علي (لا ينشغل بالك) ولو كلي غديت جروح=تهملني ربع واحباب والله مايهملني

ترى اصعب شي بالدنيا اذا صار الغلا مذبوح=بقلب اللي تحبه و(عاملك باللي تعاملني)

احبك شي .. وشي ثاني خطاك ان قلت لك مدموح=(تجاهلني) وتبي ادمح خطاك انك تجاهلني ؟


(اشوفه في عيونك) .. ياعيوني في سماك يلوح=((اخذ نفس المكان اللي لجل يوصله نزلني))

حبيبي روح لا تقعد عشاني لابغيت تروح=انا ادري منت في حاجة وجودي لاتجاملني !!!

صاحبي .. ماخفت انا الدرب لو دربي يشين=من عرفت العلم .. لاذل ولاحدٍ ذلني

عزتي هي تاج راسي وبالله مستعين= وكلمتي للاه دايم عساي وعلني

وعزتك لاصرت انا معك مرفوعة جبين=ماتوطى لو زماني ظلم وحتلني

اعجبك .. لاعاند الوقت وعيا لا يلين=ما امل اعناد وقتي قبل لا يملني

اعجبك .. وابيك مثلي الياجيتك حزين=بمشكله معارضه جيت ابيك تحلني

لاتقصر مع حبيبٍ يحبك مرتين=مرةٍ بللتك الحب .. ومره بلني

شوف حبك كنت انا وين وداني لـوين= كنت انا باخذك كلك .. واخذني كلني !!!!!

ياصاحبي رح .. لو .. إني صدق محتاجك=ولو كان في يدي قدره كان رجعتك
بقول حاجه ولاني قاصد إحراجك=ماكنت أحس بغلاتك لين ودعتك

اللهم فأشهد أن لا إله إلا أنت


أعطيتني مأستحق ..


وجعلت حرماني تكفيراً لذنبي ..


ما أكرمك يا إلهي


يا رب الزهر .. والسديم ..


يارب الشمس .. والسنابل


يا رب الحياة .. والموت .. والبعث ..


أعوذ بك أن أموت قبل موتي ..


وأن أحيا ميت القلب ..


واللسان .. والضمير ..


وأن أبعث بعيدا عن رحمتك ..


يا أرحم الراحمين ..

آيه أعترف باللي يقولون سويت=بس ماأعترف باللي علي يتبلآ
جيتك ،، وفا ،، كلي مشاعر وصديت=عليت قدرك لين قدرك تعلآ
من شان حبك بأقرب الناس ضحيت=أرخصت حب اللي ليا جيت هلآ

الله يجيب اللي عيوني تمناه=اللي بدم العين والله بكيته
مديت له قلبي ورَوح وخلاه=والظاهر أنه ماعرف وش عطيته

يآدخيل الله (أرجع لي) أنتهيت=لا تخليني (أموت بحسرتي)
مادريت شصار يوم أنته مشيت=أنجرح قلبي وضاقت دنيتي
(طحت من طولي) ،، من الصدمه بكيت=قمت أصيح من القهر ياحسرتي
كنت آنا ميت وبروحه حييت=(هي سند عمري) حياتي ودنيتي

أعترف حولي كثيرين ،، لكني وحيد=عنك ما يغنيني والله قريب ولا خوي
خآآآآآآآآف ربك حالتي من شديد اليا شديد=شوفني من كثرة الشوق يمك مستوي
من فقدتك صرت أغنا غير ،، أنا واحد جديد=منكسر / مشتاق / محتاج صوتك / منطوي
أنت مثل الموت (مره تجي) للي تريد=ومن تجي له يترك الناس والدار تهوي

يابنت كساب الثنا ،، مقدي العوج=وقلوب عدوانه من الغيض تدما
لك بالشرف قدر ،، ومدارات وبروج=وأسم تهيب قيمته بين الأسما

ياهلا ومية هلا يارحب ومية رحب=الرحب تنقل رحب والهلا تنقل هلا

لين تاصل غاية مناك يا أغلى من نحب=إن سلا قلبك من الحب ولا ماسلا

شوفتك عندي بساتين وأطلال وسحب=ووحشتك يوم أبتعد عنك يادافع البلا

يابن الاوادم ترى مليت ألمح لك=آنا أحبك وأعزك وأعشق ترابك

ردي سلام النحيـل لفيـة العكـش=قولي هلا ، مرحبا ، او قولي اي شي
اما تركتي على قلب الخطـا نقـش=وإلا ازهرة ورد الجـوري برمشـي
يابنت حنت مهاديف الظمـا عطـش=وانتي قبالي وكـن الريـح نعشـي
ياكيف قلتي على رمل الضلوع امش=قبل اني اروى وقبل المـزن يمشـي
ماتسمعين الخطاوي مالهـا وقـش=وظلالها من تعبهـا طـاح مغشـي
يعنى عشان الحلا والتاج والعـرش=طيـب وقلبـي وخفقاتـه وعرشـي
بالله مري مابين الجفـن والرمـش=سحابـة توقـف شويـه وتمشـي
وإلا اقهري لين ارد الذود والطـرش=حـرام اصـدر ولا كحلـت رمشـي

