جديد ثامر شبيب
شدو بدو قلبي عن ديار قلبك=والبدو لا شدو عن ديار يبطون
واليا انشدوك الناس وش كان ذنبك؟=قول : البدو لاعافوا القاع يمشون
أقفت إركابي ماتبي عذب شربك=طبع الكرام ان شافوا الضيم يقفون
على الهماج آرد ولا آرد لـ / عذبك=في سلومنا المقفين عيبٍ يردون
للشرق دربي ان كان للغرب دربك=ماعاد تجمعنا مدينه على الكون
راحل وتارك لك { غرورك و كذبك }=يمكن بقربك عن غيابي يسدون
ضيعت اجمل وقت عمري بـ جنبك !=ضحيت يوم ان الحبايب يضحون
بس انت ما تستاهل أبقى بـ قربك !=اشك ان لك قلب وإحساس وعيون
وقفت مثل السيف صامل بـ حربك=في موقفٍ حتى القرايب يصدون
ويوم الله أمّن خوف قلبك ورعبك !=خليتني مابين ( ضيقات وظنون )
والحين ابرحل وانت ابخص بـ ذنبك=والجرح يتشافى مع الوقت ويهون !
شدو بدو قلبي عن اديار قلبك=والبدو لاعافوا لهم قاع يمشون