|
|
|
ليست الكتابه سلاح هجوم انما الدفاع قد يخطى المراء مره ومره ولاكن ماأجمل أعتراف بأخطاء من الشيم الكبار
|
البوح والصمت
مايدعينا البوح هووووووووووووو عدم معرفه بعض من الاشخاص ماذا يفعل عندما يخطي هناك حل يسمى اقتلاع المشكله من جذورها عندما يقف الطريق الى حلول عقيمه ليس من كثرتها وتعمق بها حل الا انها طريق مسدود لاحل له ماعاق البصيره نظر قلب عمي عينه تشوف وقلب مافيه أحساس النمر1012 |
|
|
حي الحروف اللي ذبحني غلاها وحي الغلا لو الليالي عنيفه تسريبي الاشواق يردف عناها هم ٍ يصافحني بذكرى عفيفه أدري بها وأدري عن اللي حداها أدري عن اللي في خفوقه خليفه |
|
|
يامعالج الجرح صبري واصلا ً ماده
وعلاج قبل امس زاد الجرح ماسرّه احرجتني في سؤال مااعرف ابعاده والناس للناس محتاجه ومظطرّه اخفض جناحك ترى دنياك حداده وترى سليمان قبلك خاطب الذرّه وجرحي ترى مايبي دكتور وعياده يحتاج قلب رحيم ونظرة حره وان كان جرحي بقى والطب مافاده اعود وانصحك ياقلبي مية مرّه لا عاد تحلم بشي فات ميعاده قد ايش تبكي وكبدك ليه محترّه اصبر على ماقضاه الله وماراده يكفيك فعل الزمن بمحمد الدرّه ويكفي من الوقت خمس عقود وزياده ماعاد خلت بكبدك قطرة مرّه وان قلت انا في زمان فات لي عاده دارت رحاة الزمان وجتك مفترّه ريح ضميرك وخل الوقت وجهاده لعل خير الزمان يفك من شرّه |
فانْ ضاق صدرك وسّعه ياشيخ .. واقلبها ضحك
معْك الحياه بتبتسم بس انْت الاوّل "إبتسم" |
ياشمس بالله عجلي نوريني
اظني اشوف السفر والهداية دنياي صارت مثل كف البخيلي وجدت منها ما يكدر صفايا وانتي بركن العرش مالك مثيلي فيك البها والحسن ياشمس غايه نورك جميل وفيك ظل جميلي لولا شعاع النور اظلم سمايه الظل لا ملتي يطول ويميلي ان غبتي ايه وانتي جليتي آيه بامشي بنورك وان لقيت المقيلي بارتاح بالفيه واسجل روايه تبقى على مر الزمان الطويلي فيها ابتدي قصه بليا نهاية |
أشهد أن السعد كلّه قد تغيّم في سماك
وليت يا غيمٍ أحبه تمطر اللي يستقيك كل ما ليلي تهادى غلّفه صمته وجاك لين له تعزف بهمسك نغمة الحب الشريك لك أغني كل شوقي لي تمنى ملتقاك وأشهد أن الشوق كلّه جل همه يلتقيك |
رسمتك في الأمل بسمة وطير المنتظر شلع
اثر نار التحري تحرق اللي في سناها واق ترى قلب المعنى من غلا الغالين متولع وليله من عنا الاشواق والحرمان ماينطاق لو ان الحظ لاطفاسراج الوصل ماولع مصابيح الجفاماحن قلبي لك ودمعي راق على سبر الشقاوي لدة المقفين ما طلع نتاج الشوق وايام الشقا والخاطر اللي ضاق فزع قلبي وجوفي من غلا المبطين متشلع عليه اخلاف من ضيق الضلوع ولهفة المشتاق |
ذكريني في قلوب اهل الوفا واهل والنقا
واذكريني لليماني واذكريني للجدي واحضنيني في مماتي بيني وبينك لقا اذكريني في مثل شرواي لاجاك ايعدي |
القلب لك منساق والروح تنساق
الروح ماتسبق وهو ماسبقها متواكبينٍ بالمسيره لك سباق لو كان بس .بسانتي مافرقها يافرحة المشتاق والصدر لاضاق ترى حياتي كلها انته عبقها حبك مهو توضيف في فترة إلحاق والقلب كل كروت غيرك حرقها انا اشهد ان الحب راعيه مافاق وبحور شعره من غرامه طرقها |
للشوق جرح تذوب الروح بإحجافه
