|
أبغى الحلقة 11 تكون طويلة ..
>>> على كيفها تتشرط هههههههههههههههههههههه \ الله يعطيك العافية ... و متااااااااابعه ^_^ |
(( الحلقه الحادي عشر ))
وام طلال تقول لولدها والله ياوليدي طلال انا بقول لك شي هالبنت ما ادري آحسها شايلها بقلبها شي .. بس تناظر فينا وكآنها تعرفنا من زمان ..انا اول ماشفتها وعرفتنا حنا منو تغيرت لدرجة ياولدي حنا نسولف ونسئلها وهي تجاوب هاه ما اسمع .. كآنها مو ويانا طول الوقت .. ويرد طلال على امه يمه والله ما ادري ولا قال لـ آهله .. شي ابدآ ويتصل ابو طلال على بندر .. ويكلمه وبندر ما يدري شنو يقول له قال له والله يابو طلال انا لي الشرف اني اناسبك بس تعرف .. اللي مايعرفك مايثمنك .. وانا سئلت عنك وانت رجال ونعم فيك ورجال كفو والله ووصدقني اني لي الشرف اني ازوج ولدك بس .. شكل مافيه نصيب .. وابو طلال يقول زين شنو السبب قال ابد ما من اسباب بس الله يرزقه ويوفقه ان شاء الله .. ويسكر التلفون ابو طلال ويروح لـ ام طلال وطلال ويقول لهم انهم رفضو .. وطلال ليش شنو السبب .. وابو طلال يقول ما ادري بس الزواج قسمه ونصيب ياولدي وتبي تلقى اللي احسن منها ان شاء الله .. وطلال يتضايق ويروح يطلع برى البيت .. ويدق على رقم ريم ويطلع مسكر تلفونها .. وكان يعرف رقم اختها نوره .. ويدق على رقم نوره وترد قال شلونج شخبارج .. ممكن اكلم ريم .. قالت اوك دقيقه .. ويكلم ريم ويسلم عليها ويقعد يقول لها شنو السبب رفضتيني قالت .. له اول كنت آبيك وشاريتك وكنت تسوى بنظري الدنيا ومافيها بس الحين للآسف ماتسوى ششي ابدا .. وانت تعرف السبب انا انقرصت منك ومستحيل مستحيل مستحيل ارجع لك واعيش وياك ببيت واحد مستحيل .. اموت ولا اكون وياك او ارجع لك .. وتسكر التلفون بوجهه ويدق يدق يدق ولا ترد وتقول لـ أختها تغير رقمها .. وطلال من حال لحال وكل يوم ينتظر ريم عند المدرسه لين اضطرت ريم تغير مدرستها ولا صار يعرف وين مدرستها .. وطلال كل شوي تكلمه امه ابي اخطب لك فلانه ورافض طلال وياولدي بخطب لك ويرفض .. تعلق بريم وعرف انها الانسانه اللي صج انسانه بمعنى الكلمه .. انسانه طيبه .. وندم على كل شي سواه وياها غلط .. وتمر الآيآم .. وتكلم ام نايف ولدها بندر انها تبي تخطب له .. وقال اوك يمه اللي تشوفينه .. وتروح تخطب له من وحدها تعرفها وتعرفون اول لازم خطبة حريم بعدين خطبة الرجال .. وتكلمها وقالت لها ام سعد والله يشرفنا وابرك الساعات والله .. واحنا موافقين يا ام نايف .. وتروح للبيت ام نايف وتكلم ولدها قالت تراني خطبت لك ياولدي .. وام سعد موافقه بس بكره نبي نروح وانت اخطب من الرجال قال اوكيه .. ويجي يوم بكره وتروح ام نايف وبنتها ريم ونوره وبندر واخوانه يوسف وبدر .. ويوم وصلو البيت ويدخلون ويكلمون ابو سعد .. ويرحب فيهم .. وكلمه بندر قال انا جاي اخطب منك يابو سعد بنتك آسرار .. ويرد ابو سعد قال ابرك الساعات والله ويشرفني اني ازوج رجال مثلك وشرواك وانت رجال صعب نلقى مثلك بالزمن هذا رجال خلوق وطيب وابن اصل وفصل .. ويحدوون كتب الكتاب .. يوم الخميس .. ويجي يوم الخميس ويروح بندر واهله ويعزم ربعه .. ويجتمعون ويكتبون الكتاب بندر على اسرار .. ويستانسون ويتعشون العشاء .. ويحدد ابو سعد مع بندر متى تبي الزواج قال بيوم الخميس اللي بعد الاسبوع الجاي قال اوكيه .. على خير ان شاء الله ويستانسون مع بعض ويوم طلعو .. بندر واهله وامه بس تسولف عن اسرار واخلاقها مره بنت طيبه وانيقه .. ومتعلمه .. ويوم شافتنا كانها من زمان تعرفنا ترحب فينا وتسولف وتضحك ويانا .. وام نايف قاعد تسولف وينقز يوسف قال يمه اهم شي حلوه او لا لا تصدمين اخوي هههههههههه ويضحكون كلهم .. ويرد بندر قال انا مايهمني الا دينها واخلاقها بس .. وترد امه عليه قالت كفو ياولدي وهذا احسن شي فيها واما الجمال انت تشوفها وراح تدعي لي طول العمر .. وينقز يوسف قال اقص ايدي هههههههههههه .. وبندر قال اقول اسكت انت يعني تبي تتزوج وحده حلوه قال .. ان شاء الله هههههههههه ويضحكون ويوصلون البيت .. ويدخلون .. ويروحون ينامون .. وكلن راح بتفكيره .. بغرفته والكل اخذه تفكيره .. بس ريم اخذها تفكيرها لطلال .. وليش انا سويت وياه جذي .. وليش ماوافقت عليه .. ومن هالسوالف .. المهم وتقعد تفكر ويحوس فيها تفكيرها .. وتمسك تلفونها تبي تتصل .. ومتردده .. وشوي تتصل على طلال .. ويرد طلال واول ماعرفها قال لها شي انجنت ريم مو مصدقه .. وإذا تبي تعرفون شنو قال لها .. انتظروني الحلقه الجايه .. [/color][/size][/font] كاتب روايات طلال عايش الرشيدي |
رووووووووووووووووووعه
بنتظـــــــــــــــــــــار الحلقه 12 ^_^ يعطيك العافييييييييييييييييييييييييه.... |
سسسلــمت يمنــــــــــآك
و بآنتظــــــآر الحــلــقة 12 |
الله يعطيك العافية ...
