|
الوافـــــــــي المهيمزي
لاتصير وافي لكل الناس يالوافي = اخذ الحذر واعط كل انسان ماجوبه قليل في هالزمان الصاحب الصافي = بعض الاوادم تجي نيته مقلوبه العام انا في مكاني كنت متعافي = واليوم انا في طريقٍ ماعرف دروبه زرعت بالارض واسقيها بمغرافي = بارض الصبخ ماجنى الزراع مطلوبه وصنعت لي ناس كانت نورها طافي = وعليّ كل الامور اليوم محسوبه ويالوافي اهديك من نظمي ومن قافي = وتحيةٍ من صميم الراس مصبوبه |
صح السانك
والله يعطيك الف عاافيه |
سعد الرشيدي 00
حيالله اللي يسكن الشرقيه = تحية الصاحب لاعز اصحابه ديرتك فوق ونخوتك عبسيه = حرٍ وميكاره بروس اهضابه الروس مرفوعه والانفس حيه = والسيف دايم مسكته بنصابه ياسيفي اللي ذاخرك للهيه = لاصار ظرفٍ ماعرفت اسبابه سعد عليك اقدم القافيه = ابيات شعرٍ مبهمه بكتابه وكان الرموز الصادقه مخفيه = ماودي اكشفها تصير طلابه احداث مرت كلها عصريه = والمبتلي عساك ماتبلابه |
صح لسانك ومشكووووووور
|
بيض الله وجهك ياشاعرنا القدير جمعان خلف على القصيده الجزله
ويستاهل المهندس /فهد محمد البراك الى الامام . |
العقـــــاد 00
تعلموا منك الشعوب الاوائل = وعلمك يبي يبقى على مر الاجيال ياحضرة العقاد شفت الهوايل = وفي تجربتك الخالده تظرب أمثال ليتك تشوف عقود بعض القبايل = ووقتٍ تغير بين حابل ونبال وأقرب قريب اليوم ياتيك صايل = واردا البشر في هالزمن صار خيال ولاعم في هرجي عيال الحمايل = مثل مافيه احثال تلقالك رجال اشكرك يالعقاد عبر الرسايل = لو حال من بيني ومن بينك اميال |
عويض بن شامان
حيالله عويض الشامان طلق اليمين = اللي تكلم عن الموضوع ومتابعة عندي له الشكر والتقدير في كل حين = واكرر الشكر من وحده الى السابعه شكرا لك اخي الكريم |
خلف العايضي
يامرحبا ياسمي ابوي = تحيةٍ لونها وردي أنت المكرم ومثل اخوي = طيب ولاضنتي تردي |
ابو أحلام
احلامنا كلها يقضه ومرفوضه = مايقدر الرجل يحلم لو على فراشه في وقتنا اللي يعمه هم مع فوضه = وناسٍ على تالي الحطاب قشاشه هذا زمان الدلع والفن والموضه = واذناب للرؤس خداشه وخماشه اشكرك على كرم المتابعة |
ابو بيان 00
اخذ مني بيان لمن تفضل بيان = في سلامه وانا مني عليه السلام اشكرك ياطويل العمر يابو بيان = واقبل الشكر مني بأوله والختام |
عاشق الطيب 00
ياعاشق الطيب كلٍ يعشق الطيب = والطيب موجود عند اهله وناسه لاشك به ناس لاتاخذ ولاتجيب = وكلٍ لبس ثوب ماهو في مقاسه تغيروا بالزمن بعض الاصاحيب = وصارت على روس الاصحاب انتكاسه ياذيب ياللي على روس المراقيب = ماضنك تعيش في عز ووناسه الذيب لامن عوى من يرحم الذيب = الذيب قامت تعشاه البساسه وياراعي الطيب لاجيت اهل الطيب = سلم على اهل المروه والسياسه مني لهم كل ماتطلع وماتغيب = سلام من شاعرا مرفوع راسه |
الف الف مبروك للمهندس فهد بن محمد
ونتمنى له التقدم والتوفيق !!!! صح لسانك ابوخليفه كفيت ووفيت وبيض الله وجهك !!! |
الاخ البعيد الهادي
حياك ربي يالبعيد الهادي = تحيةٍ مردودةٍ مثنيه ردك علي اليوم ماهو عادي = شرفتني في كلمةٍ ورديه فيض المشاعر من كلامك زادي = احييت في نفسي شعورٍ حيه شكرا وشكرا يالبعيد الهادي = من شاعرا قبيلته عبسيه |
الاخ طلال بن محمد بن ناهس
شكرا لك على كرم المرور وابو محمد يستاهل الكثير والكثير وهذه القصيده قليله بحقه تحياتي لك |
الاخ العزيز رائد الذيابي
اشكرك على كرم المرور وتسلم يااخي العزيز والممدوح يستاهل وانت ماتهون تحياتي لك |
الاخ العزيز فهيد الرشيدي
اكرمتني في مرورك واسعدتني في حضورك لك مني اجمل التحايا |
الاخ العزيز ولد الشرقيه
حياك الله وحيا اهل الشرقيه وتشرفت في مرورك تحياتي لك |
الرشيدي
حياك الله وابقاك واسعدك بدينك ودنياك ولك وللمهندس كل الشكر والاحترام تحياتي |
الاخ عايض بن صالح
