[سعد محمد]

ماني بمن يبكي على شان ماضيه
انا اللذي ماضيـة يبكـــــي عشانه

اناعدوي مالتفتله وحاكيـــــــــــه
انا اللذي صمته للاعداء إهانــــه

ولا كل من كشر بوجهي بعـــــاديه
باالعكس ابضحك واعتبرها ميـــانه

وشوله ازعج خاطري وانشغل فيه
بغض عنهم واعتبرها ذهــــــــانه

وماهو بكل واحد يمدّح اماشــــيه
ياكثر من يضحك بوجهي شطــانه

كم واحد(ن) سني وشيعه مباديه
يمشي معك بخداع زيف وخيـــــانه

وماكل من يـــــزعل عليّه اراضيه
كم واحدن يزعل وقصده لعــــــانه

ولا هوب كل واحد // واحد اساويــــــه
بعض العرب عندي رفيع(ن) مكانه


وبعض العرب ودك برمشك تغطيه..
والبعض ماودك تواجــــــــــــد زمانه


والبعض عنــــــدي ماتعدى مواطيه
مثله مثل أي شخص خان الامـــانه

:

مـاراق لـي ,

الموضوع الأصلي: ماني بمن يبكي على شان ماضيه ... | | الكاتب: سعد محمد | | المصدر: شبكة بني عبس