بـ انتظار الحلقة 12 ^_^ |
" الذرب ( ذيابي ) "
عندما شاهدتُ الحلقات حاولتُ أن أمل لـ أتوقف لكن لم امل حتى الآنَ وقتَ طويل مكثتٌ هنا دون أن لا آدري وقعتُ آبحثٌ عن الحلقه ( 12 عشر ) سـ تكون كاتب علم في مجال الرويات فـ التطوير بها جميل وانتَ تتمرس كل وقت بجمال ينثر ويعبر بـ أحلى شكل صدقني سـ آراهن عليك بجمال روايتك وفكرك النير ربما أصبحت روائي مشهو أو كاتبَ مسلسلاتَ تعرض على التلفاز |
(( الحلقه الثانية عشر )) آعتذر على التآخير
ويرد طلال واول ماعرفها قال لها شي انجنت ريم مو مصدقه .. ويقول لها طلال .. ريم حرام عليك آقسسسسم بالله آني توني طالع من مستشفى الصحه النفسي وبس آبكي مع آهلي وبس اهذري فيج وتكفيري كله فيج .. ويقعد يبكي وهي مامسكت نفسها قعدت تبكي قالت له انت ليش حاولت تبتعد عني والحين جاي تبي تخطبني الغلط منك آنت .. مو مني وآنت آنسآني خلآص.. وتبي تلقى اللي آحلى مني وانا ما ابي اتزوج اصلا .. والحين ابي آسكر التلفون تبي شي ياطلال .. ويسكر بوجهها ويبكي وينزل لـ آهله وهو بس ريم وريم ويسولف .. وآهله .. يبي يعرفون شنو سبب تعلق طلال بـ ريم وتقعد آمـ ــه .. عنده وكانو بس هو ويـآهآ قـاعدين .. المهم وتقعد تسئله ياطلال البنات كثير وانت كل بنت تتمناك .. واللي كاتبه لك ربك بيصير .. والزواج قسمه ونصيب .. ويرد عليها قال يمـه هذي آعرفها .. قالت له من وين تعرفها .. ويقول ألسالفه كلها لـ أمه شلون تعرف عليها ومن متى وشنو صار بينه وبينها .. وآمـه تنصدم قآلت .. بس يـآولدي .. هي لو صج تحبك كان على طول وافقت قال يـا يـمه انا اللي ابتعدت عنها وقررت انساها واشوف غيرها .. بس للاسف عرفت بعدين انها هي البنت اللي مستحيل القى مثلها طيبه وآخلاق وبنت اصل وفصـل ومتعلمه .. وصعب القى مثلها بالجيل هذآ .. ويشكي حالته لـ آمـه .. ويطلع من عند أمـه وهو يردد ريم ويغني بآ آسمهآ .. وصار بس يسولف فيها وكل ما احد سئله يرد ويقول هاه ماسمعتك .. لان كل تفكيره مشغول بريم وصار ماينام الليل مثل الناس وامه كل ماشافته ياطلال انا بخطب لك وحده وهو يرفض قبل يعرف منو هالبنت وامه صارت تحاتيه .. وصارت .. بس تنتبه على ولدها .. وكآنه جاهل صغـيـر وصارت حالته .. تكسر الخاطر .. وكآن ريم سـاحرته او مسويه له شي .. وتمر الآيآم .. وريم تقعد من النوم وتقوم تغسل تبي تروح للمدرسه وتلبس ملابسها .. وصارت كل ماتقعد من النوم تلقى رساله من طلال .. فيها صباح الخير وتحت ابيات شعر .. وماترد عليـه .. وصار كل صبح يرسل لها طلال .. ويوم الاربعاء وريم راجعه من الدوام .. شافت سياره تمشي وراها .. وهي رايحه للبيت وعرفت انه طلال .. وصار كل يوم يطالعها يوم تداوم ويوم تروح للبيت .. وصار مجنون فيها جنون حقيقي وطبعا كان بكـره عرس بنـدر يوم الخميس .. والكل متجهز لـه .. واللي راح للصالون واللي راح للحلاق واللي مع بندر عشان يخلص اشغاله .. المهم .. ويوم خلصو اهل بندر .. وكانو مستانسين اهل بندر .. ويحضرون العرس ويرقصون ويستانسون بالعرس الحريم والرجال مستانسين بعرس بندر ويوم خلص العرس وجاء وقت الزفــه .. الكل قام يزف بندر واغاني ورقص وبندر مستانس وزفو ولدهم .. ودخلو بندر على عروستـه .. ويسلم عليها ويبارك لها بالزواج .. ويحاول يخليها تمون عليه ويضحكها .. وبعد تقريبا نص سـاعه .. وهو قاعد عندهـا ويسولف ويـاها .. ويطالع فيها بندر وجلست .. تبكــي ويسغرب بندر شفيج .. وهي قعدت تبكــي .. وهو يسئلها شششفيج وهي سـاكته ويمسك راسها يرفعـه ويحاول يهديها .. ويوم هداها وتقعد تكلمه تبي تقوله ليش تبكي لانه اقنعها انها تقوله .. المهم وتقول لـه يـابـندر انــا ... [/color][/font][/size] كاتب روايات طلال عايش الرشيدي |
يـــوهـــووه علامها بكـــــت ابــك كمل تكفـــــآ لآيكـــون تحبلها واحـــد ومجبوره على الزواج لحووول ابك كمل تكفـآ ذيابي ذرب اشكرك على هذا المسلسل الممتـــع وانا متشوق لمعرفه احداث الحلقه التاليـــه وطريقتــك هذه ممتازه (( مسلسل txt)) ارجـو ماتطول في الحلقات الاخرى واتمــنى ان يعرض مسلسلك في التلفاز والى الامام يابطل سجلني احد متابعينــك واحجزلي مقعدا وشكرا
|
هلا وغلا بالذيابي
شوقتنى اتابع معك ربي يحفظك ومشكورررررررررر ويعطيك العافية |
(( الحلقه الثالثة عشر ))
