بديت جبّار العظام الكسيره=مظهر سفينة نوح من جم فاير
واكتب لبو حباس نار الذخيره=مثل النداوي با الهضاب العساير
انت الامير اللي فعولك كبيره=يا امير يا مزاحم شيوخ العشاير
انته مقر العرف وانته خبيره=وانت الوفي وانته حزين الضماير
وانته والد للضيف حام الخويره=يوم اعتقاب الملح مثل الصهاير
يوم السياهي ما يثبت منيره=محارجه عند النفوس الخطاير
يا شوق من قرنه تعدا ضميره=بنت الشيوخ متيهين العشاير
فيك النقا يا امير ما تستعيره=عطاك من يعط الحليم البصاير
يا محاضين قدم النشا ماء السعيره=قدام بيضٍ كبر روس الزباير
من الكبيره للوسط للصغيره=تقول منهن ياخذون العطاير
لا جاهن المضرم تبهج نضيره=مراكياتٍ فيهن البن حاير
وخلافهن نجرٍ يقارب هديره=صوت املحٍ صكّت عليه العشاير