حنا على شوفك نسوق التباشير=الصاحب الغالي هلا مرحبابه
ماحن ونحا بالقنوف المزابير = برقن تكاشف في عوالي سحابه
وعداد وقت الفجر ماغرد الطير= وعداد من حج الحرم وستعابه
ترحيب نبذه وانت الك منزلن غير= عندي وحسبك من خيار القرابه

اهلا هلا بالشاعر اللي كما الزير= زير القوافي بالسعه والرحابه
لاورد تل الدلو من جمّة البير= وأسقا ركابه طيب وألا طلابه
وضح المعاني في قصيده معاشير= الشعر في يمناه مفتاح بابه
ياسهل والله جيتك جيت الخير=حياك ربي..والنبي والصحابه