.. المهم وتقول لـه يـابـندر انــا .. آحس اني صرت بالقفص الذهبي اللي كنت اسمع عنه .. وماتوقعت بيوم اكون بوجهه رجال غريب ولـ اول مره .. اواجهه .. وتوني موادعه اهلي .. واول مره احس اني بعيده عنهم .. وما ادري انا بكون سعيده او لا .. لاني احس اني انولدت من جديد .. ويطالع فيها بندر ويرفع رآسه .. ويبتسم بوجهها ويمسح دموعها ويقول لها يا آسرار .. اعتبريني الاب .. والآم .. والاخ ..والاخت ..والصديقه لك .. وعسى السعاده تكون لك دايم معاي .. وربي يكتب اللي فيه خير ان شاء الله .. وتبتسم اسرار .. وتقول له تسمح لي اروح اغير فستان العرس .. ويرد عليها بندر اوك تفضلي .. وتغير ملابسها .. وتجي تتعشى مع زوجها ويغصبها على الاكل وهي مستحيه .. ويعيشون احلى ليلة بالعمر .. وويوم جاء الصبح .. ويقعد بندر ويتلفت يمينه ومايلاقي زوجته ويقوم يغسسل .. ويروح تحت ببجامة النوم .. ويلقى اهله واهل زوجته ويرجع يلبس ملابسـه .. وينزل يسلم عليهم .. ومشاء الله طلعت اسرار انثى بمعنى الكلمه قايمه من الصبح ومسويه القهوه للضيوف والفطور لزوجها .. واستانس بندر وقعد ويا اهله ويسولفون .. وطبعا الخجل بوجهه بندر وبوجه اسرار وكانهم اطفال .. واول مره يشوفون الناس .. وسوالف مع بعض ويستانسون ويتغدون مع بعض .. وكان الكل مستانس طبعا .. وبندر سئل امه يمـه وين ريم شفيها ما جت وياكم .. وترد عليه قالت قعدت بالبيت تقول انها تعبانه من الفرح امس .. وتبي تجي العصر ان شاء الله .. وطبعا ريم كانت .. متضايقه شوي لان كلام طلال كان بداخلها .. وبس تفكر فيه .. ولا تدري شنو تسوي وكان دايم ياخذها التفكير لبعيد ووتخخيل اشياء ما تعتقد انها تبي تصير تتخيل انها تبي تعيش مع طلال وانها تبي تتزوجه بس ما تدري هل هالشي يبي يتحقق او لا .. وتمر الايام .. وكان بندر بالبيت قاعد مع زوجتـه .. ومستانسين .. وشوي يتصل عليه رفيجه ويقول بندر اوك يالله جاي لك وتسئله اسرار شفيك حبيبي قال لا بس بروح للدوام طالبيني ظروري .. ويلبس ملابسه ويطلع.. من البيت مستعجل ويبي يروح يشووف شنو صاير بالدوام .. ويوم وصل للدوام وطبعا اسرار بس تحاتيه .. ويوم وصل للدوام قالو له ان فيه شقه .. قاعدين فيها شباب سكارى ونبي نروح نمسكهم لان عندهم اشياء ممنوعه .. ويركب سيارته بندر وربعه وراه .. ويوم وصل ويطق الباب على الشقه على انه عادي لا هو رجل امن ولا شي .. ويدخل للشقه وكان متلثم طبعا .. ويشوف اشياء ماعمره شافها بحياته كلها .. وما صدق ان هالاشياء موجوده بديرتـه .. والاروع من هذا انه شاف له شي ما كان متوقع انه بيشووفه .. وطبعا الكل كان بجو ثاني ولا يدري منو اللي جنبه اصلا .. ويطالع بندر يبي يتاكد من هالشي هل هو صحيح او يتخيل له ولا يدري شنو يسوي وطبعا هو قايل لربعه لا تتصلون لين انا اعطيكم الاوكيه .. ومحتار مايدري شنو يسوي ويقعد يفكر وكان الوقت مو وقت تفكير .. ومحتار وشوي يرسل له رساله رفيجه بندر نهاجم الشقه او لا .. ويرسل له رساله اصبر شوي لين اشوف الوضع .. وطبعا بندر .. الشي اللي شافه .. بندر .. راح اقول لكم بالحلقه الجايـه .. [/color][/size][/font] كاتب روايات طلال عايش الرشيدي |
(( الحلقه الرابعة عشر ))
وطبعا بندر .. الشي اللي شافه .. .. .. انـه شـاف من الموجودين وراعي الشقه وجنبه البنات ابوهـ اللي صار لهم اكثر من سنتين مايعرفون عنه شي ولا يدري شنو يسوي .. ويفكر وربعه برا يبي يداهمون الشقـه .. ويتصلون على بندر ولا رد عليهم وقالو اكيد انه فيه شي نبي نداهم الشقـه ونشوف الوضع آحسـن .. ويداهمون الشقه ويتلفت وراه بندر والا ربعه اللي يعرفون ابوه يطالعون ببندر ولا يدري شنو يقول لهم .. وصارت عيونه هي اللي تسولف شنو اللي بداخله .. ويمسكونهـم .. كلهم ويحصلون بالشقه آنواع من المخدرات .. وكلها صارت على ابو نايف لانه الشقه بآ آسمـه .. وصار بالسجن ابو نايف وطلع عكس كلامه يوم كان يتوقع انه عياله يبي يتخلون عنه ما احد وقف جنبه الا عياله وام نايف وصارو يزورونه بالسجن .. وندم ابو نايف على اللي سواه .. طبعا انحكم ابو نايف بسجن ثلاث سنوات .. والكل تخلى عنه ولا احد وقف جنبه الا عياله .. وهذا الشي عكس اللي فهمه بعياله لكن اقتنع بشي يسمى الدنيا مدرسـه .. وعرف ان الدنيا فيها تجارب حلوه وعواقبها حلوه ولهـا تجارب شينه وعواقبها ضاره .. وهذي هي سنة الحيـاه يوم لك ويوم عليك .. ومرت الايـام .. بندر كان نايم .. وتجي تقعده زوجته اسرار عشان يقوم ياكل فطور .. ويطالعها بوجها ويقول لها شفيج ياقلبي عسى ماشر وجهج ما ادري شفيه اليوم .. وترد عليه لا ماكو شي بس تعبانه شوي .. ويقوم يغسل ويروح ياكل وبع ـد ما اكل قال لزوجته قومي نبي نروح مشوار قريب .. وهـ ـي ترد مالي خلق والله قال راح يصير لج خلق يالله قومـي .. وتروح تلبس ملابسها وتطلع وياه ويروح لمستشفى خاص ويسوي فحوصات على زوجـ ـته .. وهو كان برى يحاتي زوجته وتطلع له تقريبا بعد نص ساعه وهي تضحك ويقول شفيج قالت .. الدكتوره وراها مبروك زوجتك حامـل وهو يطير من الفرحــه ومو مصدق ويرد على الدكتوره الله يبارك فيج وهذي احلى بشاره مشكوره يادكتوره على هالخبر الحلو .. ويطلع هو