اصلح الله لك نيتك وذريتك واسعدك بدينك ودنياك وشكرا لك والقصيده يستاهلها ابن براك وكل رشيدي شرواك وشرواه تحياتي لك |
العمده والشاعر ناصر خنيفر 00
يامرحبا يابو تركي جعل من عاداك يفداك = تحيةٍ صادقه مني على شخصك هديه يالوافي اللي اليا جيناك يالبراك نلقاك = في ساعة الضيق مانت اللي علومه شقلبيه خابرك ماجهل مواقفك القديمه لاعدمناك = سيفٍ مجرب ومن روس الحرار الصيرميه عليك مني تحياتٍ تزورك ماتعداك = تاقف قدم شخصك الفاضل وتهديك التحيه |
الجـــــــــــــراح 00
شكرا لك ياالجراح وياخي الحق علينا فيه كثيرا من الناس يحتاج لجراحه مستعجله في عقله الواعي وإللاواعي ــ شكرا لك والمهندس فهد مهما كتبنا فيه لن نوفيه حقه حيث هذا الرجل من شجرة وارفه الظلال على من حولها حفيد شجاع وابن كريم واخو نشاما قل في هذا الزمان وجودهم ,, شكرا لك |
صح لسانك ياشاعرنا جمعان
وسلمت ايدينك يستاهل ابن براك وتقبل مروري |
مشكوووووور والله يعطيك الف عافيه صح السانك
|
إقتباس:
لله درك يابو خليفه على هذه القصيده الوافيه من شاعر وافي وصح لساااانك بلا عدد ويستاهل الاستاذ فهد وكذلك العقيد خلف محمد وكلهم خير وبركه واتمنى لهم التوفيق تقبل تحياتي وتقديري |
عطر الغرام 00
عطرتنا في حضورك وشرفتنا في مرورك شكرا لك والممدوح يستاهل ولاتهون تحياتي لك |
الاخ نواف فضي 00
شكرا لك على كرم المتابعة شرفتني واسعدتني بالمرور الممدوح يستاهل وانت كذلك تقبل خالص التحية |
المجهول 00
شكرا لك على كرم المتابعة 0 والمهندس فهد يستاهل وأنت كذلك تحياتي لك |
صح لسااااااانك يابو خليفه وبيض الله وجهك
على هذه القصيده الجزله وهم يستااهلون اكثر تحياااتي لك |
الاخ والزميل الشاعر مبارك رشيد السوارج الرشيدي
تشرفت في مشاهدة وجهك النير وكلامك الطيب ادامك الله يازميلي واستاذي يامن ارسلت لك اول قصيدة في حياتي واكيد إنك تذكرها يابو رشيد اشكي عليك المحبه == من صابته ماعاد يلقى علاجه وكان ردك عليها افضل منها ولكنني لم احفظ من قصيدتك شي عذرا يابو رشيد حي هالوجه يامبارك رشيد الرشيدي= يازميلٍ نكن الك الوفا والموده يازميلي وانا بأول بداية قصيدي = والنعم فيك يامن طاب من طيب جده ليت هاك الزمان اللي مضالي يعيدي = مير ماراح من عمرالفتى من يرده وين راح الزمان بلابسين الجديدي = انتحى الوقت في من يركبون الاشده كل حيٍ يبي يرحل وهذا الاكيدي = والعمر لو عطاه الوقت لازم يرده واطيب الناس من مافاتله يستفيدي = وجعل شرواك للانذال مالله يحده وانت فيك الوفا للي قريب وبعيدي = خابرك يامبارك فيك فزعه وهده اذكرك بألف خير وجعل عمرك مديدي = ويحفظك من يحفظ البحر جزره ومده ويامبارك عزيز ولو تكون البعيدي = المسافات ماتقطع حبال الموده |
الاخ بن صقعان 00
حياك الله يابن العم والنعم فيك والف نعم اشكرك على المتابعة 0 تقبل خالص التحية |
الاخ العزيز مسند العويمري 00
اكرمتني بالمتابعة وشرفتني بالحضور تحياتي |
الاخ العزيز عبدالرحمن سعود 00
مرحبا والف مرحبا بابو سعود العزيز الغالي شكرا لك على المتابعة تحياتي |
لا هنت يا بو خليـفه على القصيده وصح الله السـانكـ .. .. وانتظر الرد
|
الاخ المحنك 00
شكرا لك على كريم المتابعة تحياتي لك |
الاخ بدر حيي 00
الف شكر على الاطلاع والمتابعة والممدوح يستاهل وأنت ماتهون تحياتي لك |
الكريمه 00
شكرا لك على كريم المتابعة شكرا والف شكر |
الاخ صابر 00
شكرا لك ولكن للصبر حدود تحياتي لك |
الاخ ابو حمد بن عايضه 00
الاخ ابو حمد بن عايضه 00 شكرا لك على المتابعة والممدوح يستاهل وأنت ماتعون تحياتي لك |
الاخ سري للغاية 00
شكرا لك على كرم المتابعه اشكرك حروفك العذبه تحياتي لك |
الاخ امير الرومنسيه 00
اشكرك جزيل الشكر على كرم المتابعة تحياتي لك |
| الساعة الآن +4: 03:14 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
