مشــكلتي اني ماتعـــودت الاعـــذار=بيــاض قلبــــي ماتصــــنعت طيـــبه
تفضــحني عيــوني ولاعنـــدي اســـرار=مــاهي غـــريبه للقــــلو بـ الاديـــبــه

تحـــزني الدمعــــه ليــا صــــار ماصـــار=و ارتـــاح لاهــــونت عنهـــم مصيـــبه

و للحـــب فـــي قلـــبي مســــاحات واســـوار=وافـــرح ليـــا شفت الامـــــاني قــــريبـــه

اكــــبر عيـــوبــــي حــــب الاحــباب بــإصــرار=مـــا قــــدر على بـــعد العيــــون الحبــــيبــــــه

يـا علّـي أخـذت مـن الليالـي والأيـام=درسٍ يـجـوز إنــي درسـتـه لـحـالـي

مـاهـو بـــدرسٍ بالـدفـاتـر والأقـــلام=لا بالله إلا أصـعــب دروس اللـيـالـي

درسٍ ملكـت بـه الهقـاوي والأحــلام=وكسـبـت مــن هالـنـادرات الغـوالـي

وكشف لي وجيه الحقايق والأوهـام=وعلمنـي إنـي مــا أتـجـاوز مجـالـي

أنـا . . إليـا هـبّـت ذعـاذيـع الأنـسـام=صـدري علـى صكـات بقعـا شمـالـي

واللـي علـى الجـرّه يـرزون الأعـلام=لا مـكـســب لــيّــه ولا راس مــالــي

أمــوت مــا حطيـتـهـم درع وحـــزام=أستـغـفـر الله عـــن كـــلامٍ طــرالــي

أنــا خـلـقـت مـــع الريـاجـيـل قـــدام=والفـضـل للمـولـى عـزيـز الـجـلالـي

ما اقصر نظر عيني على حد الأقـدام=ولا أستشـيـر إلا زحـــول الـرجـالـي

أدعس برجليني علـى روس الأقـزام=ولــي وطـيـةٍ تهـتـز منـهـا الجبـالـي

واللـي تجارتهـم علـى بـيـع الأذمــام=لابـد يصـلاهـم مــن الـوقـت صـالـي

أيتـام . . لـومـا حالـهـم حــال أيـتـام=من روسهم . . عرف الرياجيل خالي

حياتـهـم بـيـن البـشـر مـثـل الأفــلام=تفشـل يـا لــولا الدبلـجـه والخيـالـي

وأنـا . . يكفّينـي مــن دروس الأيــام=درسٍ يـجـوز إنــي درسـتـه لـحـالـي

نعم من غابت عيونك وانا اصفق على الكفين=واتوه بخطوتي ضايع ولا ادري وين عنواني
حبيبي شفت هالدنيا حلاها لاجتمع قلبين=تخلي قلوبنا اجمل من اللي عاش وحداني

ياللي غلاك أشبه بتاريـخ الأجـداد=يسلبني احساسي اذا مـر طاريـه

وين انت عني صار لجروحي أحفاد=طال انتظاري يابعد خافقي ليـه .!؟

يـادرب خـذنـي مـعـك ولـهـان ومـخـاوي=راحـل عن الديـرة اللي ضحكها : ضيقـه !


جـيـتـك وذيـب الهـمـوم بـداخـلـي عـاوي=خـذنـي مـعـك هالتـعـب والله ما أطـيقـه

جيت المكان الي قعدنا به آآوقـآت=وعجزت اقعد في مكاني دقيقه

حتى الشتا ! لاقالت بصوتها برد=قام يتمنى البرد من حِر مابه!!

أصعب اللحظات لحظات المفارق=كل جرح داخل ضلوعك تشبه
وانت بدموع الوداع المر غارق!=كل دمعه تطيح تصرخ بك أحبه

منزوي وبـ داخلي عشق وسحابه=تنهمر لا حست بكلمة تعال
دايم أسكن في وطن أجهل ترابه=بس أعيشه وأشعُر بـ مُره زُلال !
دايم ودايم كِذا كله غرابه=من شروق الحزن لـ غروب الوصال

لاتقطع اسباب الرجا فيك مرة=خل الرجـا لو ماصدق فيك يبقى
ترى السراب اللي خداع ومغره=ينعش رجا الضامي وهو ويش يلقى
أجي لدربك كـل يومِ وأمره=مشتـاق أدور شوفتـك واتهقى
ضامي حنان وشوفتك لي مبره=ومن الجـروح القلب ياما تلقى

الـى اللي ما يـفـارقـني دفـاهـا ويـن ما راحـت=الـى اللـي مـا تـذوق النـوم لا مـن ضقـت والـراحه
كـتبت الشـعـر واهـديتـه سـماهـا يـوم مـا لاحـت=وجيـت لـ بـابـها اللـي من غـلاهـا ضـاع مـفـتاحـه
طـرقـت وما سمـعـني غـير ورده بالـوله فـاحـت=وقـالت لـي بـقـى يـوم و تـجي معشـوقـة السـاحـه

تعال افتح لي الدنيا بـضحكه تشبـه الأطفـال=وقفلها عليه بـ الوصـل والطيـش وبحـوره
تعال وعتق ضلوعي بـصوتـك واسمـع الأطـلال=تنادي لك معي بـ اسم الصبر والصبح وطيـوره
دخيلك يا شظايـا الـروح والبـوح وسـؤال سـال=على شفاهي بعادك لا يطقطـق جمـر تنـوره

