على الهون ياصاروخ ابو وجه مشلوخ = على راس حزب النصر ترجع فداوي
ياحزب الخساير راسكم طاح ملموخ = عليكم نبا نصدر جميع الفتاوي
ياناصر نحط بحلقك التوت والخوخ = ولا سد حلقك غير خوخن سماوي
ترا الديك لو خلف كتاكيت وفروخ = فروخ الدياكه مثل قلب العماوي ههههه
تريح ترا خشمك من العام مصلوخ = صلخناه في شمان سارح وضاوي
زعيم السريه عمدة الحي مطنوخ = ليا جاك تونس وسط معدتك لاوي

الشعر فن وذوق ماهو خثاريق=مثل الرسم بمشمرخات الصلافيح
اللي تغنابه جميع العشاشيق = واللي يغنونه هل الفطر الفيح
ماهو بملقوفن على فكت الريق= خمه وشلح طيب الشعر تشليح
من شفت تال اردودكم صابني ضيق= الله يبيحك يابن عطوان ويبيح
وشفيك عاينت الدفوش المطافيق=شلفحت وانته ماتحب اشلافيح
شاعر ولك عندي عهود ومواثيق= انك لترفع هامت الشعر ميطيح
العام شعرك كالجبال الشواهيق=واليوم اشوفه مثل مي الضحاضيح
صابتك عدوى من قليل التوا فيق =وصبح يديرك كل مدارت الريح ههههههههه
تصاوتو بصواتهم كالغرانيق = وكلٍ يقول انه بعيد المصابيح هههههههههههه
وحذفهم الله بالوجيه المطاليق=حزبي يشرح هامة الخصم تشريح
والختم قولو وحذفو شي مايليق=نبا مردن زين من دون تجريح
وحنا ذراء الي يالبسن المخانيق =يشهد لنا التاريخ في هبةالريح
تشاورو واللي بغيبوبه يفيق=ولاتلقحون اقليل الكي تلقيح

الشعر حر وفي يدي المسابيق=ارعاه في جو النشاما المصاليح
واقطع وتين دقيقات المعاليق=في حد شلف مشوكاتاً ذوابيح
اكفيك عن ربعاً زحولاً مصافيق=يلي تفرك في يديك المسابيح
لاتويق ضلع ابان والهضب واطويق=خلك مع الورعان فوق المراجيح هههههه
انصحك ياشايب على الضلع لاتويق=تراك من ربعاً وجيهن مفاليح
وانته تبى في كل غارات تصفيق=مثل الذي يفرح بصوت النوابيح هههههه
لكن حزبي في يديها المطاريق=من ضربها فيكم هذا يون ويصيح
والي يراوغ نشنقه بالمشانيق=ونرميه ماندسه بوصط المضاريح
امطوقينك يابيض الوجه تطويق=ماحاصللك يابو تركي مراويح