[غربة الروح !!]

ياحادي الروح بين البوح والعبـره
شيِ بسيطٍ على الدنيـا مصبرنـي
:
فإن كان لابد ينزف شاعرك حبـره
أضمن لي الدمع ما ينزف وعبّرنـي
:
كبرت حمول الزمان وقلّـت الدبـرة
وعيون الأحلام عميا مـا تدبرنـي
:
ياطيب حزني معاي وصدقه وكبـره
شف كيف بعيون خلق الله كبّرنـي
:
عزالله إنّي غديت بـ/ هالزمن خبره
من كثر ما كسّر ظنونـي وجبّرنـي
:
هالقلب قفلٍ قديم وباقي بـ/ صبـره
مقدار مـا يكفـي الأيـام تقبرنـي
:
ما ظلّ بي حيل أعاشر قلب وأختبره
طلّعني من الحديث الموجع أخبرنـي
:
وإلاّ تنام الشـوارد غبـن منجبـره
ويدين الأقزام شرهتهـا تشبّرنـي
:
تدري يطول الكلام وتخفت النبـره
وأنا التعب للغياب بصدق يجبرنـي
:
والبوح هتّاك ستر وداخلـي عبـره
وشيٍ بسيطٍ على الدنيـا مصبرنـي.!


(مممآ رآقَ لِي)

الموضوع الأصلي: ما ظلّ بي حيل أعاشر قلب وأختبره..!! | | الكاتب: غربة الروح !! | | المصدر: شبكة بني عبس