كلن يغني له على الكيف طاروق=وطروق بعض الناس دايم تشابه
يرددون الهرج لاحق وملحوق=قومن سوالفها تزيد الغرابه
ياالربع انا لي حجتن تغلق السوق=يومن بعض الناس سوقه غدابه
العلم له باب من العام مطروق=واليوم ياالطارق نعيد الاْجابه
تقوللي انته من العام مسبوق=وقول فعلك نادرً من درابه
فعلك ترى ماله مع الناس منطوق=ضاع العزم واليوم باقي هبابه
انته كما الي هل دمعه على الموق=من عقب ذاك الفعل وقته سطابه
اهرج ولاتظلم رجالن لها حقوق=ثم تكسر الحاجز وتلقا العقابه
اقول انا ماكل مطرود ملحوق=الي يعز السيف قوة نصابه
ان كنت ترقا للمراقيب وتوق=شف اطول المرقاب ولا السحابه
وان كنت تنظر للقمر السماء فوق=كلن على قده يفصل ثيابه
اليا متى وانت متربع على البوق=السيل ماخلا بلد ماجرابه
حنا ترى عوق الذي يدفع العوق=لاكن لاتكثر علينا الطلابه

يالسبع من فوقك مشاريه وحقوق=دخلت في جواً كثيراً ضبابه
بالأمس داخل سوق واليوم في سوق=تطلع بغابة ثم تدخل بغابة
كثر الحكي واللف ماهو بمنطوق=يصير حجمك كبر حجم الذبابة ههههه
وأن جت جيوش الحزب طوقٍ ورى طوق=حزب العقيد اللي عقيدك يهابه
صرتوا بوسط المعركة خبزمرقوق هههههه=لاشي معنا صدق ياحج بابه
وحزب الشبابي كالقذى داخل الموق=يعني منحسب بالمواجه حسابه
وان صارو الفريس صافق ومصفوق=حزبي عقيد المرجلة والحرابة

المعركه مابين سارق ومسروق=كلن على الثاني يشن الحرابه
الجوهره جوف البحر وسط صندوق=ما جابها غير الرجال الذيابه
بالمعركه ناصر على الراس مفلوق=ما ينفعه راع العدس والقلابه
وشفايدة سحب(ن) بلا رعد وبروق=والناس تنظر لسحب في غرابه ..!
ابنشد الشعار عن ملك فاروق=وش غيره والعلم كل(ن) درابه
حزب النصر والخنفره بن محروق=وحزب الشبابي مغتني عن شرابه