اقتباس من مشاركة بركه الخياري (المشاركة 1455715)

إهداء خــــــــاااااااااص لكم ......

مل قلبٍ كثير الهم عذروبه
لا تهنى الحياه و لا ترواها

كنه اللي قصر من دون ماجوبه
حدته حد بقعاء لين سواها

مقتفيه الزمان وخانت إدروبه
دون حاجه مأخذ منها ولأعطاها

أول الدرب و الحسبه بمحسوبه
وآخر الدرب لاجت له ولا جاها

ول يالوقت يوم إنهد دالوبه
لاذخرها لراعيها ولا أخطاها

ليت وقت مضى ينعاد لي نوبه
ثم أغير طريقي وأتولاها

الحياء نوب غلطه و الجهل عوبه
و الرجاء يخدع الراجي برجواها

والليالي تعيل وتكسر الطوبه
و الصواديف ماتقدر تقفاها

من يعيش الليالي عاش مكتوبه
ومن تجيه المنيه ما تعداها

فلك دوار و الأسباب مطلوبه
كان ماوافته لاشك وافاها

لاتعجب وتستغرب من إدروبه
من تطول مشاويره بيلقاها

كم رفيق وفي وغير إسلوبه
وكم طبيب يعالج عين وأعماها

وكم ضعيف بسيط وساتره ثوبه
وكم زيحازيح تهضمها حلاياها

روح وإلعب قبل تجيك ملعوبه
إن تغديتها ولا تعشاها

الفناجيل و الكاسات مشروبه
والليالي تبي تجري بمجراها

اشاعر / بركه صالح الخياري