|
على طول المدى يستوفي الطالب من المطلوب
يحسب أحسابها راعى الجواد اللي مدربها يحصلها على بيض الورق في سطره المكتوب ليا منه قراها بيتذكر يوم يكتبها |
أهنيك يا دكتور وأقول لك مشكور
إذا كانت الأوضاع هذي حقيقية ولو شفت لك ردة فعل قلت لك معذور لأن فطرة الأنسان قدرة إلهية تميل النسايم بالغصن والدمي تفور لها نسبة تقريب سبعين بالمية لكن انتبه لا تطب في الموقع المحظور وتقع ليا طبيت في إيد الحرامية ترى اللي يسطر في الصحيفة ثلاث سطور ويكتب على سطره عبارات وهمية يقولون موج البحر يثر على البابور تصلفق به الأمواج والريح سطحية ويقولون سحر البابلي يلحق المسحور خصوصاً ليا من صار فيه انسيابية |
لا توجه لي رسائل ترى القرائي فيه
يفهم المضمون من كل حرف (ن) تكتبه ايه ثم ايه ايه ثم ايه ثم ايه ايه و ايه وضعنا مكشوف يا صاحبي مير انتبه لاكتبت الحرف في جملتك خلك نبيه اعربه ثم علله علله ثم اعربه لين يبلش كل متطفل وبدري عليه يفهم ارموز النغم في لحون المطربه بس أنا بعاتبك ليه ليش وليش ليه يومك اتبعد غريق الهوى وتقربه ساعة (ن) يفهم من اسلوبك انك ماتبيه وساعة من كاس عذب الغرام اتشربه أه ويلي منه و أه أه يا ويلي عليه مير حال البعد من دون داره واعربه والله اني عند عهدي وعهدي بحتميه كلمت الرجال لاقالها مثل اشنبه لاكن انت اللي عليك انتبه خلك نبيه انته ثم انتبه و انتبه ثم انتبه |
النار لوما طفت ملّة حطايبها
لابد ماجمرها • صلف الهوا يشبّه عديت مرقاب والجوزاء اراقبها كلما غفت لا سحبت القوس تتنبه أحيا إذا الشمس ماتت في مغاربها الليل هو صاحبي وكيفي هو الهبة أسمر مع النجمة الي سنين طالبها وإن نمت عنها تصير عيونها غبّة لوهي عطتني خذت حزني ومات بها ماصار فآصابع همومي تلاعب به دنيا ليامنها ناخت مراكبها تغر من يمتطيها ثم تقلب به غدر الليالي وتقلبها مناقبها ماخلت الغر ولا الي الشيب لاعب به الي تبعها فلاهو بيوم صايبها والي تركها مخالبها تنشّب به حنا إن سلمنا من الدنيا ومصايبها مانسلم من الخلايق كل ٍ بقبّه الناس متعادية حتى بقرايبها من حب عمه بصغره لا كبر سبه يا راس خلك من الناس وحرايبها قرب البشر كنه الطاعون تقرّب به مانيب خبل ٍ فلا يدرك سبايبها العلم خافيه أعرْفه حيل وآحبه |
قد يكون عدم الفهم هو سبب في الخلاف أحيان ولاكن ماجمل الصمت عندما يكون بالبوح جرح
النمر1012 |
يقولون من لبس الكبر ينزعه مهدوم
ماغير الله وغيره من الخلق مهدومه الاوجد حالي من غدا له رفيقه قوم تزايد عليه هموم والكبد مصدومه هما الواطي الي كل يومٍ يجي بعلوم هو الي عثى بين المخاليق بعلومه تبين عسى مايلحقك من رفيقك لوم وترك خبيثٍ يزرع الخبث بلغومه |
من عادتي اكره وداع وتواديع