وياها من المستشفى مستانسين .. ويروحون يتغدون بمطعم برا البيت .. وقال سمعي اسرار نبي نخلي هالخبر مفاجاءه لا اهلج واهلي زين .. قالت اوك ولا يهمك .. اللي تامر فيه .. وبعد الغداء اتصل على امه بندر ويجلس يسلم عليها قال يمـه لج بشـاره عندي وخبر راح يخليج مستانسه قالت شنو قول لي قـال لا إذا جيت لج العصر ان شاء الله قالت اوك انتظرك .. ويوم خلصو غداء ويركب هو وزوجتـه .. ويروحـون لـ بيت ام نايف .. وهي يالله قول شنو الخبر قال لا لما يجتمعون كل اخواني ويوم اجتمعو كل اخوانه وخواته ويقول لهم الخبـ ـر ويستانسون ويقعدون يدعون لـه وينقز يوسف يالله عـاد البركه فيك اعزمنا على احلى مطعم هههههههه ويضحكوون قال بندر تستاهلون متى تبون بس وتبونه غداء والا عشاء .. قالو لا نبيه عشاء ويتفقون على عشاء يوم الاربعاء .. ويجي يوم الاربعـاء .. ويلبسون يبي يروحون وكانت ريم ماتبي تروح وياهم لانها تقول تعبانه شوي .. وقالو اوك خليج بالبيت براحتـج .. ويطلعون ام نايف وعيالها واسرار .. ويستانسون بالعشاء ويضحكوون .. وتقوم اسرار تبي تروح تجيب كيـكـه كبيـره طالبتها من المطعم .. وطبعا اسرار واهل بندر كانو قاعدين بغرفه كبيـره بنفس المطعم .. واول ماراحت تبي تطلب الكيكه من نفس البنت اللي تسويها بالمطعم .. وتبي تسئلها هي جاهزه او لا .. وسئلتها قالت لها اوك دقايق بس وتكون جاهزه .. وهي راجعه للغرفه اللي فيها بندر واهله ومستانسه طبعآ.. شافت لهآ شي مو مصدقه ورجعت بسرعه للغرفه وكانت وجهها متغير ولا تدري شنو تقول لبندر لانها ماتخبي عليه شي .. وبندر يسئلها اسرار شفيج لا يكون الكيـكه مو حلوه لا تفشلينها وهي تبتسم ابتسامه هادئه وتقول لبندر لا الحين تجي الكيكه وتغير الموضوع .. واول ماجت الكيـكـ ـه ويجلس بندر يقطعها وياكلونها ويستانسون .. وهم راجعـييـن كان بالها مشغول اسرار ولا تدري شنو تقو لبندر .. وطبعا اسرار .. شافت بالمطعم .. كاتب روايات طلال عايش الرشيدي [/color][/size][/font] |
يعطيك العافيه ..
وو بآآنتظار الجزء الخامسسس عشر |
لا يطول غيابك شكرا للمتابعه
ومن غدآ ان شاء الله برجع اكمل قصتي واسف على التاخير ولكن لظروفي الخاصه شكرا لكل من تابع .. |
قصص جميله تستحق الثناء
تستحق القراءه والاشاده بها كاتب .. يمزج من ذهب .. ويسطر الحروف لاهنت ابو عايش على هذا الابداع |
بدايه جميله
ويعطيك الف عافيه تقبل مروري |
(( الحلقه الخامسه عشر ))
وطبعا اسرار .. شافت بالمطعم .. ريم ومع حبيبها طلال ولا تدري شنو تســوي لانها لحظة صمت وبنفس الوقت لحظة قهــر وخوف على ريم وخلال ثواني تغير تفكيرها تجاه ريم .. وبندر لاحظ عليها قال يا اسرار شفيج انتي عسى ماشر من يوم قلنا لج روحي جيبي الكيكه وانتي بالج مشغول مدري بشنو انتي فيج شي احد مزعلج بشي قولي لي ترا انا زوجج قالت لا ياقلبي مافيني شي .. وتضحك عشان تبعد الشك عن بندر المهم ويوم وصلو للبيـت .. اتصلت على ريم عشان تبي تطمن هي رجعت للبيت او للحين .. المهم وترد الشغاله وتقول لها ريم مو هنيه وتستغرب وصارت تحاتي ريم ولا تدري هل تقول لبندر او لا المهم وتتصل على تلفون ريم بعد تقريبا ساعه وترد ريم وتسلم عليها وبعد ماسلمت تسئلها قالت شفيج اليوم ماجيتي معانا قالت لا والله بس كنت تعبانه شوي ومالي خلق لكن عسى ربي يرزقج بولد او بنت حلوه تجنن يآرب واذا جت لج بنت سميها ريم اوك ههههههه ويضحكن مع بعض المهم مر يوم تقريبـا وقالت اسرار لزوجها انا بسير على اهلك مشتاقه لريم وقال لها اوك آبشـري من عيـوني .. ويوديها للبيت وبعد ماسلمت على خالتها واخوان بندر جلست تسئل ريم شلون المدرسه وياج ان شاء الله انها زينه وترد ريم اي والله الحمد لله زينه قالت اسرار زين وين كتاب التحضير حقج قالت فوق بداري .. قالت اسرار اوك بشوفه ممكن عشان لو صرت مدرسه اتعلم منج قالت ريم اوك واسرار ماتدري من وين تفاتح ريم بالموضوع وتقرا كاتبها التحضير وتشوف واجب معطيته الاستاذه ريم للطالبات تعبيــر عن هدام ثقة الاهل .. وطبعا كاتبه تحت بنفس الواجب جمل تساعد الطالبات على فهم العنوان من الجمل اللي كاتبتهم هروب البنت من اهلها للبحث عن الحب الغير ديني .. كسر البنت عفتها للدخول لعالم السعاده الممنوع وجمل كثيــره .. وتستغرب اسرار ولا تدري شنو تقول لها قالت ريم انا مو فاهمه هالواجب ممكن تشرحين لي قالت اوك وتجلس تشرح لها وبنص الشرح تصرخ اسرار وتقول حرام عليج هذي صفة من صفات المنافقين تقولين للطالبات شي وانتي تسوين هالشي حرام ليش سويتي جذي ياريم .. وتبكي اسرار .. وريم تبي تفهم شنو السـالفـه والمهم وتقول لها انتي كنتي باليوم اللي طلعنا نتعشى برا كنتي وينج قالت ريم انا كنت بالبيت قالت لا مو صج جذابه قالت