بسم الله ابدا الشعر واقول يالله=تحفظ ملكنا يامنجي دخيلــــــه
عبدالله اللي حاشت الطيب يمناه=قام العدل وابدع بكسب النفيــــله
زار المناطق كلها لاعدمــــــناه=يروح للمحتاج قبل يجيلـــــــــه
نعمن بابو متعب اليا حل طرياه=مده من الجزلات ماهي هزيله
ولي العهد سلطان سلطة على اعداه=لو هو جبل ياقف بوجهة يشيله
حلحيل ماينحال بالحق ممشاه=عزالضعيف الي يجي يشتكيله
سلمان امير العاصمة من عرفناه=يالله عسانا ماندور بديـــــــــله
الرياض تفخر فية من شبت اصباه=تلبس حلل وثياب خضرا جميله
ميزان عدل ورايتة فوق مبناه=واليا ومر كل القبايل تجيله
من معدنن طيب على الطيب مرباه=مال الخيول الاالرجال الاصيله
ال السعود مطوعت كل من تاه=بالنصح والا بالسيوف الصقيله
ياالرياض عيشي زهرت العمر بحماه =مادمهم حيين ماللك مثيلـــــــــــه
كبيرتن تكبر مع المجد والجاه=سكانها تزداد في كل ليلـــــــه
وصلات ربي عد غيثن نثر ماه=على النبي يمخايلين المخيلـــــه