وسط المحاني زرعته وأنت خلاني طعم الفراق المر والجوف ميلافه مع جور وقتي نصيبي منك تنساني |
ويش النظر في مريضٍ عمست اطبابه
دخل بروحه هوى ناس وعلعلها من دونهم واحد واقف بمشعابه ماتهمه الناس لو كثرت مشاكلها لو انه يسمع ويوحي مابلشنابه يمكن مواضيعنا نقطع جنازلها لكن بعض العلوم تثور اعصابه يظهر خفايا العوارف نطق جاهلها |
اوضح من الشمس مايحتاج احللها
من صاحبٍ ضاع وقته ماتهنى به والوقت محسوب للناس ومشاغلها وانا احسب انه منول عقل اركابه وكفاه من ماضي الدنيا بهاذلها واثره تعب فالطريق اللي تعبنا به لو كان يضحك مرض روحه مطاولها بلاه ربي بمخلوقٍ تلوا به ومن دونه الناس مايقدر يعاملها هذا الذي صار له واخاف يغدا به لاهوب خذها ولا وقع تنازلها وجلست افكر بمشكلته وماصابه في مسرح الفكر اصورها وامثلها لو ان ابه عذر واضح ماعتذر نابه |
ناسٍ تشوف المدح بوجيههم ذم
وناسٍ تدور مدح والذم فيهم وناسٍ تبي شمل المحبين يلتم وناسٍ يجي شيطانهم يغتويهم وناسٍ تعيش أفراح ، وحياتهم هم وناسٍ تحزّن ، والفرح في ذويهم وناسٍ متى تحتاج يفدوك بالدم وناسٍ على حاجتك مدو يديهم وناسٍ على الدعوه يلبون لك سم وناسٍ تكرر دعوتك تحتريهم وناسٍ تثمن حكيهم داخل الفم وناسٍ تثرثر والغلط في حكيهم وناسٍ معك ما تحسب الكيف والكم وناسٍ على السومه تجي تشتريهم وناسٍ تصاحبهم ولا يوم تندم وناسٍ تحس بنقص يومك تجيهم الأولين اقبالهم يكشف الهم والاخرين أحذر تجي تحتويهم |
إن كان ماحدك على وصلي الشوق
فارق وأنا ماني بحاجة وصالك أنا غرامي لك مثبت وموثوق وإلا أنت حبك مايلٍ ومتهالك عطيتك أغلى شيء في كل مخلوق قلبٍ كفخ من وسط صدري وجالك وتركتني في زحمة الحزن مخنوق وأجمِع أعذار ٍ كذوبه وفى لك وأقول لا ماينقض العهد ويبوق وأقرب رفيق لي يقول العزى لك ذبحتني وأصبحت لي بالهوى عوق وأتعبت تفكيري ولاني ببالك |
خلوني اسْج في حالي ومع حالي
ماوالله ارتاح لين اسج هاالسجّه آسج لي سجةً تبري غثاء بالي لاجاتني صرت مدري وين متوجّه بس المهم ابتعد عن شر غربالي والعالم اللي سوالفها على الدجّه ناس تجيب الهموم وتنبش السالي اعلومهم عن طريق الحق معوجّه تضحك بوجهً بشوش وقلب محتالي على النمايم وحش الناس ملتجّه البعد عنهم هنآي وقمة آمالي لوكان ممشاي مع دربٍ خلاً فجّه ارتاح وانثر همومي في خلاً خالي واعلْم الدرب كيف اقدامي اتسْجّه واعْلم الكيف لاسوّيت فنجالي اضلوع صدري على طاريه منفجّه واعلْم الليل لاغنّيت موالي بإن الهواجيس وسط الخافق اتخجّه واعلْم الغيَم مايحْصل ويجَرالي احلام عمري سحايبها غدْت عجّه مابين حلمٍ قديم وحلمي التالي ماعاد ياحلمي الوردي بقا حجّه |
وعطني على نيتي في وجه عذالي
اللي على غيبتي تلقا لهم لجّه ماهو بهمي وانا ماشي على فالي مقصودي الطيب لو سجّيت لي سجّه |
قصته قصه ... مالها... اي عنوان
قصه غريبه في حشاي محكومه من الطفوله ...مانطقته ..بديوان ولاجيت ... سيرتها وخافي علومه كتمتها في داخل القلب كتمان وخليتها لاهل ...المعاني خصومه |
أغيب وكل ماحاولت ابا احضر ما قدرت اشوف
وقدرت اشوف وشلون الغياب يحاول حضوره ورحت اسأل متى اشوف الليالي: لونها مخطوف عشان ارتاح من صبح ٍ بخيل يشح في نوره |
جَرَح طاري هدبك البارحه.. والناس مجتمعين..!
