ماضقت لو ضـاقت بي الأرض لأني=شفت بـ حيـاتي شي ماينحكى به

إلين صرت بـ واقع العمر كنــّي=إنسـان طيـّب عايش بـ وسط غـابه

حمامتي غنـّي على الغصن غنـّي=ماعاد في دنيـا الغرايب غرابــــه

ماعدت اشره حتى لو خاب ظني=و فهم السؤال يكون نصّ الإجابه

كل درب امره ليه مثلي حزين=مدري الناس والا الناس لي جابته
صدري اللي عشانك ممتلي ياسمين=كل الاحزان صارت داخله نابته

ياليتني قبل اعرف اركض تعلمت اطيح=لجل اتقي شر عثراتي واعاف الوطا
ياليتني قبل اعرف اتعب عرفت استريح=عشان ماتوجع دروربي ثقيل الخطا

يسعد صباحك بالمطر والتباشير=ياللي عيونك لي مثل يوم ميلاد
كل يوم وانتي يابعد عمري بخير=وكل عام وعيوني وقلبي لك بلاد

يسعد صباحك بالمطر والتباشير=ياللي عيونك لي مثل يوم ميلاد
كل يوم وانتي يابعد عمري بخير=وكل عام وعيوني وقلبي لك بلاد

يسعد مساء الشعر من راحتينك!!=إذا إنكتب وقلوب عشاقه جياع

وإن جيت أسولف مآذكرت ألآ الريآض= كن الحكي مآبه حلآ من دونهآ !!

يفز من غصني آليـآبس حمـآمة سلاآم=و تطِيب نفسي مِن آلشكوى و كثر آلعتب
مرآت أحس الزمن مـايستحـق آلمـلام=ومرآت يصعـب علي أحزن بليـآ سبب

ياكثرك بعيني إذا جابك الشوق=وياقل كثر الناس لا غبت عني

يالعنبوا دارك غـدا دارك الموق=حتى عيوني لا نسيتك بِكني

صحيحْ بعضْ آلسّوآلِفْ مآلهآ دآعِيْ=يآليتْ منْ قآلْ له كلمَه يثمّنها


تدرِي وش أسبَآب ضيقِي وأغلَب أوجآإعي=وجيـه مآتسستحي وأنآ أسستحِيْ منهآ

القلوب المريضه جعلها للمرض=بجحرها ما تحرك ولو تحرك تموت

جعل منهو شتات الناس عنده غرض=جعل حلقه يجف ولا حكى دون صوت

لا رفع صوته عليك إنسآن مآيسوى حذاك=اعتبر صوته مجرد قرع نعلك في الطرريق

اما على ضو القمر والا بلاش امن النجوم=الذنب مو ذنبي انا كلن على تربايته
عزيز نفس وعزتي ماهي على حب الخشوم=اجبر خفوقي ينثبر ايلين ياصل غايته
لاطحت انا كبوه فرس اطيح لاكني اقوم=الموت من طاح وخثع كسّر واهو فبدايته
ياهيه قولوا للغضي تراه غالي ومحشوم=لايفهم المقصود قلبي جا يسلم رايته
لاواللذي خلا غلاته في خفوقي كوم كوم=ماجيتله كني طفل يبكي على لهايته
جيته كريم وبنصحه ياهيه بس يكفيك نوم=رحتني واليا متى واقول هذي فايته
اصد ماودي الومه وانصدم بأنه يلوم=غريب اي والله غريب ولاعرفنا مايته
المشكله بأني احبه جعل تفداه الرخوم=ودي اعالج خافقه واعرف وشنهي حكايته
حبة غلا قبل الزعل والثانيه عند اللزوم=شهرين يبقى عالدوى لما نشوف انهايته
ياهيه قولوا للغضي عن شي (ن) فبالي يحوم=واكيد ماشال الكتاب الا يعرف اقرايته
واكيد لله الدوام وغير ذاته مايدوم=والله عرف بالعقل سبحانه منزّل آيته
عزيز نفس وعزتي ماهي على حب الخشوم=الذنب مو ذنبي انا كلن على تربايته

طبطب على كتف الزمن يمكن يروق=يمكن زمانك يختلف ويتعدل
أضحك ولو ضحكات الأيام من ضوق=كم حال من حال الليالي تعدل

موجود فيني ماتعديت قلبي= يلي كثير اكره معاني غيابك

بعض الغياب يعلمك كيف تشتاق=وبعض الغياب يعلمك كيف تقسى

شَي بَصدريَ ليَ زمآنٍ مخبّيه=ودّي أقوله بَس وشلونَ أقوله .!
أخآف لآجيت أتكلّم وَ أبديه=يفهَم علىَ مفهومٍ مآهو بـ حولَه

احتياجي شي ماكان اختياري=من متى والغصن يختار الطيور

الف بسم الله على مترف زمانه=المرض مثله مثل غيره يبيك
والمرض معذور لو اني مكانه=كان اخلي كل هالعالم واجيك

قبلك ايامي وش ايامي جفاف=جابك الله وامتلى عمري مطر
صرت احبك صرت اشتاقك واخاف=من غيابك من ظروفك والقدر

انت يلي بالمحبه في خفوقي تلهو=لا تضايق لا نسيت الموعد ولا جيتك
يافديتك يارجيتك جل من لا يسهو=لكن اصلا كيف اجيك وجوف قلبي بيتك

صباح الخير ياكلي وبعضي واخر اشواقي=صباح الخير لو قيلت لغيرك مالها قيمه

لو تدري الناس وش في خاطر الساكت=في ذمتي مايلومونه على سكاته

ماهو الوحيد اللي بهالكون عايش=لكنه اغناني عن الكون كله

لا طَاح من صَدرِي عَتَب " مَا حملته=طَبعِي كذَا أعتَب / وَلا اعرف أشِيل
و اِذَا شَعَرت بِ شَي مَا ابِيه قلته=و ان قلت , اقُول من العَتَب شَي مَا قِيل

مَدّريْ هيْ آلصْدّفه تسْوُق آلقدّم سوُق=وآلآ إنهَآ أقدّآر آلمحَبه : توُآفييق

أشتآآق لك مآهي عبآآرة وتنقآآل=شوقي لوصلك فوق مآآ تدركينه

لآ تفسر كل صمتي لك جفآآ=الغلآ مآ يشرحه غير السكوت

في غيبتك تزداد الاشياء صلافه=وفي غيبتك ياكثر ماينكشف لي

لو كل واحد شعـوره فـي نظـر عينـه=كم واحد الحزن يعرف به و ينسب له
لـو بيٌـن الحـب فــي هيـئـة عناويـنـه=حزنه و شخصيتـه عيـت تناسـب لـه

ما ذبحني فــالحياه الا غرامك=و ما جذبني لــ الحياه الا حنينك

للحب لذه في عيون المحبين=وانتِ بـقلبي لذة الحب دايم
خطوات رجلك تستثير الرياحين=وانفاسك ألطف من عبير النسايم
صرت اشعر ان الناس بعدك بعيدين=يا اقرب لي من الحلم لـعيون نايم
سنين اقول الحظ وينه وانا وين=كأني عن الفرحه من سنين صايم
و من يوم جيتي قلت يا فرحة سنين=من طول الغيبات جاب الغنايم

إضمن لي انك تشبع القلب بـالحب=وأضمن لك انه ما يشاركـك غيـرك

مانيب مسؤل عن شرهات خلق الله=هالوقت ياصاحبي من يحصي هباله
ياكثرهم لو بحاسبهم عن الزله=وياقلهم لا حسبت الوقت وافعاله