اقتباس من مشاركة شاعر الصعاليك (المشاركة 2427475) هلا والله باخوي ابو شرق والله مدري عن شاعر الجيلين ،، هالوقت هذا يمدينا لعبنا طاروقين هههههههههههههههههههه

مشيك علي الكوعين ياصعلوك ماهو امن الجهاد = وقف علي رجليك لا جتك المزون المردمه
والله مالوم الكذش لا طال المناوش والطراد = لا طال ذيك حاول انك في سنونك تقضمه ههههههه

اقتباس من مشاركة شاعر الجيلين (المشاركة 2427617) لاحول ولا قوة الا بالله اللهم اني صايم

أركب على راس الجبل لا ضاق بك جو البلاد = واشريم لو ينفخ تعب من علتن في برطمه
احتاروا العالم وش اللي يشبعك يا هالجراد = والارض لو فيها شجر ما تشبعه غير اسلمه

حنا بياض الوجه مكسبنا ومكسبك السواد = ومن المراغه لحيته بيضا وجبهتك افحمه
ياراعي الثنتين ماهو ناقصك مشرب وزاد = لكن من يومك تحب الصعلكه والرم رمه هههههه

ماني ب ابن سلمى زهير وما انت يالشاعر سعاد = لكن لا شفت الخطأ عرفت قدر أمعلمه
فز بحلالك قبل لا نحرقك ثم تصبح رماد = وأتشيلك ارياح الغضب وسط الليالي المظلمه