يارجل لآتنسى حقوق الرفاقة
وعلى حقوق الربع لآ تبدي القرش
فبيوتهم تلقى الكرم واللباقة
وتاكل عيال اللي عراقيبها حرش
وتعطيكـ أهلها من التراحيب باقة
مجالس مكسيةً بافخم الفرش
غناتكـ بربعكـ ولو ماش فاقة
تسوى ملآيين الرعايامن الطرش
وإلا غناة المال هي الحماقة
لو تنفخ العلباهـ وتكبر الكرش
ترى ماهي دايم مزوح ورواقة
دنيا تذل الذيب وتنوخ الهرش
لوبينها وبينكـ ضبطت العلاقة
وبنت لكـ من الحلم فوق البحر عرش
من طبعهـا ماتخلـي الاصطفاقـة
ياما أخرشت ناس لهم ثقلهم خـرش
تخلي يدين اللـي عشقهـا عشاقـة
وتغني يدين اللي قبل رابح شـرش
مادام تحمل باسـم ربعـكـ بطاقـة
على حقوق الربع لاتبـدي القـرش