|
ياعيون حوا دون هذي وهذيك آدم بحر وانتي مجرد سفينه
حلمك سرق موجه وهو يرتحل فيك يضحك بوجه الريح وانتي حزينه احيان يلبس حاضره ثوب ماضيك ويعاف وجه للغلا تلبسينه يكبر .. ويرجع طفل من شان يغريك تدلليه بقبلة في جبينه آدم يبيع آدم على شان يشريك هابيل حتى اليوم تبكي يدينه ياعيون حوا كل ماصار يفديك بس اقبلي هالوضع لاترفضينه |
علّم عيونك لاتطوّل في الكلام ولاتقول
من قبل أعرفك مابعد شفت النجوم القايله خلك ترد العلم عنّي قبل سالفتك تطول رد الرواه اللي يردون الكلام لقايله ضيّعتني ضيّعك ربّي في مضيّعة العقول من يوم أخايلها وأنا ماكل برق أخايله وأن ضيّعتني ضحكةٍ بشفاك يادين الرسول غديت ملحٍ ذاب فصّه في الشعاب السايله وحلمت بأنّك عرش في قلبي على كف محمول وفسرتها أن العرش هو حبّك وأنا اللي شايله وليا نشدت الناس قالوا : يامغفّل يامهبول حلمك بعيد ولو تمد إيديك منتب طايله يارجل وجهك بالرضا والمسك والنور مغسول من حيث لاتعلم عمل فيك الزمن عمايله مامات من ظلم الغرام إلاّ الحياوي والخجول تحدّهم سو الطوالع في الحظوظ المايله غاياتهم تحبس وتبقى في خواطرهم تجول مثل الذي يمشي على ستايل مهوب ستايله مدري ملكتك ماملكتك والتباهي والفضول يقول مالا تنتظر ياجاي لك ياجاي له خل الحسود يموت في ثوبه يقول أو مايقول لاواهني اللي يحط أسمك بكرت العايله |
يا بديع الحسن والعقل المفكّر الوصال يحب والهجران يُكره
أنت تدري وش ورا الباب المسكّر لا تواعدني على الليله وبكره |
|
| الساعة الآن +4: 10:37 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
