ياسيدي.. عنكّ.. فيّ احلام تنفاني=وان غبت ..لو جيت صوبك لاتناديني
الوقت.. ماعاد يغريني.. مع احزاني=واللحين.. ماعاد يمدي بك .. وتغريني
علقتني.. بين ذاكرتي ونسياني= وضيعتني.. بين احاسيسي ويديني
ماعاد يقوى على تعبيري.. لساني=ياما شعرت الكلام.. يطيح من عيني
لو مر عصفور بأحلامي... تمناني =ولو طاح ..ريشة.. جناحينه تناديني
اعطيتني سيد خلاني... وخلاني=واخذتني.. قبل ما شعوري يخليني
واللحين.. شفني على ياسي وحرماني=رجعت بي.. ما نطقت: ارجوك داويني
يطويني الوقت.. والأحباب.. تنساني=لكن من اعماقهم.. تظهرني يميني
ما الله خلق بالبشر .. واحد على شاني=وما الله خلقني لأجل غيري.. يعنيني
يعني معك حق.. تذكرني وتنساني!=وانا .. لي الحق.. قبل انك تخليني!!