من شان ما أضيق صدورً وسيعه طبعي كذا وان طاوع الوقت ماطيع ماأطيع لوهو سنةً بالشريعه مابه شبيهً للموادع سوا اللبيع ومن باعله غالي لزومً نبيعه ياكيف ترضا ذا القلوب المناصيع بموادع الغالين لجل القطيعه كلً ونفسه تدفعه للتواديع حتى الثرى طبعه يوادع ربيعه |
أضحك معَ السالين وهمومي ثقال
ما هو لأجل ينقال لي : سرّه في بير لكن طبوعي كسءرها صعءب المنال فيها شقاي .. وعزتي .. وأشيَا كثير |
باقي من الذكرى بقلبي توالي ...... عهدا قديم واتعبتني تواليه
صحيح راحت بالسنين الخوالي..... واخفى الزمن زوله وبدد معانيه لكن بقى بالعين نجم الليالي ....... وشعاد وان جف الهوى من سواقيه ماعاد فاله بالزمن صوب فالي.......ماهي امانينا وماهي امانيه ليه الطيوف اللي تجيني لحالي.....فيها كدر قلبي وفيها تواسيه |
الصبر مفتاح الفرج والله يعين الصابرين
والله يفرجها معي والله يفرجها معاك حجة غياب بلا دليل وإلا دليل بلا معين تواحدت كل الفرص واللي عطاني ماعطاك شفت القدر ياصاحبي قاسي ولا أظنّه يلين ورضيت ماجاني كدر كله على خاطر رضاك غلاك عندي مثل مجرى الدم فيني والحنين وإلا مثل سرب الهوا اللي على شفاتي غلاك البارحة نفسي شقى والحظ عيّا لايزين أوقات أصبّره بخجل وأوقات يزيد الإرتباك وأحيان مافيني وهم وأحيان تغريني السنين وأحيان أحس إن السنين اللي تواسيني هلاك ماهو فرح لا الله إلا كل مافيني حزين إلين صرت أحس حزني داخل ضلوعي ملاك ونيت مافيني قهر إلين مليت الونّين وصديت أعارض للهبوب اللي حمل ريحة هواك سعادتي قربك وقربك لي حنين(ن) من حنين الله ياكبر الفرح لاصرت عايش في مداك أبيك تسمع من كلامي كلمتين بكلمتين وأبي تغرد هالحروف الأبجديّه في شفاك وأبيك تحظنّي غلا ..ويضيع شكي باليقين لأني عرفت إن الفرح لاجات من فوقي سماك هذي خلاصة غايتي ياغايتي والله يعين خذني على بعضي كذا وأبيه يحظنّي وفاك |
بين الأماني المقفيه و الذكريات المقبله ..
أمشي وخطوات الحضور أرسم بها جُرّة غياب أتمهّل إن مرتني أيام الرخا.. مستعجله و اقول لو تقبل علي بالمال : يامال الذهاب قدَرْت أعيش الواقع اللي ماقدَرْت أتخيّله !! مدري أصبت العذر أو في عذري.. أخطيت الصواب بس المهم : إني قدرت أضرب لغيري أمثله.. وشلون.. ما يرجي ثواب الصدق أو يخشى العقاب لا هو غرور و لا تواضع.. كل مافي المسأله.. ياصاحبي.. إني رفضت أحْسِب لغير الله حساب طرد السراب لْمن يحَسْبه ماء.. ماهي مشكله المشكله.. طرد السراب لْمن يعَرْف إنّه سراب !! |
يانفس الصبر لو بعين الهجر هنت*
هزني طاري الشوق و اتبعثر كيانه ان قال انساه...؟ قلت يا انت* مسلم و المحبه ما تعرف ديانه كافر بحبه ولطاري مسماه لنت* واقف مكاني و القاني مكانه طيحي يادموعي من خاطري شنت* ماهو عشاني ابكي عشانه |
كني البارح غريب ٍ سكته سكه طويله
