قبيلة بني رشيد - دنيا بها لو نبسط خمس ساعات

إقتباس:

اقتباس من مشاركة خليف الوهيداني (المشاركة 267562)

[poem="font="MS Dialog,5,blue,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]دنيا بها لو نبسط خمس ساعات=لضيق والهاجوس فيها رجعنا
مامن مشاكلها هروب وسلامات=ومن كثر هرج الناس فيها شبعنا
نشهر وتلحقنا من الناس شرهات=ويامابها في بعض الاخطا طبعنا
من دون قصد وركبتنا ملامات=وجبنالها عذر الصحيح وطلعنا
وذقنا من الايام صفعه ولوعات=ومعها جبر حنا مشينا وطعنا
فيها مشينا بالخطوط الطويلات=مع كل دربآ للمعوشه نزعنا
وياما تلقينا من الناس فزعات=وياما لناس بما قدرنا قزعنا
وياما سمعنا من علوم ودعايات=حطت علينا وتقل ملها سمعنا
وبالتجربه خضنا بحورن غزيرات=وفيها خسرنا بالشرا من طمعنا
هاذي حيات الناس ربح وخسارات=ياما حصدنا بالحياه وزرعنا
ياما شرينا من مواتر جديدات=وفي سقوها حنا شرينا وبعنا
نسعا لكسب المال في كل الوقات=كم طرقتآ لجل المكاسب قطعنا
نسوي لنا حساب ورصيد وبطقات=ياما ضربنا بالحساب وجمعنا
نسير وسرار الليالي خفيات=ولجل عند اللي لوجه ركعنا
ونخذ مشوره ونتعدا مشورات=ونعرف من اللي نتبعه لا منعنا
حدن على شانه ماشينا زيارات=ويزتاد به من طيب فعله ولعنا
وحدن لو أنه مالكله محطات=عنه نجنب لو عطشنا وجعنا
لو الردي يملك فلوس وعمارات=وغنا رجل بالخلق عنه أرتفعنا
لو صابنا فقر وجفاف ومجاعات=نقفي عنه لو كان عنده سنعنا
ونخاوي اللي له مع الطيب عادات=لو الفقر صاب وحنا بلعنا
البارحه مرت ولو ليلها فات=من ماحصل فيها وشفنا أنوجعنا
في مجلسآ في صاحبه عشر(هبوات)=ياليت ربي عن ممره منعنا[/poem]

صح لسانك وتبل مروي 23232bani-3abs23232bani-3abs