سكتّ..! ولا سمعت اللي عذلني غير بعيونه..!! يلوموني .. وانا احب الملام اللي عشان اثنين : عيونك .. والصباح اللي أشوف ومايشوفونه وبكره : صباح النور.. ياوجه الصباح اللي يجي بالخير..!. طويت : البارحه* ، والنايمين، وصفحة عتابك . عذرتك.. قبل ماهدهد غيابك من هدبك ،، يطير وسبقك من السماح اخضر على"عرش" الغلا جابك..!! حبيبي ... ياهلا والله بحبيبي وافي التقصير عدد : ماعدَوا اصحابي وراك .. وغاروا اصحابك . يسومون "العطا" ب اسم "الخطا" في كفة التبذير خطاي ..! ولا صوابٍ ما يوصّلني على بابك.!! أنا فيني تعب ، فيني عتب ، فيني جروح اكْثْير ، ولا فيني أكمّل مابقى فيني .. من غيابك.. ولا فيني ... |
حب الشقا تعذيب دقه وجله
لوأخلصوالك في هواك المحبين إن ماصفالك في غلا الود كله بعضه حزن والبعض للروح حزنين إن ودعك خلك بالأوداع قله مع السلامه من غلاكم سليمين إلياسلم راسك إمخليك زله وإليا صفا الغالي على الراس والعين غالي ونغلي من غلاهم هل له والخل واحد مانهاوي خليلين بعض الغلا ياشين طبعه ودله مثل السراب بقيعة للمراعين مايروي الظميان حلوه وحله لوهوحلال حرم شربه حرامين برق ترى ذوقه للأذواق عله دورعلى الحالي لوالحال حالين حال بحال ونوب حال تحله لوعقدة المعقود تثنى إبعقدين ربك يحل العسرباليسروالله الله إيدبرها لك إيسارويمين |
قلبي شتا وإن جيت ابطلب ربيعه
قال العفو ماينفعك من نفعها مابحت سري لا ولا قلت اشيعه حتى /الجروح// اللي بكت من وجعها ماجيت ابنثر لك همومي ..صنيعه ولا اعترف باللي عشاني صنعها كل الهموم اللي تخالط جميعه ياما سألت وقلت من هو جمعها لكن جزاء //المعروف// معروف ذيعه سبعة //كفوف// وطبعة ..اليد.. معها ادري سنين الهم عنده سريعه و وصل ..الرحم.. ياويل من هو قطعها دامي شريت الود مقدر ابيعه والله لو تكسر يديني طمعها ماقلت شيٍ غير اسوي واطيعه وإذا شكيت هموم قلبي جرعها |
تحت أمرك كلّنا .. عسكر نظام
.......... ما نخالف لا , ولا عنّك نحيدي ابعد الهقوه عنِ عْيون اللئام .......... وانتظر لين الرجا فيها يزيدي قلت أغني والغنى ما هو مرام .......... وان توقف شيخها تقلب نشيدي وردة أفكاري وديدنها هيام .......... روّضت متمرّدي وافكار كيدي |
عذوبة النيل منها لا بدت تحكي
تقطر على اذان سامعها وموحيها واشيب عيني انا وشلون بوصلها واقول اشياء لها مبطي مخبيها إي بالله إني عشقت وهمت لكني أخفيت عنها خفوقٍ بات يبكيها |
الصديق يفوح مسكه..والعدو نفًاخ كير
