[عذآيب]

كل من عاش بالدنيـا يشـوف العجايـب
مثـل ماشفـت بالدنيـا وشفتـه باهلهـا

قمت ابرق وافرق بين مخطي وصايـب
مثل فرق الجبـال النايفـه مـن سهلهـا

والتوافيـق عنـد حظـوظ و وهـايـب
عند رب يجـازي كـل نفـس بعملهـا

اشهـد ان الهـدوم يستـرن المعـايـب
اثرها تستـر الحرمـه وتستـر فحلهـا

الاوادم بعضهم مثل وصـف الجلايـب
لو توحد بها ذيـب الخـلا كـان اكلهـا

كم صبـي تحسـب انـه ع الضرايـب
وان بخصته , كرهت الديره اللي نزلهـا

مايسر ان حضر , وان غاب ماقيل غايب
مار الارزاق عنـد ربٍ لخلقـه كفلهـا

مايضـد الضديـد ولايفيـد القـرايـب
يوم نفسـه تعـدى حدهـا مـن زعلهـا

وفيه رجل يحـل المشكلـه والنشايـب
كـل ماحملـوه الواجبـات احتملـهـا


وااقـفٍ للـزوم ومرتكـي للنـوايـب
والحمـول الثقيلـه مالهـا الا جملـهـا

ليت روحه قبل تركز عليـه النصايـب
حط عنه اربعين مـن الزلايـب بدلهـا

وفيه منهـو مسالـم مايحـب الطلايـب
مشتقى من رضى نفسه ولا من زعلهـا

وفيه منهو اذا كبرت عليـك المصايـب
ساق وجهه وجاهه لـك ونفسـه بذلهـا


وفيه منهو يبا الجـودا فلاشـك هايـب
كل ماناض صدره جـى عضـوده خللها

وفيه منهو يحل المعجـزات الصعايـب
اصغر افعاله الجـزلات محـدن فعلهـا

وفيه منهو يعيـش وعيشتـه بالسبايـب
كل ماسمعله غلطة مـن رفيقـه نقلهـا

وفيه منهو على نفسه رضـى بالغلايـب
الله اللـي رفـع نفـس ونفـس خذلهـا

لـو تبـي تنصحـه لله نجـر الهبايـب
انكـرك والنصيحـه ردهـا ماقبلـهـا

اشهد انه عقوبـه مـن كبـار العقايـب
قاصر المعرفه قلبـه كمـا قلـب بلهـا

وســـلامتكـــم...

الموضوع الأصلي: &%كل من عاش بالدنيـا&% | | الكاتب: عذآيب | | المصدر: شبكة بني عبس

[نايف ابن عليثه]

صح لسآن شآعرهآ ..

وسلمتــ آنآملتس يآغآليه ..

[سرآميد]

مشكووووووره والله يعطيك الف عافيه

[عذآيب]

اقتباس من مشاركة نايف ابن عليثه صح لسآن شآعرهآ .. وسلمتــ آنآملتس يآغآليه ..

الله يسلمك.. منور ياخووووي
وانا رجال ماني ببنـــت والله رجال علامكم ههههه
حياك ربي

[عذآيب]

اقتباس من مشاركة سرآميد مشكووووووره والله يعطيك الف عافيه

هلآآآبكـ اخــوي منوورين

[غريق الأمواج]

(( نقل جـــــــــــــيد ))

،
،
،

( صح اللسان الشعار وتسلم الكاتبه )

[رعبوبة]

صـــح لسآآآن شآعــرهآ...
ولآلآلآهنــت ع النقــل الروووعة يآعــذآآيب