سج رجله لاعزم سجة غبا والا بياني وويش أسوي دام قلبي غيره قلوبٍ عليله قد خذاها الحب وان كانه حداها ماحداني وقد سمعت اللي يقول الغايه تبرر وسيله وانجبرت أحيا بمبدا خلها والعمر فاني قلبي أخضر والحمام اللي هدل واسمع هديله فز له قلبي على طاريك وطيوفك وزاني ويش اقول ان كان مالي عن بياض الطرس حيله لاابتديت أسمع صدا الهاجس وهو بين المحاني ولابديت اضما رعود الغيث والبرق ومخيله ولاانجبرت أرقب نجوم الليل وسهيل اليماني ولابديت اذكر خليل ٍ ماتجمل مع خليله لاغزاه الدمع وجروحه بخفاقه ثماني والقصيد اللي تمادا في الورق لو شد حيله والله انه غارق في الحب وعيونك مواني ووالله انه مايضيّع سكته دامك دليله والأكيد اختارك ويرفض معك واحد وثاني ولو يجيله يسترد الحب مره مايجيله يسترد الخافق اللي راح معك ولابكاني ووالله ان الحب صعب ٍ معك اباحصل بديله ولو لقيت الغير بستانه ثمر والقطف داني ماذكرت الا انت ياعطر القصيد وياخميله لو تذكرت الرفيق اللي بلاسبه جفاني الرفيق اللي يصب الحقد لويربط صميله قد عرفته قبل يرميني وياليته رماني راح واقفا يمكن انه لاابتعد يبرد غليله والا انا صوب الفعول الناقصه قلبي ثناني وعادة الدنيا ولوتعطي عطاياها هزيله ولاانتظرت الطيب من شخص ٍ مغفل او اناني كل رجال ٍ بدرب المرجله يطرق شليله والردي يبقى ردي لو عاش ب كبار المباني ودامها ميدان كل ٍ يمتطي صهوات خيله والرجل عينه على المشراف لو وقته طماني وأنت ياللي ماقدرت انساك والخافق مقيله في عيونك لارويت الشوف رمشك مارواني لاتصدق ف الف ليله بين يوم وبين ليله الليالي مايله لو جا بها بعض أتزاني ولو يفوح من الفناجيل الغلا بنه وهيله شرط لاعن لمداه وريحته لو ماسقاني ومن لساني خذ قراح الشعر والا سلسبيله خذ قراح الشعر والا سلسبيله من لساني والا انا دوم الغريب اللي مثل عابر سبيله غير غربة عينك الحورا بقت غربة زماني لاتخليني مادام الوقت صافط لي قليله وأن عطاني ماعطيته وان عطيته ماعطاني يمكن اني مارضيت الأخذ من يد ٍ بخيله ولارضيت اركض ورى المقفي عجل واترك مكاني صابر ٍ وآعرف وقتي زين واشيل الثقيله والصبر ماعاب جوع الذيب والهرش العماني والحياه دروب واللي واطي ٍ درب الفشيله لايلوم النفس ويعّود بعد فوت الأواني وان سقط تمر الرجا مااسد جوعي من نخيله ولاهويت أخضع رجا لو جرت الصوت السواني لي لياضاقت عليّ الأرض سجده وتهْليله والعزا أني مانطقت الزيف ولساني حصاني |
كني البارح غريب ٍ سكته سكه طويله
سج رجله لاعزم سجة غبا والا بياني وويش أسوي دام قلبي غيره قلوبٍ عليله قد خذاها الحب وان كانه حداها ماحداني وقد سمعت اللي يقول الغايه تبرر وسيله وانجبرت أحيا بمبدا خلها والعمر فاني قلبي أخضر والحمام اللي هدل واسمع هديله فز له قلبي على طاريك وطيوفك وزاني ويش اقول ان كان مالي عن بياض الطرس حيله لاابتديت أسمع صدا الهاجس وهو بين المحاني ولابديت اضما رعود الغيث والبرق ومخيله ولاانجبرت أرقب نجوم الليل وسهيل اليماني ولابديت اذكر خليل ٍ ماتجمل مع خليله لاغزاه الدمع وجروحه بخفاقه