واللي ما يعرف مقامي ما علي من قيمته اقدر آميًز عدوي من صديقي فالأخير فرق بين اللي ضحكلي..واللي يصنع ضحكته |
لا لا تعاتبني على طول صدي
والله ماصديت عنكم قطاعة لو هي على كيفي ولو هي بيدي إن كان مافارقتكم ربع ساعة أمر بابك وأنجبر بالتعدي وفي لحظة الفرحة تصير إنفجاعة بأقبالتي نيران قلبي تهدي ولأقفيت عن بابك يزيد إندلاعه لا صار ما جدك قريب ٍ لجدي ولا لي بحي ٍ تسكنونه جماعة أخاف ما بالمال وصلك يسدي إذا دخل بالسر خبل ٍ وأذاعه ثم صار ذا يأخذ وهذا يودي وربح الجراد وخسر راع الزراعة أخير منها ,,,وقفتي ..عند حدي ا لتاجر أبخص في خراج البضاعة |
إقمع الجهال واضرب فى الصميم
وشاور العقّال وأهل ألاختصاص لوغدى العاقل مع العاقل خصيم سيقت شيوخ القبايل للقصاص |
شفقٍ على غاية مرادة وملهود
واللي يرده عن جراته سحاوه تقول كن قدامه الدرب مسدود وهو على فلة حجاجه مناوه وما بين جزر ومد و أنزول و أسنود حجم المساحة ما يتحمل قساوة معذور يا قلبي ولا فيه منقود إليا لقيت اللي يخاويك خاوه ما دام للموال معنى ومقصود غنا عليه القارحي والعلاة |
يا قلب لا تحزن ترى الوضع عادي
خلك طبيعي والليالي مدية عقب التحري جاك علم ٍ وكادي وبانت لك أسرار ٍ من أول خفيه لاشك خل الوضع يا قلب هادي لاتكشف الدعوى وتصبح قضية يضحك بها سن الحسود المعادي ويندم عليها كل راعي حمية أخفيتها في الصدر داخل فؤادي وصديت عنها كن ماهي بليه أدرى كبير القوم من الأنتقادي وأدرى العزيز من العلوم الردية |
هذي سوات الوقت حر وبرادي
دايم كذا مابين شمس ٍ وفيه مأكل من جاله برائي ٍ سدادي ومأكل رامائي يصيد الرمية ولا كل من سمع الدروس أستفادي ولا كل سراح ٍ يحفظ الرعية |
ياللي كتبت السين عندي مائة جيم
اسئل وإﻻ منك سئلت استمع لي بعطيك من مر الصراحة تعاليم ويبرهن اللي كل ماقلت فعلي |
يسعد صباح الكل مدري مسا الخير
وشحالكم وشحال كلاً وحاله يامرحبا يا ذا الوجيه المسافير ترحيبةٍ تاخذ من الما زلاله |
ياعابر سبيل
الحض ماجمل حياء أخذتها من باب جد مادور فيها مزوح |
قدرك عليّه حق وارضاك مفروض
وغلاك من بين الحنايا قبرته ماودي ابْحر معك في العلم واخوض اخاف لاذكر شي ماقد ذكرته بيني وبينك سر غالي ومحفوض وقصر الوفاء بيني وبينك عمرته وانا على رفقتك فائز ومحضوض وورد الوفاء على مكانك نثرته اللي علاقتهم بلاكذب وعروض يبقى الغلا من بينهم زاد كرته صحيح دنيانا توافيق وحضوض وانا على شرواك ياما انتظرته |
| الساعة الآن +4: 09:13 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