ياحارس العمر باقوا العمر وماتدري=ماقلت لك لاتنام وذا الزمن صاحي
اعطيتك أيامي وأمـّـنتـك على عمري=نمت وعطيت الزمن بابي و مفتاحي

يـا صـاحبي وان بـعـثـروا لك شعـورك=لا يخـذلك شـبـاك الاحـلام وتـطيـح
كـم كـنت ارتـب في غـيـابك حضـورك=وكـم كنت اسـولف عن قصـتـك للمـراجيـح

على بالي طريت وكيف ماتطري على بالي=وأنا اللي مستحيل أنساك في حلك وترحالك
على بالي تجي غالي وترحل دائمـاً غالـي=عزيزٍ عزك المولى وصار العـز مدهالـك
تدلل دامـك الأول ودامـك يابعـد حالـي=وهبك الله مشاعر مـن تخيـرك وتعنالـك
تعال ولايهمـك هـرج عذالـك وعذالـي=تعال اجلس قبالي لاتكـدر صاحبـي بالـك
ترى ماكل شخص استقبله وأشرحله أحوالي=ولا كل البشر عندي مثل قـدرك ومنزالـك

هن حاجتين اللي تؤدي دائماً إلى الجنون=ضيم الليالي والحبيب ليا بخل في كلمتين

نخطي ونذنب ونتحجج بالاقدار=ياقدارنا ربي يعينك علينا
نستر وراك الذنب ونقول باصرار=العيب فالاقدار ماهوب فينا
حنّا كذا نضعف بسرعه وننهار=كن الزمان لوحدنا مبتلينا
يا طيبنا يوم انتسابق بالاعذار=وياسرع ماننسى الخطا لابغينا

مـ أقـول أحبه الا أنا ميتن فـيـه=وشلون ما حبه وهو راس مالي
وليته كثر مـ أعشقه وأهواه وأغليه=مايقطع اللي باقين من حبالي

لميت جرحي واحتضنته وسافرت=ما للوداع بخاطـري غير تجريح
ودي ولكن انصدمت وتصبرت=واقفيت اشد اخطاي بالغصب لا اطيح
ما هو جفا انا وفـي ما تغيرت=عقب الوداع فراق ما هو بتلميـح
ياليتني دمعـة فراق وتبخرت=لا احساس لا وجدان لا قلبن يصيح

فقير حظ وراس مالي ثيابي=وأبسط طموحاتي تهز أعمدتهم

فاتح لهم قلبي وطيبي وبابي=وعيونهم قبل الحكي فاضحتهم

قالوا وقالوا واشبعوا بأغتيابي=هذي نواياهم وذيك ألسنتهم

حتى وأنا اتألم وأموت فعذابي=دمعات عيني بالحزن فرحتهم

مدري القصايد فيك وش ممكن تكون ؟!=لا صرت صفحة بالغلا مالـــهــا طـــي
ما أبيك تسأل كيف أنا أغليك وشلون ؟!=الحب كله فيك أنا أشــوفــــه شـــــوي
يكفي أشوفك كل شي بــهــــالـــكـــون=ويكفي أشوف الكون دونك ولا شـــــي

الصبـح ودّع و المـسـا يحضـن الشـمـس =والارض تنـزل والسـماء تـرتفـع فـوق .. !!
عـيـني على بكـره وقـلبي مع الامـس =فيـني تنـاقــض ما لقـيتـــه بمخـلــوق .. !!

تـــدري وش اللي يجبـــر القلب يسكـــت=أنه عسى اللــه يصلحــه ]ميــــــت(ن) فيــك

لا مرني طيفك الساحر تنفسته=وخليته يجول وسط الروح وارويته
وفتحت له شرفت الخافق وسكنته=وخليته يعيش كنه ساكن بيته
لو يطلب الروح والله ماتخاسرته=جعلي فدا بحته لادق ووحيته
ولو حاولوا يبعدوني عن مقابلته=قلت اسكتوا خاطري يرتاح لا جيته

ماهو مطر هذي سوالف من الغيم=سالت خدود الارض ساعه قرتها
محتاج اشوفك حاجه الارض لديم=ارفق على ارض غيبتك دمرتها

يابرد قلي وانا في هاجسي غارق=النار هي في الحطب والا ورى ضلوعي

تدري وش اللي رفع بالحيل مقدارك=وخلاك تسوى جميع الناس بعيوني
وخلاني انشد عن اول واخر اخبارك=والوم منهم على حبك يلوموني
واقول للي يحاول يكشف اسرارك=تبطي عظم ماكشفت اسرار مضنوني
انه على الصدق دوم يسير مشوارك=بيضت وجهي وخابوا من يعذلوني

اعشق طيوفك ياسحابي وانا جيك=و اعشق سواليف المطر من شفاهك

لا يزعجك صمتي ترا والله اغليك=وترا الغلا ماهو بكثر السوالف

ياما كتبت اشواق في بعض الابيات=اطرب على شعري والا حساس فيني

شوقي سفينه والمراسي عيونك= في معمعه فكري تلاقي لك بلاد

جدك ومزحك والزعل والمشاريه=ياحلوها لو هي ترا احيان مره
مادامها من روح قلبي وغاليه=احبها لو كان منها مضره