ثماني والقصيد اللي تمادا في الورق لو شد حيله والله انه غارق في الحب وعيونك مواني ووالله انه مايضيّع سكته دامك دليله والأكيد اختارك ويرفض معك واحد وثاني ولو يجيله يسترد الحب مره مايجيله يسترد الخافق اللي راح معك ولابكاني ووالله ان الحب صعب ٍ معك اباحصل بديله ولو لقيت الغير بستانه ثمر والقطف داني ماذكرت الا انت ياعطر القصيد وياخميله لو تذكرت الرفيق اللي بلاسبه جفاني الرفيق اللي يصب الحقد لويربط صميله قد عرفته قبل يرميني وياليته رماني راح واقفا يمكن انه لاابتعد يبرد غليله والا انا صوب الفعول الناقصه قلبي ثناني وعادة الدنيا ولوتعطي عطاياها هزيله ولاانتظرت الطيب من شخص ٍ مغفل او اناني كل رجال ٍ بدرب المرجله يطرق شليله والردي يبقى ردي لو عاش ب كبار المباني ودامها ميدان كل ٍ يمتطي صهوات خيله والرجل عينه على المشراف لو وقته طماني وأنت ياللي ماقدرت انساك والخافق مقيله في عيونك لارويت الشوف رمشك مارواني لاتصدق ف الف ليله بين يوم وبين ليله الليالي مايله لو جا بها بعض أتزاني ولو يفوح من الفناجيل الغلا بنه وهيله شرط لاعن لمداه وريحته لو ماسقاني ومن لساني خذ قراح الشعر والا سلسبيله خذ قراح الشعر والا سلسبيله من لساني والا انا دوم الغريب اللي مثل عابر سبيله غير غربة عينك الحورا بقت غربة زماني لاتخليني مادام الوقت صافط لي قليله وأن عطاني ماعطيته وان عطيته ماعطاني يمكن اني مارضيت الأخذ من يد ٍ بخيله ولارضيت اركض ورى المقفي عجل واترك مكاني صابر ٍ وآعرف وقتي زين واشيل الثقيله والصبر ماعاب جوع الذيب والهرش العماني والحياه دروب واللي واطي ٍ درب الفشيله لايلوم النفس ويعّود بعد فوت الأواني وان سقط تمر الرجا مااسد جوعي من نخيله ولاهويت أخضع رجا لو جرت الصوت السواني لي لياضاقت عليّ الأرض سجده وتهْليله والعزا أني مانطقت الزيف ولساني حصاني |
الصبح ياهيه دونك مايسمى صباح
مادام ناقص ضيا وزهور فل وعبير انته بصبح الغرام الشمس وانت الفلاح ولاجلك بسير المسافه لو يطول المسير ولرضاك والله لازيد الارصده فالكفاح وأمشي مع الدرب وأرقى في سمايه وأطير بسمتك ياهيه تشرح فاقد الانشراح ماكنها الا بشير الخير عند البشير |
|
قصدت الوفا يا طاري قمت لك وراحبت
ضيوف الطواري قدرها قدر غيابها تفضل وقلي من طويل البطاوش جبت مانا بقايل لك خطوتك وش جايبها يشفعك عندي ماضي العرف لو جنبت لحا الله رجل رفقته ما يوجبها |
كل الثواني غرّدت في غصونك
محظوظ من عندك بنى يالغلا .. عِش .. !! يا صاحبي دامه غمرني جنونك ما للزعل سطوه وغصن الزعل هش تسمو على كل الخلايق فنونك فنون ما فيها من الزيف والغش فيها من الروعه حقايق تصونك يا غيث عطشانك إذا ماطرك رش مغرور بك (كيفي) .. أنا كل كونك غرور ما يلمس مقامك ويخدش في كبريائك مع تعابير لونك يذوب ذاك الحي ويْديه تفرش |
في البحَر .. معْ طاري الأشواق قصّه للغرَق
