|
هههههههههههه
وراك ششت وزعلت يالشاعر الصعلوك .. ههههههههه طيب طيب
يامن غديت وشعثرتني بقاياك = واستلكعت فيك الجروح الرعايف ماجيت ادورلك وادوّر عطاياك = مير اترك هروج الزعل والحسايف |
ابو توتو اقراء البيت ومعنى الكلمه عليك الله وأمان الله أنه... يبين
|
الصلااااااااااااااااااااااه
|
الله يجزاك خير
يابو توتو نبهتن جعل الله يثيبك انا بين هالأنجليز ولايصلون وعلى ذكر الله مايطروّن مير الورايف جمع وارف والوارف الظل الممتد أو عاد عبرها كيف ما انته تبي ؟؟؟؟؟ ...... شاعر الصعاليك تشرفت باللعب معك ... وايشهد الله انك عزيز وغالي ومن باب التنبيه تمعن بالبيت اللي مطلعه ناظر شروق الشمس وتفهم مابغيته .. ويسعدلي مسسساك ومساء غاليك واستر ماواجهت والقفله عندك نستأذنكم وصلوا قبل أن يصلى عليكم ............ |
إقتباس:
انا خويك اللي العام هههههه
وسط البحر يا برد لا ترمي ارشاك = اللولو ما يطلع بشيل الغرايف مديت لك مسواك من شجرة الراك = في اتلا الزمن لكن مانته بشايف |
برد الطويلين صحت ابدانك يالامير
والله ما ابركها من ساعه يوم شرفتنا وكلن ترى حول شروق الشمس ، لكن ابو توتو يبي يشبها بيني وبينك هههههه |
سـلام تسليمـن تـرده شفايـاك=وتود ذكـره يابسـات الشفايـف ياشاعرن صـدت وردت مطايـاك=وادلت على خضر الغصون اللفايف
يا مرحبا ترحيبتن طيبها اعفـاك=في قلب مغليهـا تـرد الكلايـف ما احدن يسوي فالخلايق سواياك=ياللي علومك كلبوهـا طرايـف
دام البقا والذيب يحسب خطاياك=ويجمَّع شتات العرب والطوايف هاك الخبر ضفه بمطرق عباياك=من قبل تجداك السنين العجايف
لكن ما ندري وشنهـي نوايـاك=ياللي مقامك في علـو النوايـف عندي خبر سود الليالي تمنـاك=يا صاحبن قلبه من الشوق خايف
ياصاحبي وان دلدلولك ضحاياك=لياك ترخص طيبات الوصايف وش عاد لاقفت وهدت ركاياك=واقفى زمانك والعنته الولايـف
ذوق الصبر ثم قول يارب رحماك=لا صارت اضلوعك قصار ونحايف يا صاحبي انته على الهون ممشاك=تبغى الحفر وانته بحـد العطايـف
ناظر شروق الشمس واحسب زواياك=والعق غصون الملقحـات الورايـف ياصاحبي وفـرّ وقصّـر وصايـاك=دامك جمعـت اسمانهـا بالضعايـف
حد النظر لا طال ما يتعب اخطاك=وقصر النظر يـوردك للحتايـف كاس البطوله شايله ما يبي رضاك=ناوي على ذبحك بسكيـن نايـف
يامن غديت وشعثرتنـي بقايـاك=واستلكعت فيك الجروح الرعايـف ماجيت ادورلـك وادوّر عطايـاك=مير اترك هروج الزعل والحسايف
وسط البحر يا برد لا ترمي ارشاك=اللولو ما يطلع بشيـل الغرايـف مديت لك مسواك من شجرة الراك=في اتلا الزمن لكن مانته بشايـف |
صح الله السنتكم=ياعما لقه
|
برد الطويلين شاعر خطير ودبلماسى بدون اقصور فى شاعر الصعاليك اللى خلا الامور سايره من تحت الما -وعدم كشف المعنى -فعلا شروق الشمس رمز بها برد الطويلين للحركه اللى سواها فى الطاروق0سلام تسليمن ترده شفاياك=--
|
لا هنت اخوي سعود ، وبرد الطويلين كارثه شعرية
لكن انت ربطت شروق الشمس ببداية المحاوره، وهو غير كذا |
سعود العرعري اشكر مروورك وشهادتك اثلجت صدري وافرحتني وانت الشاهد الله جبت بعضن منها مير ليتك الحقتها واظهرتها كلها والسالفه بين الأثنين لابدها لابدها ماتموت مير لاهنت وجمل الله حالك وعشت
|
شاعر الصعاليك
جعل فداء هالفره الي كنها فرة اللكززس ههههههههههه الله لايهينك ولا اظني معناي ومبداي يخفاك مير سلمك ربي وعافاك وانت شاعر ولاعليك اخلاف وتشهدلك السبابه وقبلها منطوقي |
السلام عليكم ورحمة الله وبركاته
محاوره رائعه وشعراء كبار دام البقا والذيب يحسب خطايـاك ويجمَّـع شتـات الـعـرب والطـوايـف هاك الخبر ضفه بمطرق عباياك من قبل تجداك السنين العجايـف صح لسانكم |
برد الطويلين وشاعر الصعاليك صحت اللسنتكم ولاهنتم
|
إقتباس:
الله يثلج بدنك من ما الكوثرامين ترانى عارف البير وغطاه بس اختصرة الايجابه وعلم شاعر الصعاليك-وشاعر الصعاليك اكيد انه فى زهور الشباب بين من الطاروقكم واكيد انكم تعرفون بعض عن قرب ولا عندك معلومات عنه |
أخوي سعود ومنكم نستفيد ، وعندك الطاروق شرشحه وحلله
والله اني صادق وانه مما يسعدني ، نسمع لشاعر خبرة مثلك والشهادة لله اني ما اعرف برد الطويلين الا هنا ، واتشرف بمعرفته ، وابشرك زهور الشباب على وشك انها تذبل ههههه |
دام البقا والذيب يحسب خطايـاك=ويجمَّـع شتـات الـعـرب والطـوايـف
غنام الله محييك ، والظاهر عندك علم ههههههههه ====== أخوي البيطار صحت ابدانكم ومرورك اسعدنا يالامير |
إقتباس:
|
غنام
بيطار الشعر شكراً لمروركم الجميل العذب الرائع ..... . . سعود بدايةٍ بيض الله وجهك وتعليقك في موضع فخر وتشريف وتقدير ويسعدنا مرور شاعر بفامتك الشعرية الززاخره أما فيماا ذكرت عن علاقو بيني وبين الصعلوك الأميير لا والله اني ما اعرفه ويشرفني عرفه وملاقاه وخوته مير بيض الله وجهك ولاهنت يازعيم الصعاليك على التعليقات الجميله تقبلوا مني تحياتي برد الطويلين |
إقتباس:
|
| الساعة الآن +4: 07:55 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