ريم لا ما اجذب انا قالت انتي كنتي بمطعم ... مع واحد حرام عليج ليش هدمتي ثقة اهلج فيج لييش تسوين جذي انتي شنو ناقصج المهم ريم استلسمت للا امر الواقع وقالت يا اسرار انا اعترف اني سويت هالشي وهو غلط لكن شنو اسوي انتي لو تعرفين طلال منو ماتلوميني والحب اعمى وانا بقول لج سالفتي والصدف اللي جمعتني مع طلال عشان تعرفين اني غبيـه لاني دخلت بحب انسان صـادق وانه جاء وخطبني وانا رفضت عشان تعرفين شنو سبب حبي له .. وتبكي ريم وهي قاعده تقول السـالفــه واسرار تمسح دموعها وتعتذر منها يا ريم خلاص انا اسفه بس هالشي اللي تسوينه ترى غلـط وانتي انسانه متعلمه ومفروض انتي تعلميني مو انا اعلمج .. وتحاول اسرار توسع خاطر ريم ويضحكون مع بعض شوي وفجاءه دخل بندر .. ويشوف ريم تبكي واسرار تضحك ولا يدري شنو السالفه قال ريم شفيج عسى ماشر زعلتج اسرار بشي بطقها ويضحك لان بندر يحب اخته ريم ويغليها قالت لا ماكو شي بس تذكرت موضوع ويجلس بندر يفكـر ولا يدري شنو يسوي المهم قالت اسرار لبندر انا بنام عند ريم اليوم قال بندر خلاص دام تبي تنامين انا بنام عند اخواني بعد من زمان عنهم مانمت عندهم .. وينـامون كلهم .. وريم واسرار يسولفون وشوي يدق تلفون ريم وترد اسرار قالت طلال صح قالت ريم ايه قالت عطيني انا بكلمه .. وتجلس تكلمه قالت شوف يا بن الناس اللي تسويه شي غلط .. وتجلس تكلمه انه يجي ويخطبها وهو يفهمها ان اهله رافضيـن المهم وهي تكلم بالتلفون يدخل بندر فجاءه ويشوفها تكلم وهي حذفت التلفون .. ويجلس يصارخ بندر عليها وتبي تفهمه وتجي ام نايف وفجاءه صار شي .. تعرفونه بالحلقه القادمه [/color][/size][/font] كاتب راويات طلال عايش الرشيدي |
ماشاء الله عليك مـبدع
اشكرك اخوي بصراحه قصه تجنن عزيزي يعجز الكيبورد عن التعبير عنك كل مااقوله لك تستحق التقييم |
(( الحلقه السادسة عشر )) وفجاءه صار شي .. وهالشــي اللي صـار بندر حاول يعرف منو تكلم زوجته وهي سـاكته ما تبي الضرر لـ ريم وضحت عشانها وسكتت .. ولا شعوريآ بندر قال لها روحي بيت اهلج انتي طالق وطلع من البيت وامه تناديه وهو مو رآضـي وطلع برا البيت وآسرار طاحت اول ماسمعت كلمة انتي طالق ولا تدري شنو تسوي وريم تصارخ وتضرب نفسها وتقول انا السبب والام واخوانها مايدرون شنو السالفه للحيــن وقعدو يحاولون يقعدوون اسرار وهي طايحه وياخذونها للمستشفى وتقعد بالطواري ساعتين وهي منصدمه وويجي الدكتور ولا يدري عن شي اسرار كانت شبه هادئه وصارت احسن شوي .. ولا شعوريا يكلم اسرار ويقول انتي حامل يـا اسرار قالت ايه قال ربنا بيعوضك ان شاء الله بذريه صالحه والطفل اللي في بطنك لازم تسقطينه لانه مات واصبح من طيور الجنه وتجلس تبكي وتصارخ وريم لا حول ولا قوة ودها تذبح نفسها وتجي تقرب من اسرار وتحضنها وتحاول تهديها واسرار ما تدري شنو تسوي ما في يدها شي وام نايف المسكينه ماتدري عن شي وتبكي وياهم بس يالله هذي سنة الحياه وكل شي مكتوب ولازم نرضى بالواقع .. وويوم هم طالعين من المستشفى تدق اسرار على بندر ومايرد عليها وام نايف اتصلت عليه ورد وتسئله وينك قال انا موجود قالت تعال للبيت قال ان شاء الله بجي يا يمــ ــه .. ويوم سكر التلفون وهو مادرى ان اسرار فقدت اللي ببطنها .. قالت اسرار لـ ام نايف خالتي ياليت توصلوني بيت اهلي وام نايف تسئلها ليش قالت بس بروح ارتاح عندهم لين يهدا بندر وان شاء الله يصير خير .. قالت اوك بس شنو تبي تقولين لـ اهلج قالت ماعليج انا بدبر نفسي يا خالتــي .. ويوصلونها البيت وتدخل على اهلها ويسئلونها شفيج قالت لا بس مشتاقه لكم ووجها كان تعبـان .. وام نايف وعيالها يروحون لبيتهم وكان بندر موجود بالبيت وكانت نفسيته مره تعبانه ويوم شآف ريم جلس يسولف وياها ويحسب ان زوجته هي اللي تخونه سبحان الله ان بعض الضن اثم .. وينصحها يقول وانا اخوك شفتي شلون وانا رجال هادئ ومو عصبي تنرفزت وصار اللي صار ويجلس يعلمها وتنزل دمعة ريم لا شعوريا وهو مايدري ان السبب كله ريـم .. ويسئلها شفيج ياريومه تبكين قالت لا مافي شي بس حرام اسرار ماسوت شي قال لها ماني فاهمج وضحي اكثر .. قالت له اسرار ماكانت تكلم الرجال وهي تعرفه قال اجل منو اللي يعرف هالرجال غلطان هو .. وليش تناديه با اسمه شعرفها فيه .. قالت يابندر طلال هذا .. انا اللي اعرفه مو اسرار ويتغير وجهه قال لها ماني فاهمج .. ياليت توضحين لي اكثر قالت له طلال اللي كلمته اسرار .. هذا انا اعرفه صار لي سنين واسرار .. عرفت اني اكلمه وبندر لا شعوريا قبل تكمل السالفه ويقوم عليها ويقعد يضرب فيها وامه تجي تحاول تحجزه وتلاقي الباب مسكر طبعا امه كانت مو قاعده عندهم بس كان هو وريم .. ويضرب فيها ويجي اخوها يوسف ويكسر الباب