفك وأقولك كل شي وله جوابه جيت أكمل نص ديني .. جيت شخص ٍتعرفينه جيت أحقق ما بغيته .. مو لجل أطرد سرابه |
صدقي يا بنت حواء لو بقول إنك زوينه
صرت أقلل من حلاتك .. وإنتي غايه في الرهابة لأن كل الزين ياخذ من يدينك كل زينه ولأنك إنتي بالحلاوه اسئله وبلا إجابه أنتي أول شخص والله شال قلبي إبيدينه وأنتي أول شخص والله صار يتعبني غيابه |
لك خافقي ينبض مواويل واصوات صوت الوفاء.. شوق الهوى.. قد نشدها ياشوق قلبي.. ينبض الشوق.. بسكات مخفي شقاء شوقٍ عظيمٍ لهدها متى متى.!وقت اللقاء.؟ والتنهات قلي متى.؟ قبل التحد.. في لحدها شعري لها.. لو ينتشر.. بالمجلات غطى على.. كل الشعر ..في عددها |
في عينه انته غير عن كل الاوصاف وفي قلبه انت العمر كله بما فيه حتى الشعر لجلك من القاف للقاف غنى بصوته والحزن في معانيه والهجر مثل البرد والوصل اللحاف وصاحبك غطى الثلج راسه ورجليه تعال يلي عقبك اسنيني اعجاف يلي معاك الحب كبرت هقاويه لاتحرم الولهان يكفيه ماشاف من وقته القاسي لقا مايكفيه ارجع ترى هموم الهجر ماهي أخفاف اثقل من اهموم الزمان وبلاويه وترى العمر من غير الاحباب ينعاف لو زانت ايامه و زانت ليالي |
ازدادت جنون قلبي يوم جيرانه مروني البارحه مع جنب مشذوبه والقلب طيرن كفخ بالجو جنحانه خلاني وقت السفر ثم اتجه صوبه ياناس احبه واحب ابوه واخوانه واحب اوجه ليا سجيت بدروبه والله لولا الحيا لاطق بيبانه واقول قلبي هواك وصرت محبوبه مير الظروف المقيمه مالها خانه كم واحدن حدته ماشاف مطلوبه لكن من شان قلبً حب ومن شانه اصبر على النار لو النار مشبوبه ورغم الحصون المنيعه داخل اوطانه مكانته بالحشا ماهي بمحجوبه وشلون ابنسى الهوى والحب وازمانه واشعار حبً من الاعماق مسحوبه و لو الشعر يعترف للناس بلسانه كان انكشف للخلايق سر مكتوبه |
ومن يلوم القلب لاجر اللحون في هواها عايشن فوق السحب علموها ياعرب يلي تجون ان حبي لو تبعدبه قرب وخبروها لايخيبن الظنون في خفوق الشاعر اللي ماكذب |
لحظات وراجعععععععععععععععععععععععععععععععععععععععععع
|
انتظر أحط النقاط على الحروف ماعد بها صبر
|
امانه ارفق على قلبي وخلّلك معاه تراه لو سجّ لحظه كان يركض وراك ضحكت ، قلت انتي اقسى ذنب واسهل نجاه ماادري وش اللي يخلّيني ادوّر رضاك ؟ . . تدرون ليه القساوه ؟ بس شدّ انتباه حتى تعود ال" طبيعتها " شبيه الملاك ما ارقّها وان نست حزن الحياه ال:حياه تنسيك حتى الحضور اللي كساه ارتباك |
يو م ضاق الغلا بي من يمين و يسار قلت ابحيا وانا اللي في غرامك دريك جيت ابهدي يدينك من قصيدي سوار قادني لك غلاك وجيت لك يامليك |
غلاك بالقلب انطبع وانتهى امره وذكراك معي اسرع من رسالة الفكس حبك من احلا نومي اقوم لامره ورؤياك اترجمها لغة شفرة تلكس حبك تزود اضعاف سكرات خمره بالقلب ماتمحاه صابونة اللكس واسباب ما زاده وما شب جمره وعن حب غيرك راكس مهجتي ركس |
|
من لام راع الهوى عساه يبلى به من شان مايشمت العالم ويعذلها وانا بليت ابهوى اللي ينقش اخضابه غروٍ يسبب رضا نفسي ويزعلها |
حلفت لجله جهود النفس لبذلها إن كان بامال والا جاه باسعى به واحاول اسعى ورا الاهداف وآصلها هذا الذي نقدره واللي نوينا به وإن كان باقي حلول انا اتكفلها من نيةٍ صادقة ماهيب كذابه |
|
هناك من يسمون الدبابير
وهي من تهجم على النحل لتأخذ الخليه العسل لاكن توقف لهم الملكه بالمرصاد ويرجعون من حيث اتوى هناك مايسمى في علم النفس علم النفس الإكلينيكي هو ذلك العلم الذي يدمج بين العلوم والنظريات والمعرفة الإكلينيكية بهدف فهم طبيعة القلق والضغوط والاضطرابات أو الامراض النفسية والخلل الوظيفي الناتج عنها ومحاولة التخفيف من حدتها والتغلب عليها من خلال الفحص والتشخيص والعلاج، كما أنه يهدف إلى تعزيز السعادة الذاتية لدى الفرد مما يحقق له التقدم على المستوى الشخصي لكي نتغلب على من يريد ان يجرح مشاعرنا دون ان نضر أحد لا نلقيه أهتمام نعبرررررر الى المحيط كأن لايوجد شيء حدث هناك من يحاول التفرقه بين الاخرين نقوله له لست الا نكره من يورد كلام ليس له دليل قاطع فانه قليل حيله محارب النجاح فعش لحظاتك الجميله دون ان تنظرررررررر الى شركات تسوق الدعايه الكلاميه على قولتهم شركه يقولون دون اثبات لتنجح في بث منتجاتها الرخيصه ولاتسمع الى احاديث لست لها باطن من الصحه فعش كنها لم تحصل أبدن أبدن ابدان على قوله اخوانا سمع من هنا وطلع من هنا كأنه لم يحدث شي في عالم التسوق أن شريت سلعه خسرت وان بعت الربحت فكن بايع لاتسمع الخفافيش الظلام النمر1012 |
|
| الساعة الآن +4: 01:05 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
