يانهار البشاير ... صب لى شمس= باتقهوى وانا والله ...حياوى
يكفي اني فداوى عندك امن امس =وانت تشره على ثقل الفداوى
احسب انك قبل لاتمد لي ... خمس =تحتضني ... وانا امد الرهاوى
لاتعجب ... تلمس خاطري لمس= لاتغرك من بعيد ...الكساوى
جايز اضحك لو انه خاطري عمس =نوب ضحكني مثل طبعي نحاوى
يمكن انى قريب ومبعد .. الرمس= كل لونٍ لبس جسمي سماوى
جيت اقص الزمان وجرته طمس= قلت ابا انشد ... قنب بالرجم عاوي

لا شفتني ساكت لا تنشد علامي = اعرف تراني من سبب نظرتك ضعت
جايع وحصّل في عيونك طعامي = لا تحرم عيونك عيوني اذا جعت
تصدق انك صرت كل اهتمامي= اكذب عليك ان قلتلك ماتولعت
الحب طبعه بين الاحباب سامي= وعن حب غيرك ياحبيبي ترفعت
الشوق حامي ليتك تصير حامي = من بارد احساسك تراني توجعت
من وين مالديت تلقى غرامي= على دروبك ياغرامي توزعت
محبتي فطره وعفوي كلامي= من بد خلق الله معك ماتصنعت
اسمك محى عندي جميع الاسامي = كنك على الساني ربيت وترعرت
جيتك على درب المواعيد ضامي = ولمحت طيفك بالطريق وتسرعت
عن حب غيرك صرت معلن صيامي= من يوم شفتك ارتويت وتشبعت
الحق علي وضمني ياغرامي= يمكن اموت من الوله لا تراجعت