ويدخل يمسك بندر وتصير سالفه كبيره وريم بكل مكان ضربها ويحاول ينفلت من اللي ماسكينه ولا يقدر يبي يضرب فيها ويحلف انه غير يذبحها ويذبح طلال هذا .. وامه تقول انت شفيك منو طلال هذا انت شنو صاير لك .. ماتبي تفهمنا شي زين فهمنا نبي نعرف شنو صاير .. خلنا نتدخل قال يا يمه هالبنت جابت لنا العار هالبنت اللي واثقين فيها ومعطينها كل شي باعت نفسها والله يستر من اللي مانعرفه للحين ومسويه فيها مربية اجيال وهي اكبر صايعه ويقعد يسب فيها .. ويلعن ويطع ــن في ريــم ولا شعوريــآ .. تجي ريم وترد عليه بكلام واول ماسمعه .. سكت بندر .. وهالكلام اللي قـاله نعرفه الحلقه الجايـه ان شاء الله كآتب روايات طلال عايش الرشيدي [/color][/size][/font] |
(( الحلقه السابعة عشر ))
وهالكلام اللي قـالنه .. يابندر انا لما كنت محتاجه احد جنبي اخو او اخت مالقيت وكنت بحاجه لـ انسـان اخذ رايه في شي انسـان احس انه بجنبي وكنت بحزتها بلحظة ضعف ولازم احد يكون جنبي ويخليني واقفه وجاني طلال وانا باللحظه هذي ووحسيت انه بدا يسقي الورد اللي بداخلي .. اللي كان جاف .. وكنت بحاجة اني اشم الورد اللي بداخلي لاني مشتاقه لريحته .. وحسيت اني طفله وطلال الاب لي وحسيت اني يتيمه وطلال الاخ والام والاخت لي وحسيت اني وحيده وطلال الصديق والصديقه لي .. وعشان كذا خلاص تعودت عليه لين اصبحت اسيره له ولا قدرت اسوي شي ورغم كل هذا اني تركته فتره لكن يوم حسيت انه رجع لي الماضي والالم والصمت وكتم اللي بداخلي من الالم والاهات اضطريت ارجع له واكون اسيره له .. فـ اعذرني يابندر اني خنت الثقه اللي عطيتوني اياه لكن والله ما في ارادتي شي .. وانا مازلت بحاجه له ولا ادري شنو اسوي يابندر انت لو تذبحني الحين عادي موتي حلال لاني اعترف اني سويت شي غلط .. وانا احبكم كلكم .. وهي جالسه تقول هالكلام تبكي .. وجاء بندر لها ويمسح دموعها قال ياريم بس اللي تسوينه غلط انا واثق فيج ومازلت واثق فيج بس صعب اني بخليج تمشين بالشي الغلط .. ودام انك تحبينه وتبينه انا بتواصل وياه وبفهمه بطريقتي وماعليج كل شي لمصلحتج وفيه خير لج بخليج تمشين فيه لانج انتي تعرفين شكثر غلاتج عندي وعند اهلي يا استاذه ريم .. ويرفع راسها بيده وتبوس راس اخوها بندر وتطلب منه انه يسامحها .. واي شي يبيه تحت امره .. وبدا الصمت بالبيت .. ومرت الايام .. واسرار كانت عند بيت اهلها وبندر راح لبيت اسرار زوجته واول ماوصل رحبو فيه ويدخل قال وين اسرار قالو له نايمه قال انزين ممكن تقعدونها لي بسلم عليها .. ويروح اخو اسرار الصغير .. ويقعد اخته المهم وقعدت وجت لبندر وتجلس تسلم عليه ويقوم بندر قال اسرار يالله نبي نروح لبيتنا وابو اسرار قال لا شدعوه لازم تتغدا عندنا انت من زمان ماجيت لنا واقنعه يتغدا عندهم المهم ويقومون اهل اسرار ومايبقى الا اسرار وبندر .. ويجلس يعتذر منها بندر وهو قاعد يسولف اسرار نزلت دمعتها وقالت له انا اللي اسفه قال لا شدعوه لا تتاسفين ولاشي اهم شي اللي ببطنج لا يزعل علي .. ولا تدري شنو تقول له اسرار .. المهم ويمسح دموعها بيدينه ويقول لها كان بخاطرج شي .. قالت لا مافي شي بس اهم شي انت بخير ولا يكون سويت لريم شي قال لا خلاص كل شي بيتصلح ان شاء الله .. ولا تدري شنو تقول له اسرار وشوي يجي ابو اسرار ويسولف مع بندر وتقوم اسرار تروح لغرفتها وتقعد تبكي ومره صارت حزينه ولا تدري شنو تسوي وتحس انها هي السبب بكل شي .. المهم ويجهز الغداء وينادون اسرار وقالت انها ماتبي تتغدا وبندر يحس ان زوجته فيها شي المهم وتجهز ملابسها وتروح مع زوجها بعد ماخلص الغداء ويحاول يعرف شنو اللي صاير وهي ماتبي تصدمه وتقول له انها فقدت اللي ببطنها .. ويوم وصلو البيت ودخلو ويرحبون با اسرار ويجي يوسف يسلم على اسرار واخذ الوضع مزح قال يالله اسرار الله بيعوضك اللي فقدتي ان شاء الله بواحد احلى منه ولا تتضايقين وبندر كان يبي يروح غرفته ويرجع قال شنو تقول انت .. ولا يدري شنو يسوي يوسف قال لا بس اقصد العصفور حقها ويضحك عشان يغير الموضوع وينزل بندر .. وفجاءه قالو له الموضوع .. ومره صار متضايق وطلع من البيت متضايق مره مره ويسكر تلفونه وهو ماشي بالطريق .. واهله مايدرون عنه وين راح المهم وهو ماشي بندر ومره تفكيره ماهو معه .. المهم وكان قاعد يبكي ووفجاءه ...انتظروني الحلقه القادمه كاتب راويات طلال عايش الرشيدي[/color][/size][/font] |
من زماااان عن المتابعة ..
مجرد تسجيل حضور ,, و بـعدين أرجع اقرأ على رواقه ^_^ : سلم لنا فكرك ... و الله يعطيك العافية . |
حنـان الرشيدي
ما اجمل كتابتي عندما ارى ردآ جميلا من قلمك سلمتي على الردود الجميله يا حنوونه والله يوفقك |
يعطيك العااااااااافيه ..