كم ونة ٍ بالصدر جابت خبرها=وكم سهرت نجمه وكم ذوبت مهج
ماني لحالي ذابل ٍ من سفرها=ويصيح من فرقا المظاليل محتج
حتى المرايا (واحشتها صورها)=ترزم عليها مثل ماترزم الخلج
حورية ٍ قل الكلام بثغرها=يكفيك عشر سنين ماتسمع الهرج
(جتني) وانا قبل الوعد (منتظرها)=شوقي لها صهوة وشوفي لها سرج
استغفر الله من خطايا سهرها=والعذر لله ثم لعيونها الدعج

استأذنـك لحظـه دقايـق بخليـك=بروح ابشر عالمـي فـي قدومـك


في غيبتك احلم اشوفـك واحاكيـك=سمتنـي الدنيـا بعـدك محرومـك


يامـا تخيلتـك بدربـي واناديـك=واقول : وشفيها تـردت عزومـك

دامه معي أغلى الحبايب فأنا حي=بالروووووح أظمه يوم قلبي رهينه
ياصاحبي لا تنشد الروح عن شي=أنا حبيبي نووووور كل المدينه

احبك كان يكفي الحب ،، جروحي في هواك شهود=انا اللي راس مالي حلم ،، وهم الدنيا قدامي

على مهل قذلتك لا تبعثر إيدية=لين أتهيآلها ولا تهيآلي
الليل تو إبتدى والصبح يا بنية=لولا سنا غرتك ما هو على بالي
يا بنية الضي والجدران والفية=والمرقب الي رقاه الماكر العالي
ميعادنا ضل غصن وحس قمرية=توالفو والهوى شداد نزالي
(جيتي وانا والله إني مغلي الجية)=أغلى من الربع عند الطيب الجالي
واحلى من الشوق في عيون الهواوية=من غيبة الشمس لين المذن التالي
وألذ من تلة الطاروق عصرية=في عثعث من غثيثين النبأ خالي..

نشد عن أحبابك وعلم من نشدك=دنيا ماهي دنياك مافيها حلا

عذري لعيني كل ما أتلفها سهدك=عين لها خلان مافيها بلا
تعال ونلم النسايم في وعدك=ونسقي الريضان ونكحل هلا

والله وتحقق منايا=شوفو حبيبي معايا

تدرين ليه آتمسك فيك وأحتاجك=لاني معاك ماني بحاجة ولا حاجه

الشعر بالقلب مرباعه=تسقيه غيمه وتنهيده
ويطق للنجم بإصبآعه=ويحجم اللآش ويكيده
يآتيهة القلب وضاعه=في زحمة الشوق في عيده
يالربع لا ضآعت أسناعه=تشايمو ،، عن مناقيده
ولا تنشدوني كم الساعه=الوقت بعثر مواعيده

إيه شاعر ،، وإنتي أعذب شاعره=معك أعيش الحب ،، وأرجع أكتبه
حاضري وآول طريقي وآخره=أبتديت آعيش عمري وآحسبه
مرحبا ياليل إنتي باكره=صاحبك ،، قلب ،، هواك يصاحبه

حبيبتي والوصل عرس القناديل=الله يخون ،، اللي يفكر ،، يخونك
لا تحملين هموم ،، مايعشق بخيل=قلب يصون الحب لازم يصونك

كل ماقلت آبستلهمك وآتوب=ضعت بك ضيعة العطر بثيابك

ياعل شعر ماأنت قافه والأوزان=تصدى عليه شهورهن والليالي

يمه ،، تحبين طايلة الظفيره=آآآآآه والله ياعليها أشقر ذوايب

عرفتني الليل ونجوم الظهيره=دللتني بإغنيات ورحت طايب
صنتها مثل البحر لأبعد جزيره=ما تركت علومها لأهل الركايب

انا سعودي وملهمتي كويتيه=من شانها صرت اشجع منتخب ثاني
رغم اني اموت في طريا السعوديه=لكنه العشق ضحكها وبكاني

اللي صباحه غير عن كل هالناس=الله لايحرم عيوني صباحه
راقي ومتواضع وطيب وحساس=ولايحب الكذب كله صراحه
من قبل لا أدخل عالمه كنت منحاس=واليوم اعيش العمر كله براحه

كني بغيبتك غصن ً طارت طيوره=ولاباقي إلا الرياح الهـوج تومي به

كل عام وأنت بخير وأيامك بخير=لا يابعدهم كلهم ياغناتي
أنت بحياتي شئ ثاني عن اللغير=تقدر تقول : أجمل حدث في حياتي
دايم أفكر لو خسرتك وش يصير=واليوم شفني ما خسرتك وأحاتي
وإذا أفترقنا بطلبك مطلب صغير=لا تزورني بين النعاس ومباتي

يمه ،،، أذنبت ونزحت من العشيره=وأن تمنو توبتي ماني بتايب
يمه ،،، اللي حب له طفله صغيره=وش يسوي لا غدى فيها طلايب

كانك علي الشوفه اللي شفت من جدك=يا (كبر فرحتك) لـو تدري عن (الخافي)
تاكــــد ان المشاعر ما تقف ضـدك=لا خانها البرد ترجي صوتك الـدافي
لو راح بي (جــزر غيرك) (جـابني مدك)=لا هــــب طاريك بشراعي ومجــدافي

أظلمت في عيني الدنيا ولا أدري وين أرووووووح=قل نوم ،،، وظلم قوم ،،، وكثر لوم ،،، ومضيعه
ضاع عمري منصف لغيري ،، لعذالي نصوح=سقم حال ،،، وضيق بال ،،، وسوء فال ،،، مجمعه
مثل عصفور يحسدونه على ريش وروح=لا نبت ريشه يطير ،، وسقم حاله يمنعه