16-12-2014, 10:34 PM
|
|
رأي النقاد
يا قلب لا تشتكي كثر الهواجيس
ولا تشتكي من مر ضيم الليالي
دامك على نهج الرجال السناعيس
اهل المكارم والشيم والخصالي
اتبع طريق الحق واطرد ابليس
والحق نور ومفتاح القفالي
واكسب العلوم الغانمه والنواميس
ترا المراجل تبي قول وافعالي
يا القطامي خذ خط القراطيس
انت الفهيم يا عريب الجد والخالي
انا ذبحني ابو العيون النواعيس
اللي رموشه على خده ظلالي
يا عود زملوق تداعبه النسانيس
يلعب بع الغربي يمين وشمالي
والصدر روض وما به طواعيس
مسقيه رب الخلق مي زلالي
الزين زين وراجحن بالمقاييس
لانه تعدى بالحلا كل حالي
له منزل خلف الضلوع المقاويس
مشيده باحكام عن كل ضالي
واسسته لزين الصبايا تاسيس
حيثه لقلبي يا فهد حيل غالي
يا الله يا مرسل مزون كوابيس
تحفظ لي الغالي يارب يا والي
وختامها صلو عد خط القراطيس
على نبي الحق حلو الخصالي
|