وبنتظااااااااااااار الحلقات القااادمه ^_^ |
(( الحلقه الثامنه عشر ))
وفجاءه .. اصتدم بسياره وكان حادث مره قوي ويوقفون الناس ويتصلون على الاسعـأاف وكان بندر ينزف دم واللي اصتدم فيه كان معه عائله وماتو ولا بقى الا طفل صغير من العائله .. وتجي الاسعاف وتاخذ بندر والاموات وتاخذ الطفل عشان تشوف وتطمئن عليه .. وبندر يتصلون عليه وتلفونه مسكر ومره ام نايف كان شاغلها بالها وقلب الام حساس ترا .. ولا تدري شنو تسوي وعيا يجي لها نوم طول الليل ويوم صلت صلاة الصبح ويتصلون المستشفى على البيت عشان يبلغوون اهل بندر انه عندهم بالمستشفى وانه بخير .. ولا فيه االا شي بسيط .. المهم وترد ام نايف ويوم قال لها الدكتور وتجلس تصيييح وفجاءه يجي يوسف واخوان بندر يمه شفيج قالت بندر بالمستشفى ويروحون للمستشفى .. ويوم شافو بندر زادوو بكاء لان حالته مره تعباانه وكان فيه نزيف بالراس .. ووقتها كان بالعنايه المركزه وام نايف تحاول تدخل له ولا سمحو لها الدكاتره .. ويروح يوسف يسئل عن الحادث ويحققون مع يوسف .. ويسئلونه كذا سؤال عن بندر .. المهم ويقعدوون عنده لين انتهت الزياره وام نايف مو راضيه تروح عن ولدها ولا تدري شنو تسوي المهم وبالغصب ياخذونها عيالها .. وهي طول الطريق تبكي وتدعي ان الله يشفي ولدها .. والمسكينه اسرار تبكي وتقول .. ليش يصير فيني جذي .. وترد عليها ريم قالت يا اسرار انا السبب .. وهذا قضاء وقدر .. ولازم نرضى بالمقسووم وام نايف تقول لـ ريم واسرار مانبي حسايف الحين .. نبي تدعوون لبندر عسى ربي يشافيه .. ويوم وصلو البيـت .. ويقعدون بالبيـت .. ويسولفون مع بعضهم .. وشوي يتصل تلفون ريم والا المتصل طلال .. وترد عليه وهي قاعده مع اهلها وتجراءت وترد عليه تقول له اول ماردت انت شتبي انقلع لا اشوف رقمك .. انت سبب البلاوي اذلف .. وهي تزفه وتغلط عليه هو سـاكت .. وهي تبكي .. واهلها يحاولون يعرفون شفيها ريم .. وفجاءه .. ياخذ التلفون يوسف ويكلم طلال والا طلال يقول لـ يوسف انت شتبي بعد ماصدقنا نفتك من المجنونه اختك جاي .. تبي تكلمني انت ويعصب يوسف ويقول له لو انت رجال .. خلني اشوفك وتحصل مشكله بالتلفون ويتواعدون .. بمكان ويسكر يوسف ويجي يبي يروح وام نايف تمسك يوسف اقعد ويطلع يوسف .. لحاله .. ويركب السيـاره .. ويوم وصل المكان ويتصل على طلال قال انت وينك قال انت مصدق اني بجي لك اقول انقلع انا ما اجي .. لمجانين .. ويوسف مامسك نفسه ويرد عليه قال لو انت رجال تعال خلني اشوفك وويسكر طلال التلفون .. ويوسف ينتظر ينتظر ولا احد جاء لـه .. ويروح يوسف للبيت واول ماوصل للبيـت .. وتفتح الباب ريم .. وتقول له لا يكون ضربته امانه وينقهر وبلحظه قهر يضربها كف ويقعد يضرب فيها .. وتجي ام نايف .. وتمسكه وتحاول تهدي عيالها ويوم هدووء ويقعد يوسف يتشره على اخته ..وكانو سهرانين وكان وقتها السـاعه .. 11 بالليل وكانو قاعدين يسولفون .. ويسمعون الباب يطق ويروح يوسف يفتح البأب .. واول مافتح الباب وكان مو مصدق من اللي شافه ويسكت تقريبا دقيقتين وهو يطالع ولا هو مصدق شلون وومتى وكيف .. وفجاءه .. يوسف .. قرب من االلي يطق الباب .. وقال لـه .. انتظرووني في الحلقه القادمه كاتب روايات طلال عايش الرشيدي[/color][/size][/font] |
’،
رائع ما طرحت في قمة الابداع الله يعطيك الف عافيه بالتوفيق . ’، |
السلام عليكم
آسف على التآخير ل وجود ظروف خاصه .. اترككم مع المتابعه (( الحلقه التاسعة عشر )) وفجاءه .. يوسف .. قرب من االلي يطق الباب .. وقال لـه .. يوسف وهو مو مصدق آنت منو ويرد عليه قال انا اخوك نايف نسيتني قال نايف مو معقوله وشوي يروح ينادي امه واول ماوصلت امه وتشوف نايف وتجلس تبكي وتضمه وتجلس ساعه وهي ضامته واخوانه يجون ويسلمون عليه والكل كان مو مصدق ان هذا نايف ويجلسون تقريبا ساعه والكل كان بصدمه وبنفس الوقت بفرحه ويطالعون لـ نايف ويتجرى يسئله يوسف قال انت وينك كل هالمده قال انا سالفتي سالفه .. لكن بقولها لكم كلكم مع بعض لين يجي ابوي ويجي بندر .. وتتغير الوجيه ويسكتوون ويجلس نايف يسئل شفيكم سكتوو يعني ماتبوني اقول لهم قالو لا نبيك تقول بس .. ابوك وين وبندر وين .. ويتغير وجه نايف قال ليش لا يكون ابوي وبندر فيهم شي قالو لا مافيهم الا العافيه ان شاء الله وتاخذ ام نايف ولدها نايف تبي تشرح له الاوضاع كلها وشنو صار فيهم بعده واول ما اخذته وجلسو لحالهم ويمسك يد امه يبي يبوسها ويطالع قال يمه وين الدبله حقت ابوي لا يكون زعلانه عليه ونزلتيها قالت لا ابوك طلقني .. ويجلس يبكي نايف قال يمه لا يكون انا السبب قالت لا ظرووف صارت ومشاكل والحمد لله على كل شي ياولدي هذا قضاء وقدروتجلس تحكي له سالفة ابوه وليش طلقها .. ونايف فجاءه سئل عن بندر قال وينه الملقوف ماشفته ويقعد يقول لـ امه والله اني مشتاق له ودي اطقه .. وتبكي ام نايف ويمسح ادموعها ولدها ويقول لها يمه شفيك قالت بندر اخوك بالعنايه المركزه ويصارخ ليش شنو فيه يالله نبي نروح نزوره قالت لا ممنوع الزياره الحين قال زين شنو صار فيه قالت لا بخير ماعليك ياولدي وهو قاعد يبكي وحزنان على اخوه