قصيدة في مدح الشيخ / محمد بن عبيد بن عقيل العجوني

[مبروك عبيد]

هذي ألقصيده قالها الشاعر / ثويمر هديرس العجوني
يمدح فيها الشيخ / محمد عبيد العجوني القاها بالحفل الذي اقامه بمحافظة المجمعة

مرحبا ترحيب شاعر كلمته مسموعه=والرجال أهل العقول الكلمه أتقيمها
مرحبا ترحيبةٍ مثنيه ومربوعه=واجب أنا في قدوم أضيوفنا أنقدمها
في حضور اللي لهم سمعة شرف مذيوعه=سمعة ٍ تبني بيوت العز ماتهدمها
في لقاهم مفردات الشعر جت لي طوعه=وانظم أبيات الشعر ولساني يترجمها
في محل اللي نجيه وروسنا مرفوعه=والنشاما في محله دائم ايليمها
وارث ٍ طيب الرجال اللي لهم موسوعه=محكمه بفعالهم تاريخهم محكمها
من يذم محمد ابن عبيد جته اللوعه=ظالم ٍ نفسه ومن كلمة نعم محرمها
الردي عنه المراجل مثل حبة كوعه=تنحره كل الرجال ولأقضى لازمها
كل مايسمع جرس بيته تصيبه روعه=قبل بابه ينفتح وعذاره امولمها
وأنت يابن عبيد فيك المرجله مزروعه=قسمة ٍ من ربك الخلاق لك قاسمها
من يعذرب فيك يامحمد قصير ٍ بوعه=وأنت رجال ٍ تلم الناس وتكرمها
ولا نقول أن الرجل هذا فريد ٍ نوعه=يوجد أمثاله مع العربان مانضلمها
لكن انه من صغر سنه وهذي اطبوعه=المراجل كلها من صغره املازمها
ماسك له سيرتن مبطي وهي متبوعه=من جدود ٍ راحله جعل الولي يرحمها
ياعساها سيرتن تتبع ماهي مقطوعه=مستلمها من عبيد ولابنه أيسلمها
كل طيب له شهاده تأتي من أربوعه=والمدايح بالردي ماتنفع مرهمها
الرجل هذا شهدله غيرنا مجموعه=أن هذا مجمع الأرقام ومحطمها
ابتدآ معنى القصيده ونتهى موضوعه=مبتديها بالكلام الجزل ومختمها

الشاعر / ثويمر هديرس العجوني

[عياضه الرشيدي]

صح الله لسان شاعرهاااااااا
لاهنت اخوي على النقل عليك بيياض الوجه
تحيتي لك لاعدمناااااااااااك

[مشاري العويمري]

صح الله لسان شاعرها
لاهنت اخوي على النقل عليك بياض الوجه

[عبدالله بن شردوق]

مبروك عبيد

صح لسانك

سلمت يداك ع الطرح الرائع

تحيتي لك