تكفون خلوا هالقسم بس لأثنين=(واحد) غلو عيني و(الآخر) كذلك
،’
(واحد) بعيد الدار في (حروة الصين)=ويشر على قلبه يقول ان ذا لك

حامض على بوزك ،،، أنا أهديك فرقاي=لو تجتمع كل البشر ماتركتك

اللي كسر ضهره جحود القرايب=وشلون يستأمن سكاكين الأقراب

ماني بطيب لا عاد تقول وشلونك=احوالي الطيبه فرحك علامتها

الركن هذا عشانك شوف سويته=أجمع كل كلامي فيك وآحطه
عشان لا هزتك الأشواق مريته=وأشم ريحك (حبيبي) فايح بوسطه

هي خمسة أعوام مرت والغياب الغياب=وطيوفك آخر ثلاث سنين قامت تغيب
رحتي ،، ورحت ،، وتسكر بيننا ألف باب=الوقت ،، والبعد ،، وظروفك ،، وسطوة رقيب
أول سنه قلت : لايمكن يطول الغياب=بكره بنرجع بـ / فرحتنا خبيب لـ / حبيب
ثاني سنه : وسط واقعنا نطارد سراب=نصف الأماني تخيب ونصفها ما يصيب
ثالث سنه : ضاعت أخبارك وهاك القلب ذاب=قسمة هوانا توارت في دروب النصيب
ورابع سنه : والسؤال يموت قبل الجواب=تتذكرين الغلا ؟ والصمت وحده يجيب
وخامس سنه : ياترى جرحك من البعد طاب=أما أنا تبطي جروحي وهي ماتطيب
(،،،،،) أحبك لو يطول الغياب=لكن طيوفك عن عيوني وراها تغيب

يآ مكثر الضيقات بدروبي بعدك=وندله النسناس ودروب الفلا
وين أنت ؟ دورك الخفوق ولا وجدك ؟=ولا جاز عنك ،، ولا أستخار ،، ولا سلا

بعض الحكي يوجع ولوكان حرفين=وش ينفعك لا من حكيت وتندمـت !!

واجد جـروحي بس والله غاليـن=من كثر ما اغليهم الا شفتهم قمـت !!

جرحي ليا اقبل قلت ياجرحي اهلين=معروفه اني من عذابه تعـلمـت !!

وإلا زماني لو ضحك عارفه زين=ماهوب يبطي لو بوجهه تبسمـت !!