تحتضر عنده سفينة هاجسي وازداد شوق .. !! مرحبا بالطيف لو فتّق سما شوفي .. برق ولطمة الأشواق ما تشبه سوى لطم الخفوق للنوايا البيض .. أو لليل .. أو سر الأرق .. !! للنفس .. للدمع .. للأحزان .. للدم .. العروق ذبت شمْع ٍ في ملامح ليلة العشق .. احترق ذاب قلبي وارتعش .. لحْضور نورك والشروق .. !! بين سكرة هاجسي بك .. واشتياقي .. مفترق .. للدروب اللي تقرّب .. والدروب اللي تعوق كل نجم ٍ لي يجيبك .. كل صبح ٍ لي شرق كل علم ٍ بك يسولف .. ياخذ احساسي لفوق |
تابعووو المطلق على قناه الاولى
|
سامح الله قلبك اللي مايبيلي طاري
قلبك اللي فالمحبه ليت ما وصيته يوم اجي من شان اشوفك بالليالي ساري للمكان اللي جمعنا .. آه كم حبيته يشهد الله .. يشهد الله العزيز الباري اني ابكي غبن .. وابكي حزن لامريته كنت انا المخدوع والدنيا تلف انظاري لفت انظاري .. ومر الغدر ما حسيته اقترفت الذنب في نفسي ولاني داري لينما شفت المفارق والعذاب اوحيته ما بلومك ليش الومك والمقدر جاري قدر الله لي فراقك شئت والا ابيته والحقيقه ذاك من طبع الزمان العاري مير ماتدري وش الي بالفراق اعطيته شيئ .. يكفيني .. ويغنيني .. وفيه آماري عهدي اوفيته .. وعهدك رحت ماوفيته |
يا مراسلني على الغصن الرطيب
اسألك بالله قللي وش بلاك ان شكيت الوقت من سوء النصيب او شكاك الوقت والا ماشكاك انت لا تسأل وانا ماني مجيب لين تخبرني عن اللي قد دعاك |
و اقفي على دربي بهم وكآبه
فارقتها واحزانها رافقتني يوم انتبه عقلي و رَجّع صوابه وتلاشت بروحي وصوفٍ خذتني أثري تخيلت الغضي في غيابه مكنون غيمه فالشتا صاحبتني ليت الغيوم اللي تشكّل غرابه تعكس تواصيفٍ لك الله برتني لجل ان حظي صايرٍ في سحابه لكنها حنّت علي وامطرتني |
لاح برق المحاجر يوم غبت .. و هما
بين الأضلاع غيثك .. و أرتوى كل قاع ليلة الجرح .. فيها كل شي أنتما من بعد ما فقدتك .. للوجع و الضياع طاري الدمع شين و ما يطاق .. أنما وجبة الدمع دسمه .. للعيون الجياع أيييه يا عذب .. مالي غير قلبك حما لا أتقدم ذراع .. و لا أتراجع ذراع وش بعد ما حصل ؟ .. يوم الشجاع انعما و أنت مثل المنايا تشترى .. ما تباع ليه تستغرب اني مندفع لك ؟ .. هما قلبك أفضل مكان يموت فيه الشجاع كيف لو قلت أحبك حب .. قدّ السما بعد هذي من اللي يحسب الأرتفاع ؟ في عروقي غرامك جا بدال الدما راح قلبي .. و أخاف تلحّقه بالنخاع أكره البعد لحظه عنك .. كره العما كيف أجل طاوعك قلبك تقول : الوداع !! نبعك أحلى من السكر .. و كلي ضما بين شرك و خيرك .. فيه حرب و صراع كل ما مر طيفك بالعيون أحتما بين صد الهجوم .. و بين خط الدفاع اول الشوق .. ورده في كفوفك نما و اخر الشوق .. بلحاااله يسمى أختراع منت غادي .. و انا اللي في غلاك أرتما يوم وجه المشاعر طااح عنه القناع كم قرى الناس عنك .. و كم كتبتك بما ساقه الشوق لجلك و أشتهر بك و شااع جادك الله .. و بعد الله دخيلك أما حان وقت أندماجي فيك . . و الأجتماع؟ من عرفتك و انا أحبك .. و لا ادري لما؟ المهم أنك أنت اتحبني بأقتنااااع و دام حطيت فيني جرح .. قدّ السمااا بيض الله وجهك يا طويل الذراع !! |