سئلته امه قالت انت وينك وشلون غبت كل هالمده حنا اعتبرناك مت والله ياولدي وجانا خبر انك ميت بس كنت عايشه على امل اني اشوفك ياولدي ولو ماشفتك بالدنيا بشوفك بالاخره قال لها يايمه انا بالغلط تعرفت على ناس ضد الحكوومه واحسبهم اول انهم مطاوعه بس للاسف لين دخلت بينهم ولا قدرت اطلع واضطرو انهم يخفووني عن الدنيا عشان ما اكشف سرهم ولا اقول ل احد عنهم لين الله كتب لي طريق وقدرت انحاش منهم وانا حبيت اجي لك اول شي بعدها اروح ابلغ عنهم بس انا خايف انهم يقولون لي كيف عرفتهم ما ادري شنو اسوي يايمه .. المهم لين وصل اخر الليل وهم جالسين يسولفون مع بعض ويسئل نايف امه قال يمه منو البنت اللي لما دخلت راحت بالغرفه الثانيه قالت هذي زوجة اخوك بندر الله يقومه بالسلامه وتجلس ام نايف تمدح فيها وقالت له يانايف انا بزوجك اختها مره محترمه وبنت ناس ومثل اختها بالضبط اخلاق وزين وادب ودين .. ويتغير وجه نايف ويرد عليها قال لهـآ يآيمـــه .. آنـــا قالت انت شنو قول قال لها يـايمه .. قالت قووول.. لا تشغل بالي ترى اللي فيني مكفيني .. قــــال لها انا متزوج وضحكت امه قالت عادي الشرع حلل اربع وهي مو مصدقه كانت .. قال صدق يايمه انا متزوج وعندي ولد قالت انت تتكلم من صدق قال ايه يايمه .. قالت شلون وشنو اصلها زوجتك ووين تزوجت انت وياها وتجلس تقول له يانايف ماني مصدقه وانا اللي كانت امنيتي احضر زواجك انت اكثر واحد وتتزوج وانا مدري ولا احضر زواجك ماني مصدقه انا قال انا بقول لك كل شي يآيمه بس اتمنى ماتفهميني غلط قالت لا عادي مهما كنت شايله عليك بقلبي بدعي لك لانك ولدي وانا تهمني سعادتك وراحتك بالدنيا انت وكل اخوانك الله لا يحرمني منكم ياولدي .. وهو بعد ماسمع كلام امه قال لها خلاص يايمه انا بقول لك .. قال لها طبعا يأيمه انا اول ماغبت عن البيت وتعرفت على هالمتظاهرين جلس يكلمني واحد منهم قال لي انت لازم تتزوج واجبرني عدم وجود اهلي بالزواج ل اسباب واقنعني حيل حيل وانا قلت اوكي موافق وطبعا زوجتي شلون تعرفت عليها عن طريقه وهي اصلها بقول لك كل شي عنها الحين يايمه بس اتمنى منك ماتفهميني غلط ولا تشيلي علي بخاطرك شي قالت لا عادي قول .. وقــال .. كاتب روايات طلال عايش الرشيدي[/color][/size][/font] |
متابعه ممتعه ومسلسل هااادف
ممقدررين الظرررررروف بس لاتتاخررر الحلقه 20 ممتحمس |
السلام عليكم
آسف على التآخير ل وجود ظروف خاصه .. اترككم مع المتابعه (( الحلقه العشرون )) وقــال .. يايمه انا تزوجت باكستانيه لان اللي اقنعني اتزوجها يقرب لها وخلاني اشوفها نظره شرعيه وبعدين وقف معاي وكلم اهلها لين صار اللي صار وتزوجتها انا وعشت وياها حياه حلوه وبعدين حسيت بالذنب وقلت لازم اني ارجع لـ اهلي ..ووقتها كانت زوجتي حامل واقنعتها بطريقتي اني بروح مشوار سفر لمدة يومين واجي وقلت لها لا تقولين حق احد وسويت المستحيل وصرت فتره مختفي لين عرفت انها جابت ولد ووقتها تطمنت ورحت اخاطر بنفسي لين جيت هنيه والحمد لله شفتك وشفت ديرتي وادري ان الحكوومه لو بقول لهم هالقصه يبي يحققون وياي لكن انا بخلي كل شي بـ سريه تاامه وبـ احاول اخفي نفسي .. طبعا امه منصدمه منه وتسئئله قالت انزين شنو تبي تسوي ويا ولدك وزوجتك قال هذا اللي محيرني يايمه وجالس افكر بـ حل انـا ..وتجلس ام نايف تفكر وياه ..وشوي تجي ريم وتجلس تسولف مع اخوها وامها وكانت وقتها تفكر بشي ودها تسويه المهم ويستآذن نايف من امه يبي يروح ينام وتقول له امه تصصبح على خير ويروح ينام وتجلس ريم مع امها وكانت الام على نياتها ماتدري بنتها شنو تفكر فيه وتجلس تنصحها وتقول لها قصص عشان تخلي الخوف في قلب بنتها وماتسوي اشياء غلط .. لكن احيـانن بعض التضحيه غلط وتقول ام نايف لبنتها يابنتي انا بروح انام ولاتنسين بكره وراك دوام ترى قالت ريم اوك يـ يمه بروح انام شوي ويوم راحت ام نايف وصار البيت شبه فاضي الكل نايم وتروح ريم لـ غرفتها وتجلس تتصل على طلال وتسسولف وياه شوي وكان ويسحرها بالكلام ويجلس يقول لها اشياء مستحيله ..وقلب الفتاه دائم رقيق وتصدق اي شي ..واقتنعت ريم باللي يقوله طلال وخلاص وافقت على اللي يقوله مصدقه انه صصادق باللي يقول ماتدري انه مجرد وقت للتسليه وبعدها تندم طول عمرها ..المهم ريم كانت طول الليل بعد ماسكرت التلفون من طلال تفكر بـ كلامه وكانت مقتنعه فيه وترسم طموحات واحلام للمستقبل وهي ماتدري ان هالاحلام والطموحات كاذبه وفارسها شخص كاذب .. بس ماتدري هي .. المهم وبعد ماخلصت من التفكير وتقوم من فراشها وكان الوقت متاخر من الليل ووتصل على طلال مره ثانيه وتقول له خلاص ياطلال تراني انا الحيــن .. .. .. .. تابعوني بالحلقه القادمه كاتب روايات طلال عايش |
متابعه والقصه مره رووعه
بس ارجع اكمل لاحقا عاد توني اشوفها قسم مدري وين كانت |
ابداااع
وجميل جدا .. وللي عودة باذن الله لتكمله القراءة |
بارك الله فيكم
|
شكرآ لكل من تـابع واتمنى المتابعه بالحلقات القادمه
|
يعطيــك العافيه .. وبآآنتظـآرك ..
|
سلمت الأيادي
|
| الساعة الآن +4: 03:54 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
