سلام الله على الاصحاب لو جو البسيطه ماش=نجوم الليل مع ضوء القمر والشمس ملقومه
الا يالكابتن الطيار تكفى ودنا مغباش= على الطياره اللي في سماها تقل عيسومه

هلا يامرحبا ترحيب صادق من عميق الجاش= مثل ترحيب يعقوب بلقاء يوسف ومقدومه
توكلنا على الله والمعاني صرفها بالكاش =يحل البيع بجزل مفرده من قبل لا تسومه

يدوم ابك البقا ياللي ترحب والكبود عطاش=على شرواك ياللي ياخذ الراوي من علومه
ترى راع القراوي في قراه وراعي الادباش=لديهم ياوسيع العرف باللي قلت معلومه

تبيها ديم والا سحب والا ودك ترشراش=انا ودي تخير من ثلاث خيار ديمومه
لو اعلومك قبل لا يطلع الجوال قلنا عاش = لكن هلون ضيقت الصحيح وضاقت اهدومه

اخاف ايصبك اللي قال مابراس الغزال عراش=ولانكسب من الراوي ياغير احداه وحلومه ههههه
ليامنه دخل فكرك سوالف عمك الغشاش=تعود طايرة كبتن فريق الشعر منجومه

انا ما اعرف علم الغيب لكنك علومك ماش =ليا طاح الغزال المسك في دمه وحلقومه
مدير المدرسه ما ينزعج من هرجة الفراش=لحيثنه ليا منه زعل يعطيه مقسومه

دخيل الله لاتاخذ مواقيف العباد ابلاش=ترى هذي على شرواك محسوبه ومحسومه
انا اشوفه ضرب عندك ياكابتن بالخيال افلاش=تريد الصدق ياكابتن ترى روياك معدومه ههههه

يقولون البدو ما ضيقة الشوكه من المنقاش=لكن الشوكه انكانك بغيت الجد مسمومه
اشوف إن السماء صافي تقول انته علينا غطاش=وليا منه تعادكم نظر شرواي لا تلومه

سمعنا قبل لاتقول المثل بامسلسلك ياطاش=ترى جرتك ياراع الجريمه ماهي مدهومه
غرور الوقت لايخليك ترقد ماتحتك فراش=تمعن باالمحيط اللي وصلته قبل لاتعومه

عسى تسمع من الامثال اميلح عارض الطراش=علامك ما استفدت من المثل حكمه ومعلومه
معزب يامعزب لاتنوش الجمر ما يناش=علينا لا تزرهب جودت الابيات مختومه

اعرف مليح لامنه زعل عند العرب يهتاش=ترى هذا المثل عليك تركيبه ومنضومه هههههه
هبوطك في ماقلته لجل عن معنى الهدف تنحاش=ترى العالم تعرف اللي نقوله ماهي معدومه

عميق الجرح ما ينفع به التعقيم والا الشاش=اثرك من العريب اللي بحد الشعب ابو دومه

بعد ما بانت الصوره نبا نبيع الذهب ببلاش= عشان الناس ما تقسم للمعطيه ومحرومه