| الشاطئ المهجور |
22-09-2011 09:23 PM |
إقتباس:
اقتباس من مشاركة بن هادي الرشيدي
(المشاركة 2466631)
ياعلاوي نجد علّك مراديم السحاب
ديرةٍ فيها تربيت يوم اني صغير
ياطبيب النفس وش هو علاج الاكتئاب
اعطني وصفة اعلاجه ترى وضعي خطير
عشت في غربة حقايق وفي وضع اغتراب
والتجارب علمتني على شيء كثير
استفدت من الذيابه ومن نبح الكلاب
واستفدت من الرغا واستفدت من الهدير
ولا كسبت الا معرفة عزيزين الجناب
ولا خسرت الامعرفة عديمين الضمير
اقترب لا مقترب شين بعض الاقتراب
ابتعد لا مابتعد شي في حقي كبير
ياسؤالٍ كل ماطرحك ملقالك جواب
مالي الا الصبر واهل الصبر توعد بخير
وصف خلان الرخا مثل ضحضاح السراب
يفرح العطشان شوفه يحسب انه غدير
للردي لو هو ولد عم لاتحسب له احساب
كم عزيزٍ ذله الوقت بضيافة حقير
والدروس انواع تطبيق والا بأنتساب
بس انا اللي طبّق الدرس قدام المدير
يا غريب ان مت شلني اليا هاك الهضاب
حط قبري بين عنتر وابن عمه زهير
حطني في مقبرة عبس مروين الحراب
حطني با أعلا علم عبس مروين الشطير
وان عسرك الوقت نطلع ونرجع للتراب
ويارث الارواح الأ له الاول والاخير
اول الدنيا طرب واوسط الدنيا عذاب
واخرتها الموت والقبر وحساب عسير
ياجزيل الملك يا كافل رزق النياب
يا الهي من عذابك برحمتك استجير
ــــــــــــــــــــــــــــــــــــــــــــــــــ ــــــــــــــــــــــــــ
لا هنت أخي وتم تصحيح بعض الأخطاء الطباعيه
|
اخوي بارك الله فيك ارجو منك عدم تصحيح القصيده لحيث القصيده من مصدر ماثوق
والمصدر جريدة الجزيره ولم يتم التعديل ولا شي نسخ ولصق فقط وهذا الاثبات ارجوك لاتحرف في قصايد علم عبس مع احترامي لك
http://search.suhuf.net.sa/2011jaz/sep%5C14%5Ctr5.htm
مشكور اخوي |