ترتدي ثوب الشرف و العز من فوقه وسام كيف ما يصبح وسامك ! وانت عزّه مرتدي بنت شيخ ٍ ما توانى .. ما يفك إلاّ الزحام فزعة اللي ينتخي ويصيح تكفى يا سندي و الحظيظ اللي قرب حظه من حظوظ الكرام ما خشى شر الزمان .. ولا خشى الحظ الردي! اترك الواقع واعيشك في خيالي بنسجام واربط الواقع بأحلام الخيال السرمدي ما بغيتك فالظلام .. ولا بغيتك بالحرام ! ما بغيتك غير بالعز الشريف المقتدي ما بغيتك بالتلاعب .. ما بغيتك بالكلام ما بغيت إلاّ اخوك يصير خال ٍ لولدي لك جنوني لك ظنوني .. يا حبيبي والسلام وانت غالي .. ثم غالي .. ثم غالي يا سعدي |
يذكرك بالخير يا ماضي ليالينا
كم ضاع من عندنا عقبك وكم ضعنا انتي وانا واحدٍ والجرح ثانينا والهم والخوف ثالثنا ورابعنا والغايب اللي على جياته وْعينا كان امس قدامنا واليوم يتبعنا ان كان قصده على الفرقا يضرينا حنا نشينا على الوصل وترعرعنا مثل الجسد عضوٍ وْ عضوٍ تصافينا من كان وده يفرقنا يقطعنا تقسى ظروف الزمن والا تراعينا والا علينا تجي والا تجي معنا يبقى هوانا من اولنا لتالينا اعز ما نملك و ذروة مطامعنا |
مادام حظي معك ياصاحبي قايم
باقابل الوقت بالضحكه وبالبسمه وش خصني في قلوب حظها نايم نوم الخليين عقب الوجبة الدسمه افطر على فيض حسنك قلبي الصايم لين اذبلت روح مغليك ونحل جسمه لبيه يالبسمة اللي جعلها دايم تبقى على طلة امحياك مرتسمه لبيه يالنظرة اللي طرفها هايم لو شافها صاحي ضيع حروف اسمه لو لامني في غرامك يالغضي لايم الامر محسوم لاحد ينتظر حسمه سيطر علي الهيام وجمره الضايم عرقا على روح مفتون الغنج وسمه رغم الشقا ياحبيبي وضعي املايم وابرد على قلب مجنونك من النسمه قلبي وقلبك تلاقوا شايم وشايم ومن الطرب والتعب كل خذا قسمه |
كنت احسب ان الشوق لا دام التجافي ما يدوم
لين انتهى دمع العيون وسال عقبه دمها وبعض الرجا مهما يطول الصبر ما يقضي لزوم صيحة خلا مهما يطول الصوت محد يمها ياقلب انا ما اقول ذم اللي مقدر و محشوم ليلى على جور الهوى مجنونها ما ذمها لكن لو انك تحتكم للعقل في بعض العلوم ما صارت اكبر همك اللي ماانت باكبر همها خليتني في غم نفسي مندفع باقوى عزوم والوم خلق الله وانا والله سبايب غمها |
ابشر ان الكهل من لوعتي عود صبي
