البقا باالرجال اللي تضد الضديد = كل تاريخ سجل صفحة أبطالها


وانت ياالشاعر المبرووك ليلك سعيد= وأسعد اللحظه اللي نخاوي إرجالها

أركب الموتر الليله وسافر بعيد=وغن موال ليلى وجر موالها
بعض الاجواد معنا شيك مابه رصيد=وحالته بالمواقف حال يرثالها

وش بلا الشاعر الليله علينا يحيد = والسوالف تدرج تو مدخالها

راع المال مايدخل بسوق العبيد =يمكن إنه يخسر السلعه ومالها

كان عندك قديم وكان عندك جديد=هاتها والعلوم انعرف معدالها
راع الاموال من طبعه يمد الزهيد=وانت سلعه جديده ماعرف حالها

انت شاعر وطرطنقي ولكن مفيد = تحسبنك ملكت الأرض وجبالها


بكره تجيك حذفه ياالشقي ياالعنيد = يوم بعض العرب يحج إشمالها

البلاده تراها من طباع البليد=كيف ترضى لها بالله يا خالها
المسافه طويله وكل لحظه تزيد=والحموله ثقيله وانت تشتالها

إعرف إنك حفات العيس ندب الشديد = فال رب البشر ياهيه وفالها


غاب نجم ولكن فيه نجم يسيد = وناس تبكي على شيبانها عيالها

أعرف انك غشيم وفيك طبع ن فريد=والقوافل تمشى وانت تبرالها
قالو الموت موجود ن بحبل الوريد=وكل نفس ن تحاسب قد اعمالها