هذا أنت؟ !! يامرحبا واهلين مشتاقك=القلب شافك وفك الصدر يومي لك
من جيت سال المطر من غيث براقك=القاع ضميا ثلاث اسنين وتخيلك
سقت القصايد على فرقاك ماساقك=شوقك ؟ ولاجيت مره ساري بليلك !
(محتاج لك حيل) (والا ليلة افراقك)=بادن قلوب البشر مابيدن حيلك !!
عشاق شعري غدوا بالشعر عشاقك=(امين) *ياكثرهم قالوا وانا ادعي لك
ما انكر بضيقتك حتى الزمن ضاقك=والارض في كبرها عجزانه اتشيلك
غبت بظروفك غصب ماغبت بأشواقك=انا عذرتك !! وانا كل ليله ابكي لك
اخير مذكر كلامك لحظة اعناقك=ساكت !! وانا كل مافيني ينادي لك
نشرت شعري ابيه يكون سراقك=يدخل شبابيك بيتك منك يشكي لك
اسف اذا قصر احساسه ولا طاقك=ماكان غيره وسيله تقدر اتجي لك
*محتاج لك حيل ادري هزت اعماقك=قسيت فيها عليك وسال منديلك
لكن يكفيك عنها ليلة افراقك=خلت عيون البشر تقراك وتسيلك
جديد السلسبيل/ ثامر شبيب