كان قصدك تختبر كيف تأثير الغياب كن يومي في غيابك عمر نوح النبي وانتظاري عند بابك إلى يوم الحساب غبت ما خليت لي غير ناري وحطبي بس ليت الشوق عني مثل ما غبت غاب ذنبي انه واصل ٍ فيك وصل امي وابي قلبي اللي ما بعد تاب من حبك واناب مملكتك اللي هنا يالزعيم اليعربي لا تخلي شعبها للمجاعه والخراب انت بس اطلب وعطني من العفو اطلبي واغفر الزله بجاه الغلا قدر وجناب سلهم بسحر ٍ عراقي وسحر ٍ مغربي لين اسافر في عيونك بتذكرة الذهاب ايه احبك لو سبا راحتي حبك سبي ولو ضلالي في غرامك ضلال اهل الكتاب ايه احبك وانت في كل عشق ٍ مذهبي وانت رغبة خاطر ٍ ما سمح منها وطاب مبدأ راسخ ويؤمن به الحر الأبي ما يساوم فيه ابد لو على قطع الرقاب |
الطيب نخل ويحجب العفو قطميـر
ثماره الإحسان وشموخـه اضـلال كممـت فـاه النقـد بيـد التدابيـر خوفي على قطع الصداقة بالأجيـال دام الخطأ في صفحة الناس بيصير دمحـت زلاتـه بعـز و تجمّـال أبغى بها راحـة لنفسـي وتيسيـر واشكره تعليمـي لمعنـى التعجّـال ادري انْه بعيون الصِّبا سالم الزيـر لكن ما هو كفو في عيـن رجـال |
|
شفني شريت الحب من غير دلاّل
يقطعك قلـبٍ بالهـواء تستفـزه ان جيتني خلك مع الدرب رحال دربي طريق العز وللنفس عـزه |
اشوفك منية آمالي واحس بحبك السامي
وأشوفك دمعتي لاغبت وذنب العين مظلومه واعرف اني لقيتك وابتدى يوم الهواء دامي نسيت اني خذيت اول حبيب ٍ دافق سمومه |
يا نجم خلك فـي محلـك مالـك و مـال الطمـان
أقلط على صدر المعالي .. صحتيـن و عافيـه |
حطيني بصدرك واذا قال الزمان: أظهـر و بـان
خليني ابقى داخـل ضلوعـك .. بخيـر و عافيـه انتي عطيني من غلاك.. أحسـاس وشويّـة حنـان وأعطيـك قلبـي.. والقلـوب أطباعهـا متنافـيـه تدرين لو كان الدفـا دولـه و فيهـا .. برلمـان! صرت الزعيم .. و قائد أحزاب القلـوب الدافيـه! |
وشجرة غلاه اللي قد عروقهـا يبّـاس
قلعها الهوى واوراقها الصفـر طاربهـا ودام اصبح المنهاج خير من المجـلاس مثل مادخلـت بعـزة النفـس رحتبهـا |
يقول من هو صار نومه مجافيه
من ضيقةٍ في النفس خافي سببها ماشي على ماقيل في سكة التيه مدري علام النفس شبت حطبها تسري بفكري سجة ٍ ثم ترميه يسرح بهالدنيا وشدة نصيها ياهووه .. يالطيب ..سلامات .. ياهيه هذا بغالي الصوت حالي شجبها ثم انتبهت وقلت : وش فيك ؟ وش فيه ؟ كني أداري علتي واحتجبها قال : منعكر حلو جوك وصافيه من هو سلب عقلك وروحك نهبها ؟ قلت : الخبر يا خوك مالك ف تاليه ما هو بحب اللي لنفسي غصبها خليتها في القلب تجرح وتدميه ما ابغى دموع العين تتلف عصيها |
ما أذكر اني بيوم زعلتك بشي !
قرارك المجنون .. مجهول الأسباب وإذا جرحتك عالجي الجرح بالكي ما يوصل علاجه لتقطيع الرقاب على العموم .. شلون قلبك ؟ عسى حي ؟ عساه ما قفل على نفسه الباب |
لا تصدقين اني بلا حس ولا ذوق انا تراني منحرج حيل وعاجز حبيبتي أحس ماكلني الشوق يا ليت مابيني وبينك حواجز |
لوقلت عنك اتوب وشلون ابااتوب ونسيانك اشوفه على قمة الياس هذي سنه وخطاي تحتاج لدروب مثل احتياج الناس لمعاشر الناس |
| الساعة الآن +4: 09:25 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
